Suy thận mãn tính lac kayua dom makna karei di gauk ba tal ruak thận mãn tính, ngak brei baoh thận ka-iu, oh daok ngak hu bruk di nyu,  dom asar ba tame kandong veik, ia tame tabiak oh sumu gauk, lihik cân bằng  axit –ba zơ, meda lac rup pabhap mboh glaih glar. Iek ruak suy thận mãn tính njauk pasang iek bruk patagok di ruak, paglaong bruk mbang huak, ndih daok di urang ruak, dui atah tukvak diuk rai ka manuac ruak.

          Jalan iek ruak thận mek hu  siam lagaih

Urang ruak kham pasiam dom jalan ba tal ruak, patrun patakik bruk ngak, juai caik ka rup pabhap glaih glar saong ruak la-ar. Pacang ruak la-ar, oh pandar dom janih jru ngak ruak thận, bhian dut iek chức năng thận saong brei ngak tui panuac tacei pato di gru iek ruak. Urang ruak mbang huak takik protein, đam ka urang praong yaok harei meng 20-35 gram. Brei mbang tame dom asar đạm hu rilo axit amin, yau menyum ia tasau, baoh amnuk, ikan saong rilo. Mbang dom janih pandap mbang mbuan njom tame hu rilo vitamin, piah pabak calo, năng lượng mabng tame yaok harei 125,6 kJ kuhria tui yaok kilo trak di rup manuac, ngan saong urang ruak livang atau limek brei takik atau rilo lagaih tui rup di urang nan.

Jalan siam piah iek ruak thận mãn tính: Ayut mbang rilo menyek ngak meng njam patam, asar baoh saong saradang ngak meng phun hala yau tuk la-pa tian brei mbang bei java, bei prang, bei njam wua, baoh medal, tapung asar caraih…brei pabak ginup canxi. Yaok klau bilan brei dut iek dinh dưỡng sa mbang, samar salih bruk mbang huak ka lagaih piah pacang dom bruk oh siam kayua mbang menyum. Menyum ia njauk tukvak, rilo atau takik tui rup pabhap di urang ruak.

Khol drei caong khin hagait meng jalan iek ruak tế bào gốc

          Tế bào gốc lac bruk praong dalam roh duah gah y sinh học urak ini, dom thun jaik di ini, kỹ thuật tế bào gốc hu ba tame pandar rilo dalam bruk iek ruak, ngak dhit siam dom janih ruak kan jru hu siam jang. Tapa yaok pluh ribau urang hu dut iek ruak brei mboh bruk jru siam ruak, iek dhit ruak suy thận độ 1 và độ 2 biak glaong, khik caga hu bruk ngak di thận ngan saong abih ruak suy thận độ 3 saong độ 4, gam ngak pasiam veik chức năng thận, ngak suai veik tukvak hlang darah saong takik veik mbang halang darah, saong oh daok bruk nduac thận.

Tế bào gốc nan lac sa janih tế bào đa năng meda ngak veik birau atau tavak veik. Dalam tukvak lagaih, nyu meda ngak tabaik jeng rilo tế bào karei di gauk. Jalan iek ruak suy thận meng Tế bào gốc: Hadei tế bào gốc klauk tame động mạch atau tui dom jalan karei piah tame thận di urang ruak, langiu di nan daok ngak brei pasiam veik dom janih ruak di tế bào thận, caga bruk xơ hóa thận, trun creatinin dalam darah, takik kurang darah, darak tagok glaong, barah saong dom ruak karei, meda trun dom chỉ số yau protein, taon darah, dui atah tukvak halang darah, meda oh daok bruk nduac thận, dom jaln ba tal ruak jeng hu pasang iek siam jang./.