Dalam tỉnh Sóc Trăng, hadei di labaih 5 thun peih ngak danak dak padang ngak palei pala bahrau, ralo puk palei patagok hu pren khang bhap bani rik daong pren yava piah dak padang bhummi. Dalam nan, njauk biai nan lac bruk alin brei taneh piah padang ngak dom  công trình brei ka bhap bani. Kadha vak hadei ini di Thạch Hồng hu ndom tal bruk alin brei taneh piah padang ngak palei pala bahrau di xã Viên Bình, huyện Trần Đề:

Sa thun dahlau, sang bac Mẫu giáo Viên Bình padang ngak di ấp Trà Ông hu ba tame pandar dalam bui sambai di dom gru pato saong mikva dalam palei. Kayua lac ralo thun tapa, dom adei sit njauk bac dalam dom sang ilamo, dom sang bac tiểu học, gaok mai njim duk bac di baha (Phđau – Pên). Ngan haong sang bac bahrau, ralo urang ngak amaik ngak ame oh daok glaih glar, kuhri kuhria ralo ka bruk bac daa di anek bhik drei yau dahlau diah. Sa-ai Trương Thị Thanh hu dua urang anek daok  bac di sang bac Mẫu giáo ini khan lac: Hu sang bac mẫu giáo bahrau jaik sang ka anek bhik bac da-a mboh biak sahanang hatai. Dahlau diah, oh ka hu sang bac dom kamuan njauk bac di dom baha, tuk nan drei ba nao njauk daok cang, abih ralo tukvak. Urak ini tok ba dom kamuan nao, ye hu dom anai gru tabiak raok. Sang bac bahrau, dom adei jeng bac da-a siam jang. Mboh biak bui sambai, daok anek kamuan hadei ini tra. Hu yau ini drei biak thau dhal phol.

Sang bac Mẫu giáo Viên An hu padang ngak mek hu  chuẩn pakat negar ngan haong yaom jien jaik 10 tỷ đồng angaok mblang taneh 5.000m², lac taneh kayua baha Phđau Pên alin brei. Ong Thạch Chăn, Akaok mBan khik iek baha brei thau, mong mboh dom uranaih sit oh hu labik bac da-a siam mekre, kurang pandap panda, mboh biak anit. Kayua yau nan ye, hadei di tuk karja palei jak ba daong brei taneh piah padang ngak sang bac Mẫu giáo, brei ka harei hadei di anek kamuan di drei, Nhà sư saong Ban khik iek baha Phđau Pên gam haong mikva phật tử thei jeng njauk hatai: Jao meneing taneh ka karja palei padang ngak sang bac ka uranaih nao bac kayua harei hadei di kol nyu. Sang bac nan lac labik piah ka dom adei bac da-a, hu ilamu, akaok saneng piah harei hadei hadah hadai jang, kayua yau nan ye, khaol dahlak njauk gauk alin brei taneh padang ngak sang bac. Urak ini mikva thei jeng bui sambai tuk sang bac mẫu giáo hu padang ngak blaoh saong ba tame pato.

Bruk alin brei taneh piah padang ngak labik bac da-a kayua harei hadei di anek kamuan di baga Phđau Pên oh lac bruk bahrau ini. Atah di ini 8 thun,  baha jeng hu alin brei labaih 1.000m² taneh piah padang sang bac Tiểu học Viên Bình 2.

Labik daok di bhap bini palei Lao Vên, dom jalan nao mai dalam palei hu tuh bê - tông hacih sa-at. Hu ralo canah jalan mikva halar hatian rik brei taneh, blaoh karja buh jien tame ngak. Yau canah jalan palei atah  labaih 3km pambuak palei Lao Vên di xã Viên Bình haong xã Thạnh Thới An (huyện Trần Đề) bahrau hu ngak salah blaoh saong ba tame pandar oh ka lavik, taong abih taneh  ngak jalan nan hu bhap bani rik brei.

Ong Phan Văn Út lac urang ba akaok nao dahlau dalam bruk alin brei taneh piah padang ngak công trình dân sinh pak xã Viên Bình. Yaom lac 2 diuk pasang prong thun, pren yava takik, taneh riya oh hu ralo, min kayua kein laba  di bhap bani, tuk karja palei jak ba ye ong samar  alin brei taneh. Tal harei ini, ong alin brei hu jaik 1000m² taneh piah padang ngak cơ sở hạ tầng palei pala…

  Bruk ba tangin tame di pakat ủy, karja puk palei, dom kapul nyaom, dom urang hu angan je dalam tukvak pathau khan, jak ba nan lac bruk ngak biak prong, nyu ngak brei salih hatai saneng di mikva. Meng nan, ralo baoh sang, taneh riya hu công trình dân sinh nao tapa jeng halar hatian alin brei taneh bo oh kuhri kuhria hagait. Meng bruk njauk gauk, sa hatung hatai haong gauk di bhap bani, jalan mbak nao mai dalam palei saong dom thiết chế ilamo dalam xã dak harei dak siem mekre jang.

  Kuhria tal urak ini, tỉnh Sóc Trăng hu 21 xã mek hu chuẩn palei pala bahrau. Tỉnh daok kham merat meng ini tal puac thun hu gilac 5 xã mek hu tiêu chí negar ka bruk padang ngak palei pala bahrau. Atah jang nan lac thun 2020, Sóc Trăng kham merat hu takik abih 50% xã saong 2 huyện mek hu chuẩn palei pala bahrau, dom xã daok veik mek hu meng 15 tiêu chí tagok.

Ta-eng xã Viên Bình, huyện Trần Đề, ngan haong 18/19 tiêu chí padang ngak palei pala bahrau. Xã kham merat tal puac thun 2018 meda mek hu chuẩn. Piah hu dom salih bahrau yau harei ini, Viên Bình gam patagok labik dang di bhap bani, gam brei thau cambaih laih yaok bruk ngak di xã./.