Pathau mikva saong taong abih gauk! Lac janih phun tamuh siam dalam lingik pandiak, mbuan pala, brei năng suất glaong, nha đam  lac sa dalam dom janih phun pala praong ba jien tame ka ralo baoh sang daok di bhum pandiak bhang. Tui yaom pablei meng 800 tal 1.500 đồng/kg, urang pala  nha đam hu laba meng 140 tal 200 triệu đồng sa ha sa thun. Kadah urang ngak hamu caong thau harei ini hu khan ka mikva saong taong abih gauk thau ilamu pala nha đam.

Pala phun nha đam,tuk camereip mikva oh abih rilo phun jien, nha đam mbuan pala saong pala sa mbang meda kaoh pablei hu suai lavik, ba mai kein laba biak glaong. Nha đam tamuh hu di labik lingik pandiak, oh pala hu dalam ia, kayua yau nan ye brei palih ruah bhum taneh glaong, lahei, siam di abih lac taneh lai cuah mbuan tathuak ia. Tuk ramik taneh, mikva brei la-ua siam, ngak brei taneh tasoh saong tapak. Hadei di nan pok ro pala. Ro hu ngak glaong jaik 20 cm piah mbuan tathuak ia. Pala tui talei atah di gauk 80 cm, phun ini atah phun daih 40cm. Ngak taneh bloh, mikva buh halok meng khak var ro hu ủ hoai mục. Yaok phun buh halok meng 500 tal 700 g khak var ro, jaik 2,5 tấn khak var ro sa ha.

Mikva pandar hala nha đam piah ngak pajaih tui jalan cakak klak caduk phun praong. Sa thun hadei, vir taom dar phun  hu dom pluh phun sit. Tuk phun sit praong hu jaik 10 cm ye mek phun sit ba nao bein ươm, iek glang phun praong hu 15 - 20 cm ye ba nao pala, pala tui talei: yaok phun  atah gauk 40 cm, yaok talei atah gauk 80 cm, yau nan abih tih phun pajaih meng 30 tal 50.000 phun sa ha. Phun nha đam pajaih hadei di tuk mek tabiak truh bein ươm, njauk caik dalam labik la-ar meng 2 tal 3 harei, hadei di nan meng ba nao pala ye phun sit hu samar pacah meta saong diuk hu rilo jang.

. Iek glang phun nha đam, mikva brei caik hatai pruh ia. Phun nha đam tamuh hu dalam pandiak bhang min tamuh siam tuk hu độ ẩm mbiah dalam taneh. Kayua yau nan ye, dalam bilan pandaik bhang mikva brei pruh ia gam gam piah khik độ ẩm ka taneh. Phun nha đam oh tamuh hu dalam ia dauk biak lavik. Kayua yau nan ye, meyah langik hajan lavik hatei, mikva brei ngak ka ia nyu tathuak tabiak. Meyah duak ia, phun nyu bruk gha bloh metai ralo.

Phun nha đam mbuan njom tame saong chuyển hóa samar dom janih dinh dưỡng dalam taneh. Mikva brei gam gam buh pachreih ka phun meng khak NPK. Tukvak buh pachreih siam abih lac sa bilan sa mbang, yaok mbang jaik 100 kg sa ha. Tuk buh khah mikva jui ngak kli hala, bhian buh dahlau di tuk langik hajan atau pruh ia hadei tuk buh khak. Yaok mbang buh khak  ngak ka taneh tasaoh piah nha đam mbuan hấp thụ jang.

Biểu bì hala di Nha đam hu sa tal giáp khang, nan ye dom janih côn trùng kan tame palai pajoa hu. Meyah hu ruak kayua trực khuẩn, angaok mbaok hala hu ralo tanut juk, mikva brei samar cakak klak dom hala hu ruak, klah njom mbak ka dom halal karei. Phun nha đam lac piah pablei hala, kayua yau nan ye dalam tuk pacang cakak halak halin, mikva jui pandar dom janih jru hóa học.

Hadei di tuk pala hu jaik 6 bilan, phun nha đam kaoh hala pablei hu mbang camereip; hadei di nan yaok bilan kaok pablei hu sa mbang, năng suất mek hu meng 400-600 tấn sa ha yaok thun.