Kadha ‘Urang ngak hamu caong thau” harei ini, da-a mikva saong taong abih gauk duah thau bruk raong hadang sú thâm canh di mikva urang ngak hamu daok dib hum taneran kraong Cửu Long:

Dahlau di abih mikva njauk caik hatai: ngak pasiam saong mek ia tame danao raong: ngak pasamu mbat danao, buh cur CaCO3 tame mbat danao 10kg ka 100m2. Hadei di tuk buh cur hu 2 harei, pandar mac njuk ia tame danao padang ia ka nyu nduac eng tapa danao raong (halăng meng kadung) saong peih kadik gam dalam 3 harei. Hadei di nan, xử lý Clorin nồng độ 30ppm, peih kadik gam dalam 3 tuk saong buh khak DAP ngak brei sambo ia liều lượng 0,4kg/100m2. Dahlau di tuk palao pajaih 3 harei, xử lý men vi sinh AS3  2lít ka sa danao.

Pilih hadang pajaih saong palao pajaih: Hadang pajaih khang kadang, praong nde gauk, sambo hadah, pruac bak pandap mbang, u,o post 15, atah post 1,3 - 1,5cm, pajaih hadang brei tapa dut iek jit ruak meng jalan PCR piah pilih klaak hadang ruak. Dahlau di tuk palao pajaih, brei caik hadang angaok thùng katak 1tuk. Palao hadang pajaih di tuk mesup atau tuk biar harei lingik li-an..

Iek glang danao raong hadang: Tui iek pandap mbang yaok harei di hadang njauk pambuak saong bruk tui iek labik mbang, sambo ia, lingik tasik saong pasang iek tung pruac hadang. Meng 80 harei, brei hadang mbang jeng daok brei peih kadik piah ngak ka ia nduac pachreih hadang nyu chap mồi. Bilan camereip, pandap mbang lai srau 10 gram Canciphos saong 10 gram men tiêu hóa. Bilan ka 2, lai srau 5 gram Caciphos saong 5 gram men tiêu hóa. Tuk lingik salih bilan, ia dalam danao njom nerak, lai srau vitamin C  5 gram dalam sa kg pandap mbang.Tuk salih mã số  pandap mbang, lai srau taong abih 2 janih pandar dalam 4 harei. Lingik salih bilan, ia dalam danao njom nerak, hadang ruak, takik brei mbang atau padeih brei mbang. Yaok 6 atau 7 harei pandar vi sinh AS3 sa mbang di bilan ka sa, meng bilan ka dua dalam yaok 4 atau 6 harei pandar vi sinh AS3 sa mbang, 2 lít ka yaok sa mbang xử lý. Ia dalam danao njom nerak, takik jangaih, NH4+ NH3 glaong, ia dalam danao ma-mbeik, xử lý vi sinh rilo jang 1 mbang meteh dut saong tuk xử lý định kỳ. Dom bilan patui di nan, dalam yaok 7 harei tal 10 harei salih ia sa mbang, yaok mbang salih 20% ia dalam danao. Piah raong hadang sú hu kein laba, njauk tui iek catang, anek pajaih siam, khang kadang. Lingiu dom kadha nan, njauk caik hatai brei ngak pasaim danao raong kayau ini lac sa dalam dom jalan pambak tal pren yava di hadang./.  

                                                          Biên tập và biên dịch –Hanipha