Piah ka phun jadar hu năng suất glaong, ralo baoh sang urang nong Ninh Thuận hu pandar to cakak sa jalan vin angaok rup phun kayau. Jalan ngak ini meda daong patagok jang năng suất meng 30 – 40%. Daa mikva saong taong abih gauk tui pang kadha Urang ngak hamu caong thau harei ini.

Bruk ngak ini oh lac tok daong ka phun jadar brei năng suất glaong bo daok hu baoh siam, jangaih, mekre meta jang. Ong Cao Văn Đồng daok di bal sit Phước Dân, huyện Ninh Phước, tỉnh Ninh Thuận lac sa dalam dom urang ngak siam kỹ thuật ini. Ong brei thau: dom thun akaok mereip kayua oh ka thau ilamu ini nan ye năng suất jadar biak biar. Ngan haong 2,5 sào jadar, yaok mbang paik tok hu meng 3 - 4 tạ baoh.

Hadei di tuk bac megru saong ngak tui ilamu ini, năng suất tagok biak glaong. Urak ini kuhria rah tapa yaok phun brei baoh meng 1 – 1,2 tạ sa vụ, yaok mbang ong Đồng paik hu labaih 7 tạ. Kaoh abih phun jien buh tame ngak, yaok vụ ong laba hu labaih 80 triệu đồng.

Tui ong Đồng, bruk cakak angaok rup phun jadar biak mbuan ngak. Hadei di tuk phun jadar tabiak bingu, pandar to cakak vin taom dhar rup phun dalam meng 2 – 4 cm, prong 1cm, hadei di nan patui veik mong iek phun jadar tal tuk bingu nyu ndam jeng baoh ye pandar taneh haluk tapok veik labik cakak nan. Dom vụ hadei jeng ngak tui ilamu ini, dom jalan cakak bahrau atah inem cakak klak jaik 15 – 20cm. Ngak yau nan, baoh nyu ndam ralo jang saong baoh meda trak jang.

Jadar mbuan pala, mbuan mong iek, pala pablak jeng hu. Yaok ha meda paik hu meng 30-35 tấn baoh, pablei jeng hu meteh tỷ đồng.

Pathau mikva saong taong abih gauk. Jadar oh pilih ruah taneh pala min siam di abih jeng lac dom labik hu  taneh kapal, ralo gluh, taneh pasoh saong hu ralo  dinh dưỡng. Taneh phù sa, taneh bãi bồi atau taneh dalam bein nan lac siam di abih.

Jadar lac phun takre labik hadah, dak hadah dak siam nan ye juai pala di labik halui, takik ia harei. Jadar  tamuh siam di taneh hu độ pH 5-7. Meyah taneh metham,  mikva njauk buh cur tapung. Phun jadar cakrok patagok hala dhar ralo, nan ye njauk pruh ralo ia. Min piah plaih aia dauk gha livik harei, njauk pok ro piah pala.

Jadar brei năng suất biak glaong min nyu pagam pambak tame lượng khak bo drei  buh ka nyu. Njauk buh halok ka nyu ginup, takac lubang dalam saong prong piah khik nguồn dinh dưỡng. Gha jadar cakrok patagok khang, nyu meda mbang atah meng 5-6 mbang đường kính di dhar saong mbang dalam trun tal 1,5m. Tuk jadar tabiak bingu ndam baoh njauk buh ralo khak jang ka phun kayau.

Kadha “Urang ngak hamu caong thau” adat ini tal ini likau padeih. Kadha ini kayua Rayo sap dom VN pambuak haong Pasak pachreih nong negar ngak tabiak./.