Pandik thần kinh liên sườn lac ruak bhian gaok. Pandik thần kinh liên sườn kayua ralo makna, jeng gaok tuk oh duah mboh makna ieu lac pandik thần kinh liên sườn tiên phát.

Makna ba tal ruak:

Makna ba tal ruak bhian lac kayua dom ruak di talang lisuk, tủy sống atau dom ruak karei dalam rup yau me-ik saradang, nhiễm độc atau pandik di rak thần kinh liên sườn. Pandik rak thần kinh liên sườn bhian mboh tuk hu dom ruak nhiễm khuẩn (cúm, lao, thấp khớp), dom ruak gah dalam (phổi, màng phổi, baoh hatai, gan) atau pandik di talang ka-ing (lao, ung thư nguyên phát atau di căn, thoái hóa, u tủy). Ralo urang ruak pandik meng ngoại vi (labik cada, talang cada) tal talang lisuk, mboh pandik rilo jang tuk patuk, hắt hơi atau salih tư thế. Ralo urang pandik kayua zona liên sườn (virut tấn công tame rak thần kinh). Tuk camereip mboh pandik, hadei di nan tabiak mban meriah, baoh ia di labik klik hu rak thần kinh liên sườn nao tapa. Puac doi abih mboh hu mban klik hình dãy meng talang lisuk tal talang cada. Urang ruak brei caik hatai oh brei pacah baoh ia kayua nyu ngak brei dom mban meriah – baoh ia pambak praong, ngak chèn ép ralo labik.

Jalan pasiam ruak:

Dahlau di abih brei iek dom janih ruak dalam rup lac makna ba tal pandik rak thần kinh liên sườn. Jru cadu pandik yau paracetamol, diclofenac...Dom janih jru ini lagaih di labik lac nyu lap jien, mbuan blei min oh naih, ngak jhak ka gan saong meda ngak laka jalan mbang huak. Brei caik hatai tuk pandar paracetamol ka urang hu ruak gan, nyil alak … Diclofenac oh pandar ka urang laka dạ dày – tá tràng. Jru menyum hadei di var mbang, rabha jeng 2,3 mbang dalam harei.

Jru iek ruak pandik thần kinh: nhóm gabapentin. Asal di  nyu lac dom jru pacang ndoh, min mboh nyu ngak cadu pandik ka urang pandik rak thần kinh. Kayua hu tác dụng tagok thần kinh trung ương nan ye hu urang ruak mboh havir akaok hadei di tuk menyum jru. Camereip menyum hasit, bloh menyum rilo jang tal tuk hu tác dụng, brei menyum jru dahlau di tuk nao ndih atau padeih jala pandiak, meda menyum dalam dom bilan. Menyum vitamin nhóm B (B1, B6, B12) lac dom vitamin hu labik dang praong dalam chuyển hóa di tế bào, abih di nyu nan lac tế bào thần kinh saong bao myelin. Min jeng brei pandar tui tacei pato di gru jru, oh iek lac jru bổ bo lạm dụng. 

Meyah pandik thần kinh liên sườn kayua zona, tuk pandik, meda luk di labik xanh methylen. Oh brei pandar dom jru limek luk tagok labik laka. Pandar jru kháng virut acyclovir, oh pandar ka urang kamei metian saong brei anek mum. Langiu di nan, meda pandar jru iek ruak pandik rak thần kinh nhóm gabapentin, jru histamin (jru cadu phù nề di labik tổn thương). Min jru ini nyu ngak brei ndih, nan ye brei menyum di jala pandiak saong melam, jhui pandar ka urang peih radaih angaok jalan. Taphia di nan meda pabak vitamin nhóm B nan lac B1, B6, B12.

Jru an thần hu pandar tuk pandik ralo ngak brei kan ndih, bhian pandar dom jru an thần hanjul yau rotunda, rotundin...Bruk chẩn đoán saong iek ruak pandik rak thần kinh liên sườn tiên phát oh biak kan min piah duah mboh makna ba tal pandik thứ phát brei hu iek ruak di dom labik chuyên khoa piah loại trừ dom makna thực thể ka talang lasuk, tủy sống saong dom ruak karei./.