BS:  Nyu yau nan kayua lac hadei di tuk menyum tame, ralo alak nyu njom tame  gan. Nan ye, meyah menyum rilo alak, gan oh ginup men piah  ngak ralai jru mek alak. Ba tal alak kandaong veik dalam rup jeng jru mek di rilo labik dalam rup, dalam nan gan njauk ruak khang di abih. Dom janih ruak di gan  lac xơ gan mãn tính, gan njom limeh, barah gan, ung thư gan.

Bruk njauk biai nan lac ruak gan bhian dui atah. Camereip oh mboh hagait cambaic laic yau nan ye rilo urang oh caik hatai, tal tuk mboh katam kanjik kalik, kanjik meta, blung hatung, barah takai, sre darah, pandiak gan…ye lac ruak trak, kan jru dhit ruak, abih di nyu nan lac iek ruak pandiak gan yau halei ka siam. Kayua yau nan ye, dom urang bhian menyum alak njauk nao dut iek ruak. Siam di abih, piah caga dom ruak gan kayua menyum alak tapai, brei takik menyum alak bia, gam iek ruak gan tui jalan bhap bini meng baoh kraoh, hala kayau. 

BN : Lakau bac si brei thau cambaic laic jang? 

BS: Viet Nam drei daok di bhum nhiệt đới gió mùa, hu biak rilo phun kayau, baoh bingu, dalam nan hu enzyme biak siam ka prein yawa rup pabhap. Langiu dom vitamin, dom chất xơ yau enzyme daong khik caga rup pabhap. Meng kan mai mbiah tal harei ini, dom janih phun kayau meda ngak brei tathuak jru mek ka gan hu riak thu atau riak ia menyum. Harei ini, dom urang ilamu hu roh duah, pataom dom asar meng baoh bingu, hala kayau iek ruak hu lagaih, ba tame ngak hu siam yau iek ruak gan njom limek, barah gan, gam pakhang prein pacang caga ruak.    

-Dalam dom janih nan meda ndem tal tổng hợp Papain meng baoh lahong, alicin meng baoh toi, Betacarotene meng baoh gấc, baoh manuk, Enzyme Peroxidase meng baoh paya, baoh củ cải gam Pluriamin hu ngak meng anek tằm ngak jeng Naturens, brei acid amin siam ka rup pabhap, pacang ruak ung thư gan. Biak di nyu, yaok janih hu laba siam ka rup pabhap. Yau ye:

- Bhan mbang baoh lahong siam ka darah, ndih bingi, jru ruak viem dạ dày mãn tính, siam ka gan, pakhang prein yawa.

          - Toi pabak alicin, sa hợp chất tự nhên dalam rup pabhap, caga ruak ung thư saong dom janih ruak tim mạch, trun cholesterol saong trun darah.

       - Baoh gấc tahanek ndiuk biak bingi, takre meta gam mbuan nao ruak tian. Abih di nyu, gấc hu biak rilo betacaronten ngak tabiak vitamin A, siam ka meta. Dalam nan kalik bhong angaok asar gấc hu vitamin E, pacang klik juk , thu, druh mbuk.

- Baoh lêkima lac baoh kayau hu rilo carotene, vitamin B3 saong dom vitamin B karei karei, caga lão háo. Abih di nyu, tinh dầu ngak meng asar lekima ngak dhit laka.

- Ia baoh paya that, trun darah, siam ka urang ruak meik saradang. Ia riak meng baoh paya phik ngak la-ar rup pabhap, siam ka urang ruak pandiak gan.

- Cà gai leo pasiam ruak jru mek alak biak siam, caga ruak gan. Meyah mebuk, menyum ia riak meng gha, hala samar abih mebuh alak.

- Phun chó đẻ,  bhian mek ngak jru, thaok klik saong sara jru dhit kating, saim ka gan, mek 20 tal 40g phun that, hana thu riak menyum yaok harei.

- Phun giảo cổ ngak siam tế bào gan, ngak ralai jru mek dalam gan, ngak trun limek dalam darah, pacang xơ vữa mạch darah, grap tanat darah, pacang dom janih ruak tim mạch.

 Nan lac dom janih jru iek ruak pandiak gan lagaih di abih meng dom janih bingu biak siam ka taong baih urang!

BN: Biak thau dhar phol Bac si.