Di taneh ia drei, phun medar hu pala rilo di gah barak tal gah meraong, nyu tamuh siam di nhiệt độ meng 25 - 32 độ C saong brei hu rilo ia harei. Medar tamuh siam abih di taneh meluk cuah, phù sa tapen kraong, tane pasah, pHmeng 5 - 7. Gah tamuh khang, mbang dalam tame haluk nan ye pacang hu ngin ribuk.

Medar meda pabam pajaih meng asar, meng gha, cakak dhar saong ghép. Pabam meng asar nyu oh siam rilo nan ye urak ini tok hu mek ngak got  ghép.. Mboh rilo urak ini lac ghép meta saong ghép pagam. Njauk mek medar mesam ngak got ghép. Asar dahlau meng tuk pala njauk jan kaak kanduh khang gah lingiu piah samar pacah meta.

Tukvak pala: Dom tỉnh gah barak pala meng bilan 11 tal bilan 3 thun hadei. Dom tỉnh gah meraong pala di bilan hajan (lac bilan 5 tal bilan 8). Pala meng 400 tal 600 phun dalam sa hecta, phun ini atah di phun daih meng 4 - 5m. Pala medar tui lubang, yaok lubang praong meng 60 - 70cm, dalam 60 - 70cm. Buh halok ka yaok lubang 20 - 30kg khak hữu cơ hoai, meda srau pabak tame 1kg cur tapung saong meteh kg super lân. Rok lubang saong buh khak halok dahlau di tuk pala 20 - 30 harei, pala phun dalam bầu piah ka phun diuk hu rilo.

 Hadei di tuk pala, njauk ủ got meng pong, nerang, hareik hareim piah khik pasah. Yaok adit njauk tui iek, cakak klaak dom caduk tamuh meng got ghép. Pala hu 20 - 30 harei ye pruh khak lai mbrang, yaok adit pruh 1 lần, pruh dalam 1 - 2 bilan camereip. Hadei di nan buh pachreih 1 mbang meng khak NPK saong DAP. Khak NPK 16-16-8 buh yaok mbang meng 200gr tal 1kg tui phun sit atau praong. Mek jaleing tacaoh haluk vil val got dalam 5 - 10cm, proi khak, lum haluk bloh tuh ia.

Yaok thun njauk buh pabak khak hữu cơ saong tuh haluk tame got. Khak njauk buh ka phun medar pala meng 1-2 thun lac 200 - 300kg urea + 100 - 200kg kali + 300kg super lân dalam sa thun ka yaok hecta. Phun praong meng 3 thun tagok, yaok hecta njauk buh 400 - 500kg urea + 200 - 300kg kali + 400 – 500kg super lân. Dom khak nan hu parabha jeng 3 mbang buh. Mbang 1 hadei di tuk pala meng 30 - 35 harei, buh 30 - 50kg khak hoai mục + 1/3 khak hóa học ka yaok phun. Mbang 2 buh dahlau di tuk tabiak bingu, buh 1/3 dom khak angaok nan. Mbang 3 buh tuk phun bahrau tabiak baoh, buh taong abih khak daok veik.

        Pala medar njauk tak piah ngak ka phun meda veik meng hu rilo baoh siam, bingi.