Kadha bahrau njauk ndem tal dalam Hukum Căn cước công dân pasiam veik lac bruk peih praong urang hu pandar dut saong Hukum Căn cước công dân thun 2014. Tui nan,, langiu di bruk pandar ka rahra Việt Nam, jabat, kapul, manuac urang hu pambuak tal, hukum ini daok hu pandar ka urang Việt Nam lac urang oh hu quốc tịch daok raidiuk di Việt Nam jeng hu brei harak căn cước saong laik định danh. Bruk brei harak căn cước saong laik định danh ka urang Việt Nam oh hu quốc tịch Việt Nam, min daok diukrai di Việt Nam piah khik ramik hu taong abih rahra saong urang hu aViệt Nam daok raidiuk dalam puk palei. Meng nan ba mbuan lagaih ka bruk ba tabiak sarak cak rok patagok rahra; saong khik kajap an ninh, trật tự, salamat di rahra.

Jeng tui dự thảo hukum, langiu di dom khau tin dalam Cơ sở dữ liệu negar ka rahra, thẻ Căn cước công dân daok hu pataom dom khau tin tani tanat saong hu pandar yaok harei di rahra. Abih di nyu nan lac, ngan haong dom quy định cambaih laih dalam dự thảo hukum ini, thẻ Căn cước công dân hu yaom pandar piah pabak khau tin ka rahra saong samu haong bruk ba tabiak dom harak gar kayua jabat hu  thẩm quyền ngak brei hu khau tin hu pataom dalam thẻ Căn cước công dân piah daong trun manieng dom harak gar ka rahra. Meng nan, ba mbuan lagaih ka rahra dalam bruk giao dịch dân sự, peih bruk salih số, salih bahrau harak gar hành chính, yau ye: khau tin ka thẻ bảo hiểm y tế, sổ bảo hiểm xã hội, harak adat peih radaih, văn bằng, chứng chỉ, harak khai sinh, harak brei thau bruk tok diuk tok pasang atau harak gar karei di gah khik ramik di dom mintri, jabat samu Mintri saong dom jabat di Rajaei.

Daok jalan ngak, adat ngak thẻ Căn cước công dân, hu pasiam, pabak tui jalan neh tabiak karei ka jalan ngak, adat ngak thẻ Căn cước công dân ka rahra umo mala 14 thun saong rahra meng ginup 14 thun tagok piah lagaih haong bruk pasiam veik, urang hu pandar di dự thảo hukum. Tui nan, ngan haong rahra meng ginup umo 14 thun tagok, jalan ngak, adat ngak oh salih karei. Ngan haong rahra lac ranaih umo mala 6 thun min ka oh tut angan khai sinh ye peih bruk ngak thẻ Căn cước công dân tuk tut angan khai sinh. Daok rahra lac ranaih hu tut angan khai sinh ye amaik, ame atau urang iek glang mai tal jabat khik ramik căn cước saong peih bruk ngak thẻ Căn cước công dân.  

Abih di nyu nan lac, ngan haong asal hu brei mboh di mangaok thẻ Căn cước công dân, dự thảo hukum pasiam, pabak tui jalan yah klaak vân tangin; pasiam veik khau tin di laik thẻ Căn cước công dân, palei, labik daok, akhar mbaoh tangin di urang ngak thẻ tui Hukum Căn cước công dân urak ini jeng laik định danh manuac urang, labik tut angan khai sinh, labik daok saong akhar lac “Labik pabak: Mintri Công an”. Adat ini lac piah lagaih haong dom asal kadha karei hu pasiam veik, pabak dalam dự thảo hukum. Taphia di nan, dự thảo hukum jeng tacei tabiak cambaih laih ka tukvak ngak, salih, ngak veik thẻ Căn cước công dân; dự thảo hukum hu pasiam veik tui jalan kuhria meng harei taduan hu ginup harak tui adat, jabat khik ramik căn cước brei ngak, salih, ngak veik thẻ Căn cước công dân ka rahra dalam tukvak 7 harei ngak bruk.

Yau nan, ngan haong dom asal kadha hu pasiam veik nan, rahra meda pandar thẻ Căn cước công dân piah ngak yaok bruk giao dịch. Gam haong nan, khau tin di rahra hu khik kandauk glaong bo daok pacang cakak bruk ngak ja harak gar ba tui rup./.