Tuk taduan hu Lệnh ieu tut angan nao nghĩa vụ quân sự, urang nan njauk nao tal Mban Chỉ huy quân sự pakat xã piah tut angan nao nghĩa vụ quân sự. Meyah oh ngak njauk tui adat gah nghĩa vụ quân sự, meda njauk taong phạt hành chính. Kadha “Hukum negar saong raidiuk” adit ini, da-a mikva saong taong abih gauk duah thau bruk langyah meyah ngak suan adat gah nghĩa vụ quân sự.

Tui nan, oh tut angan nao nghĩa vụ quân sự mbang camereip ngan saong urang likei dalam thun umo ginup 17 thun lac menuac njauk tut angan nao nghĩa vụ quân sự ye njauk phạt cảnh cáo.Langiu di nan, njauk phạt jien meng 8 - 10 triệu đồng ngan saong 1 dalam dom bruk yau ini: Oh tut angan ngak bruk dalam gah menuac caga tui adat; Oh tut angan nao nghĩa vụ quân sự pabak tame tuk hu bruk salih bahrau ka chức vụ ngak bruk, trình độ bac da-a, ilamu ngak bruk, bruk prein yava saong dom bruk brei thau karei hu pambuak tal nghĩa vụ quân sự tui adat; Oh tut angan nao nghĩa vụ quân sự tuk salih labik daok atau labik ngak bruk, bac da-a tui adat.

Phạt jien meng 10 tal 12 triệu đồng ngan haong bruk oh hu mbaok njauk tukvak atau labik pasang iek prein yava hu vak dalam lệnh ieu pasang iek prein yava nghĩa vụ quân sự di urang dang akaok mBan Chỉ huy Quân sự pakat huyện tui Hukum Nghĩa vụ quân sự bo oh hu tavak bruk hagait praong, cambaih laih.

Ngan haong bruk oh taduan mek lệnh ieu pasang iek prein yava nghĩa vụ quân sự tui Hukum Nghĩa vụ quân sự bo oh hu tavak bruk hagait praong, cambaih laih, njauk phạt jien meng 12 - 15 triệu đồng.

Bruk oh ngak njauk tui lệnh ieu pasang iek prein yava nghĩa vụ quân sự meda njauk phạt jien meng 25 - 35 triệu đồng.

Phạt jien meng 30 - 40 triệu đồng ngan haong bruk oh hu mbaok njauk tukvak atau oh hu mbaok njauk labik ieu pataom, hu vak dalam lệnh ieu nhập ngũ bo oh hu tavak bruk hagait praong, cambaih laih.

Bruk pachot, bleik saleik piah plaih njiak ngak tui lệnh ieu nhập ngũ hadei di tuk pasang iek prein yava blaoh mboh lac ginup prein yava piah tame ngak lin tui adat ye njauk phạt jien meng 40 - 50 triệu đồng; oh ngak njauk tui adat ieu tame ngak lin, njauk phạt jien meng 50 - 75 triệu đồng.

Langiu di nan, Paka 332 Hukum Hình sự 2015 hu tacei tabiak duas plaih njiak nao nghĩa vụ quân sự yau ini: Urang halei oh ngak njauk tui hukum gah tut angan nao nghĩa vụ quân sự, oh ngak tui lệnh ieu tame ngak lin, lệnh ieu pataom pato pasram, njauk taong phạt hành chính bloh ka bruk ini atau njauk kaoh duas bloh ka bruk ini, oh ka hu “xóa án tích” bo daok ngak suan, meda njauk “cải tạo” oh mek kreik tal 2 thun atau mek caik guk meng 3 bilan tal 2 thun.

Ngak 1 dalam dom bruk yau ini, njauk mek caik guk meng 1 thun tal 5 thun: eng drei ngak brei njauk rambus atau ngak jhak ka prein yava di drei, ngak bruk nan dalam tuk mesruh metak, dui pachreih urang karei ngak suan yau nan./.