Ruak phong tê thấp oh lac ngak kan kandah dalam bruk nao mai bo daok ngak ka urang ruak mbuan tàn phế saong njauk dom janih ruak karei pambuak tal glo akaok, gan, thận, tim mạch…Kayua yau nan ye, bruk iek ruak saong jru pasiam ruak phong tê thấp lac bruk sangka dang akaok di yaok ribau urang oh patuah njauk ruak ini.

 BN:  Pathau bác si, ruak phong tê thấp nan lac ruak hagait?

 BS: Phong tê thấp lac sa janih ruak viêm khớp talang, viêm talei thần kinh. Ruak biak nguy hiểm kayua nyu ngak tổn thương di ralo cơ quan dalam rup yau di talang ka-ing, dom khớp talang, hệ thần kinh, tim, dom tổ chức ala kalik…saong tui kuhria mboh, hadei di tuk ruak dalam 10 thun, hu meng 10-15% urang ruak njauk jaoh jo.

Makna di nyu: kayua langik tasik:  lingik la-ar, ẩm thấp lac makna ngak ka dịch khớp kan nduac nao mai ngak ka dom akaok khớp talang gaok tame gauk ralo jang saong oh hu ginup chất bôi trơn di kreh nan ye ngak brei pandik. Daok tuk langik pandiak, abih di nyu lac dalam bilan hè, nhiệt độ glaong, áp suất không khí trun ngak ka dom khớp giãn tabiak, kateik tagok talei thần kinh jaik taphia nan jeng ngak brei pandik.

Kayua lão hóa: di urang taha, bruk lão hóa rah tabiak samar jang. Hệ xương khớp njauk lão hóa ngak ka dịch khớp trun, sụn khớp thu nao saong gaok tame gauk ngak ka urang ruak pandik talang.

Kayua giới tính: Urang kamei hadei di tuk ndih tapui, tukvak dahlau di tuk mãn kinh atau mãn kinh ye talang jeng yếu nao saong mbuan njauk ruak phong tê thấp.

Kayua di truyền, labaih kilo – limek; langiu di nan, daok hu dom makna karei ba tal ruak phong tê thấp yau bruk bhian randap njuk pakao hala, urang ngak bruk di labik la-ar, độ ẩm  glaong…

Dom triệu chứng mbuan mboh abih di ruak phong tê thấp nan yau ini: dom khớp marao răng rắc tuk megei nao mai; dom bắp thịt pandik cambaoh, hu dom tanut bhong ala kalik, rup gleih glar; khớp talang barah pandik, khang atau biến dạng…nan lac dom biểu hiện bhian mboh di urang njauk ruak phong tê thấp.

BN: Ngak habar piah iek ruak phong tê thấp? pathau BS?

BS: Iek ruak phong tê thấp tui y học hiện đại nan lac ngak habar piah patrun pandik saong cakak ruak tamuh khang. Tui nan, dom jru hu pandar ralo dalam iek ruak ini nan lac jru cakak viêm yau NSAIDs, Steroids, DMARDs, jru cakak trầm cảm…

Meyah iek ruak dalam meng jru oh siam, bác sĩ meda tacei brei iek ruak lingiu, nan lac blac raih salih khớp. Tuk khớp talang khut biak ralo ye njauk blac raih hu mong lac jalan ngak piah  pasiam veik chức năng di khớp saong ngak patrun pandik.

Iek ruak tui y học cổ truyền: Y học cổ truyền parabha ruak phong tê thấp tabiak ralo janih, bhian gaok di abih nan lac: phong thấp,hàn thấp saong tê thấp. Iek tui ruak bo đông y hu dom triệu chứng saong makna ba tal ruak karei di gauk, tui nan jeng hu dom janih jru iek ruak karei di gauk.

Yau : jru iek ruak talang khớp; jru hoạt huyết bổ thận; jru bổ gan giải độc; jru kiện tỳ ích tràng

BN : Likau ndua dhal phol BS