Mai mmai Meng bruk raong limo la-oi angaok blah tauk sinh học, ong Trần Bảo Minh daok di ấp Tân Thới 2, xã Tân Hiệp, huyện Hóc môn, bal raya Hồ Chí Minh mek hu ralo siam mekre dalam bruk raong glang.

Tapa tukvak raong limo la-oi angaok blah tauk sinh học, ong Minh mboh jalan raong ini hu ralo siam gheih yau: var raong oh mbau bruk, khak limo hu  xử lý chip meng blah tauk. Dahlau diah ong raong limo la-oi angaok nền xi măng, tal harei ka dua njauk menei ka limo kayua khak tabiak yaok harei ngak neriak rup pabhap, ngak ka drei la-oi mbuan njaom la-ar, mbuan tamuh jit ruak gah jalan suak yava, aih craoh, ye urak ini ong raong limo la-oi oh daok menei tra. Langiu di nan, raong limo la-oi angaok blah tauk sinh học, la-oi hu khik ấm kayua blah tauk la-oi oh patuk. La-oi hu raong angaok blah tauk hu balau tamuh siam, oh daok druh bilau, oh daok viêm pasak yau raong angaok nền xi măng tui jalan raong meng kan. Raong limo la-oi tui jalan ini daong ka ong patak pataom jien padai ngak van ro kayua oh ngak nền xi măng saong patak pataom hu pren iek glang la-oi yau: menei, rao van ro saong puh ramik van ro yaok harei.

Ong Minh brei thau ilamu ngak blah tauk ka la-oi yau ini: Piah raong 3 drei la-oi, ong ngak van prong 9 m2 (gar 1,5 m, atah 6 m.), Nền van meng haluk, vin taom dhar  xây glaong labaih 30 cm, tuh kam glaong 30 cm. Dahlau di tuk ba la-oi tame raong 7 harei, ong ủ 200 gr men Balasa No, 1,5 kg haleik brah haong 20 lít aia, srau tagok ka nyu samu gauk, gum sir ủ 1 harei, hadei di 1 harei srau samu hỗn hợp ini saong prah samu tagok tal kam kapal 30 cm, hadei di nan mek gai prah ka nyu samu, ủ veik meng blah tauk ka nyu sir dalam 5 harei, harei ka 6 taoh blah tauk saong brei ka la-oi tame. Limo li-oi bahrau menek tabiak hu cakak pasak, luk cồn Iốt đậm đặc; pandar tapung ngak thu saong khik ấm ka la-oi AdvandDry luk abih rup di nyu, hadei di nan brei nyu tame var hu blah tauk sinh học chip.

Hadei di 3 bilan raong, tapol la-oi di ong praong siam. Dut haong drei la-oi di sang jaik taphia menek sa harei haong gauk min raong tui jalan meng kan ye drei la-oi di ong glaong jang 20%. Jalan ngak hu siam mekre di ong Minh hu ralo mikva raong limo jaik taphia mai rivang iek saong bac megru tui.

Mikva caong thau jalan raong limo la-oi angaok  blah tauk sinh học di ong Trần Bảo Minh likau taom gaok ong di labik: Ấp Tân Thới 2, xã Tân Hiệp, huyện Hóc Môn, bal raya Hồ Chí Minh. Phone ka: 01886761718./.