Wa Hồ hu ndom, Bol bala lac “sang bac praong” piah ka dom rai dam dara kham merat pasram megru, praong tagok. Hu ngak bruk dalam bol bala, hu rik prein ranaih tame khik caga taneh ia lac bruk hadah mbaok meta di yaok rahra.

Rahra dalam umo nao ngak nghĩa vụ quân sự, oh lac bangsa halei, agama hagait, oh lac bac ta-a glaong atau biar, ngak bruk hagait, daok di labik halei, jeng brei nao ngak nghĩa vụ quân sự tui Hukum negar saong tui Hukum Nghĩa vụ quân sự.

Paka 30 Hukum Nghĩa vụ quân sự thun 2015 tacei lac: “Rahra umo meng ginup 18 thun hu ieu tame ngak lin, umo thun ieu tame ngak lin lac meng ginup 18 thun tal abih 25 thun, rahra hu bac megru cao đẳng, đại học hu brei padeih ieu tame ngak lin ye umo ieu tame ngak lin lac tal abih 27 thun”.

Tukvak ngak lin dalam saman sron mbon di hạ sĩ quan, urang lin lac 24 bilan. Dalam tuk ngak lin, dom dam dara hu pasram pahat prein yava, ngak randap haong kỷ luật ka rup drei, ba drei tame raidiuk di bol bala saong thau dalam jang ka makna, yaom glaong di Quốc phòng saong bruk ngak di yaok rahra dalam xã hội.

Yau nan min, urak ini jeng daok hu menuac oh ka thau hu bruk ngak di drei, duah jalan nduac dauk, plaih nyaik nao nghĩa vụ quân sự, bruk ini nyu suan haong adat hukum urak ini. Tui Hukum Nghĩa vụ quân sự thun 2015 ye bruk nduac dauk, plaih nyaik, cagar veik, pacang cakak  bruk nao ngak nghĩa vụ quân sự ye tui bruk bo njauk taong phạt hành chính atau kaoh duas hình sự. Ndom ka bruk kaoh duas hình sự, Paka 332 Bộ luật Hình sự thun 2015 tacei lac:

1. Urang halei oh ngak njauk tui adat hukum gah tut angan nghĩa vụ quân sự, oh ngak tui harak ieu nao ngak lin, ieu pataom pasram pahat, njauk taong phat hành chính ka bruk ngak ini atau njauk kaoh duas ka bruk ini, oh ka hu “xóa án tích” bo daok ngak suan, ye njauk phạt cải tạo oh mek kreik tal 2 thun atau mek caik guk meng 3 bilan tal 2 thun.

2. Ngak suan 1 dalam dom bruk yau hadei ini, njauk mek caik guk meng 1 thun tal 5 thun:  Eng drei ngak brei rup njauk rambus atau ngak jhak ka prein yava di drei eng; ngak duas dalam zaman mesruh, dui ba urang karei ngak duas.

Daok gah taong phạt hành chính, tui Hukum langyah bruk ngak suan hành chính thun 2012 saong Sarak 120/2013/NĐ-CP harei 09/10/2013 bruk oh nao  khám nghĩa vụ quân sự tui harak ieu, meda njauk taong phạt jien atau mek - pacap ngak bruk.

Dom adat nan piah khik catang, khik njauk saong lac bruk di rahra hu mbaok nao ngak nghĩa vụ quân sự. Sarak ini piah khik kajap bruk samu gauk saong ngak njauk tui adat hukum, pachreih bruk ba tangin tame khik caga taneh ia saong dak padang Quốc phòng khang kadang. Yaok rahra brei thau cambaih, brei ngak njauk bruk hu mbaok nao ngak nghĩa vụ quân sự njauk tui adat hukum./