Jalan iek ruak lihik trí nhớ

     Urak ini, hu biak rilo menuac urang oh lac dom urang taha bo gam urang ranaih umo jeng brei thau ka bruk takik hadar kanal di drei. Tuk dang anak bruk bhian var, abih urang jeng mboh duh hatai lac bruk ini meda trak jang saong ba tal lihik trí nhớ.

     Hu biak rilo makna ngak brei trun trí nhớ dalam nan hu umo thun, dom ruak pambuak tal ye : suy tuyến giáp, thoái hóa talang takoi, rối loạn tuần hoàn não…dalam nan, trun trí nhớ lành tính lac trun trí nhớ nao gam saong praong thun kayua dom salih karei di thùy thei anak, rilo meng lac trun hadar bruk ngak, hu var anak var likuk saong trun bruk sahneng mboh suai livik. Dom kadha bhian gaok lac var samal sa bruk si ngak, oh duah mboh pandap drei barau caik trun…Daok ruak trun bruk hadar kanal lac trun atau lihik trí nhớ bất thường oh njauk lac kayua umo thun.

     Dom urang alamu di sang bac Đại học California, Irvine Hoa Kỳ peih bruk ngak iek di takuh saong duah mboh salih karei đồng hồ sinh học di rup pabhap meda kích thích bộ nhớ ba tal lihik trí nhớ.

    Dom urang ruak Alzheimer bhian lihik ndih atau meda gaok dom bruk klaoh meteh giấc ndih. Min dom urang alamu oh ka langyah hu kayua habal hu dom rối loạn nan.

      Piah duah thau bruk ini, dom urang roh duah hu salih  tukvak harei melam di dom drei takuh sit gaok Alzheimer saong dom drei takuh bình thường. Tapa nan mboh lac, meyah dui katut tukvak ndih di var melam meda ngak ka takuh yếu saong takik hu khả năng ngak bruk. Taphia di nan, takuh jeng patrun bruk ngak tabiak janih pacang oxy hóa hu angan glutathione – sa dalam dom kadha ba tal ruak Alzheimer.

   Dom urang roh duah langyah lac, bruk kurang glutathione ba tal dom salih karei dalam dom phản ứng di dom electron dalam glo, meda ba tal stress, ôxy hóa ngak lihik trí nhớ, ba tal ruak Alzheimer.

Ngan saong urang ranaih umo, trun trí nhớ mai meng rilo kadha, min rilo urang roh duah mboh lac trun trí nho di umo ranaih lac kayua bruk diuk rai, mbang menyum, ndih daok oh siam, oh khoa học. Kayua áp lực bruk ngak, kurang ndih, pandar dom chất kích thích, takik vận động, padauk cảm xúc ba tal tâm trí rối loạn, takik hadar kanal.

Jalan iek ruak yau ala ini :

       Yaok urang kol drei njauk vận động trí não hu khoa học, hu jalan diuk rai siam, hu phương pháp bac megru, ngak bruk khoa học, tuk halei jeng puac tapuk, pasram trí nhớ…Pasram thể dục gam gam lac siam abih piah khik khả năng tư duy kayua nyu jhul khang tuần hoàn, hô hấp, doang patagok oxy saong dinh dưỡng ka glo. Meyah mboh oh trun, daok dui atah njauk nao tal libik y tế piah hu tacei pato cambaih laih.