Ngan haong pabo tano pajaih, mikva njauk kareik karei  saong bhian menei ka nyu hacih, kua ka thu bilau. Pandap mbang ka pabo tano pajaih tui tỷ lệ: pandap mbang tamo meng 3 tal 5 kg, pandap mbang tapung meng 300gr tal meteh kg.

 Ngan haong pabo metian, mikva njauk caik hatai: Pabo binai hadei di tuk tui tano meng 16 - 17 harei bo mboh nyu oh khin tano veik,  nan lac nyu metian paje. Jaik sa bilan dahlau di tuk pabo menek, mikva njauk kareik pabo metian dalam sa van karei, hu hareik gah la, nao glang jaik saong plaih mbuan ceik glaong, plaih pagui nyu mbuan ba tal talabuh. Taphia di nan brei ka nyu mbang ralo pandap mbang tapung saong nyam hareik that min oh brei mbang pandap mbang mbau, me-ih. Jhuai caik ka pabo lamek ralo kayua pabo lamek ralo nyu menek oh siam; njauk iek glang ka nyu siam dalam dua bilan metian puac. Tuk mboh nyu si menek, ngak sruh meng pong, hareik thu hacih ba caik dalam van saong hu manuac tui iek; brei ka pabo mbang pandap mbang tapung hỗn hợp 100gr tal 300gr; baoh kraoh 400gr; pandap mbang tamo hijao meng 3 tal  6 kg sa drei sa harei./.