Tui nan, thẻ “căn cước công dân” hu salih angan jeng thẻ “căn cước”. Oh “in vân tay”, đặc điểm nhân dạng tagok mbaok thẻ căn cước. Gam haong nan, taphia di bruk salih angan, angaok thẻ căn cước jeng hu dom salih bahrau dut haong thẻ căn cước công dân.

Cambaih laih, tui adat bahrau, thong tin hu in angaok thẻ căn cước nan lac: Hình Quốc huy taneh aia Cộng hòa xã hội chủ nghĩa Việt Nam; talei angan  “CỘNG HÒA XÃ HỘI CHỦ NGHĨA VIỆT NAM, Độc lập - Tự do - Hạnh phúc”; talei angan “CĂN CƯỚC”, thaot mbaok meta; số định danh di urang nan; họ, chữ đệm saong angan khai sinh; harei, bilan, thun menek; giới tính; labik tut angan ngak harak khai sinh, quốc tịch; labik daok; harei, bilan, thun ngak thẻ; harei, bilan, thun abih vaktu pandar, labik ngak brei.

Yau nan, dut haong thẻ CCCD urak ini, thong tin “palei negar” hu salih tapa “labik tut angahn ngak harak khai sinh”; “labik thường trú” hu salih tapa “labik cư trú”. Thẻ căn cước jeng oh hu thong tin ka vân tay, đặc điểm nhân dạng di bhap bani.

Salih tame nan, thong tin ka mbaok meta, vân tay, puk meta, nyaom darah, số CMND 9 số, agama, thông tin nhân dạng, harak BHYT, harak adat peih radaih…hu mã hóa, khik piah dalam chip.

Ndom ka gah makna, Hukum Căn cước 2023 hu brei thau yau ini: Căn cước lac thong tin cơ bản ka rup babhap di manuac urang, lai lịch, nhân dạng saong sinh trắc học di sa urang; thẻ căn cước nan lac harak gar tùy thân hu gam căn cước saong thong tin karei hu pataom veik tame thẻ căn cước di bhap bani Việt Nam, kayua jabat khik iek căn cước ngak brei.

Tui Uỷ ban Thường vụ Quốc hội, bruk pandar angan ieu lac thẻ căn cước lac laghaih, hu ginup abih thong tin ka căn cước di bhap bani.

Langiu di nan, meng bruk preh prong, pataom rilo thong tin tame thẻ căn cước gam pamaong tal bruk khik ramik di karja ka căn cước taong abih gah jang, ginup abih jeng, gam ba mai mbuan laghaih ka bhap bani dalam bruk pandar thong tin cá nhân jeng yau dom thong tin angaok dom janih harak gar karei dalam bol bhap rah ra yau: ngak harak gar hành chính  saong pabak brei dom dịch vụ công trực tuyến, ngak pasiam hệ sinh thái dalam bruk pambuak pagam, ba pandar, pabak brei ngak kaya meda dữ liệu negar ka bhap bani.

Bruk salih angan thẻ căn cước oh ngak brei tamuh tabiak harak gar, jien ndo salih thẻ ngan haong bhap bani.

Kayua Hukum tacei lac bhap bani hu thẻ căn cước công dân, chứng minh nhân dân abih tukvak pandar meng harei 15-1-2024 tal dahlau di harei 30-6-2024 ye daok hu pandar tal abih harei 30-6-2024.

Langiu di nan, dom thẻ căn cước công dân hu ngak dahlau di harei 1-7-2024 hu yaom pandar tal abih tukvak hu in angaok thẻ. Tok tuk halei bhap bani caong khin ye hu ngak brei tapa thẻ căn cước.

Taphia di nan, dalam dom bruk njauk salih thẻ căn cước, Paka 24 di Hukum Căn cước jeng oh tacei lac njauk salih thẻ căn cước công dân jeng thẻ căn cước meyah thẻ daok tukvak pandar./.