PANUAC KHAN BREI THAU DAHLAU KA BRUK PACHOT BA MENUAC NAO NGAK BRUK DI NEGAR LANGIU
Thứ ba, 10:14, 23/05/2023 Urang lang: JASI Urang lang: JASI
VOV4.VOV.VN - Bruk pachot, pagat urang ngak caong khin nao ngak bruk di negar langiu daok rah tabiak meng rilo thun ini mai.

Bruk pachot, pagat urang ngak  caong khin nao ngak bruk di negar langiu daok rah tabiak meng rilo thun ini mai. Gah chức năng saong karja jeng hu ba tabiak rilo panuac khan brei thau dahlau piah daong ka urang ngak plaih hu bruk “jien lahik, kathaot bo daok njauk kathaot jang kayua nao njim jien, tavak sre piah hu nao ngak bruk di negar langiu”. Yau nan min, kayua kurang thau, nan ye rilo urang ngak jeng daok njauk lah pachot di dom kapul nyaom, menuac urang. Kadha “Hukum negar saong rai diuk” adit ini, urang vak Hà Nam hu kadha vak brei thau ka dom bruk pachot pagat ba menuac nao ngak bruk di negar langiu piah ka mikva caik hatai sangka.

Mbang pakacah sap Hàn saong pasang iek tangin ngak brei ka urang ngak hu hatai caong khin nao ngak bruk di Hàn Quốc tui Danak dak brei adat ngak bruk ka urang ngak negar langiu di taneh aia ini (daok iew lac Danak dak  EPS – mbang 1 thun 2023) bahrau rah tabiak. Mbang pakacah ini hu labaih 23 ribau urang ngak mboh tangin hu mbaok tame, yau nan min dom menuac ngak bo gah Hàn Quốc caik ka urang ngak di Việt Nam tok jaik sa meteh dut haong taong abih manuac urang ngak hu mbaok tame pakacah.

Thau hu hatai caong khin nao ngak bruk Hàn Quốc di urang ngak, dom kapul nyaom, menuac urang nyu pachot pagat, sanya tacei dalam duk pakacah saong sanya tapa hu mbang pakacah sap Hàn brei ka urang ngak nao ngak bruk di Hàn Quốc. Kayua yau nan ye, urang ngak njauk duah thau ginup kadha ka adat hukum, jien sahui saong quyền lợi, nghĩa vụ di drei tuk hu mbaok tame danak dak. Brei thau ka danak dak saong dom panuac kakei ka urang ngak plaih njauk pachot pagat ye hu Pasak Ngak bruk langiu negar ba ginup abih tagok angaok blah thong tin điện tử di jabat labik www.colab.gov.vn. Amuk Phạm Ngọc Lan, Phaok Yam ndok Pasak ngak bruk langiu negar (Mentri Lao động Thương binh saong Xã hội) kakei lac: "Piah tapa hu dom mbang pakacah, urang ngak oh hu jalan halei karei nan lac kham merat pathram saong bac sap Hàn biak siam. Saong urang ngak brei caik hatai sangka anak dom bruk yau “bao đậu” blaoh daong ka drei hu samar tapa Hàn Quốc ngak bruk. Kayua biak di nyu lac, oh hu thei meda ba tangin tame daong piah ba urang ngak tapa Hàn Quốc ngak bruk".

Tukvak jaik di ini, Cục khik iek urang ngak langiu negar jeng taduan hu harak đơn pathau di urang ngak ka bruk dom jabat ba jalan, palih ruah urang ngak nao ngak bruk di negar langiu. Dalam nan nao ngak bruk di Nhật Bản urang ngak njauk buh tabiak labaih 100 triệu đồng. Yau nan min dom doanh nghiệp ba urang ngak nao ngak bruk di negar langiu brei thau lac doanh nghiệp oh mek dom pok jien ini.

Ong Nguyễn Gia Liêm, phaok akaok Cục Khik iek urang ngak langiu negar ndom lac: Tui Hukum, dom doanh nghiệp hu adat peih ngak bruk ba urang ngak Việt Nam nao ngak bruk di negar langiu tui harak pambuak bruk ye brei hu blah thong tin điện tử, ba tagok saong brei thau angan dom menuac ngak bruk di jabat. Tapa nan, daong ka urang ngak meda thau hu urang palih ruah drei nao ngak bruk di negar langiu.

"Urang ngak meda pasang iek veik taong abih dom harak pambuak bruk bo dom doanh nghiệp palih ruah drei nao hu njauk haong harak pambuak bruk nan halei oh saong dom quyền lợi di drei hu  njauk haong harak pambuak bruk halei oh. Taphia di nan, dalam adat jeng hu tacei lac doanh nghiệp saong urang ngak dalam harak pambuak bruk ba urang ngak nao ngak bruk, langiu di bruk mboh tangin haong gauk ye njauk vak tabiak cambaih laih dom janih jien bo urang ngak njauk buh ka doanh nghiệp. Khaol dahlak meda patagok bruk nao pasang iak. Meyah dom doanh nghiệp oh cih vak cambaih laih ye jeng hu jalan piah langyah dom doanh nghiệp ngak suan"./.

 

Urang lang: JASI

Viết bình luận

TIN CÙNG CHUYÊN MỤC