Pathau mikva saong taong abih gauk!

Tui Tổng Cục thủy lợi, bilan pandiak bhang thun ini bhum Nam Trung bộ meda kurang hajan saong ia nduac. Ia di dom binek, kavei jeng biar jang dung tích thiết kế nan ye  thu lagu di rilo labik praong. Tui kuhria mboh dahlau, bilan hè – thu meda hu pandiak bhang khang saong kurang ia ralo. Piah caga bruk ini, barau ini, di Ninh Thuận mintri ngak nông saong patagok palei pala peih diễn đàn “dom jalan ngak piah  pacang cakak pandiak bhang dalam bruk ngak nông bhum duyên hải Nam trung bộ”.   

Di diễn đàn, urang jeng ndom lac, salih janih phun pala lac sa jalan ngak hu kein lagaih. Saai Thuận Ngọc Bắp brei thau meng bruk di puk palei drei: 

.“Pandiak bhang labaih 2 thun ini mai, xã brei salih tapa pala ratak dahlau, pala ratak biak patak pataom ia, ratak tamuh biak siam. Dahlau daih tapen  kraong Trân ini ngak padai abih. Pandiak bhang dui atah, labaih 2 thun ini mai xã brei mikva salih janih phun pala ini. Yaok 2 adit lac ia gah kraong Trân peih trun, pabak ia ka mikva pandar pruh phun pala nan ye phun ratak naih tamuh siam”.

Meyah pala ratak naih, ia pruh tok pandar samu 20% ia ka phun padai. Ong Châu Tím daok di xã Phước Hải, huyện Ninh Phước, Ninh Thuận klah rabha ilamu khik ia pruh ka phun pala, meng bruk “pandar bao nilon piah khik ia veik, hadei di nan ba ia tame dom hamu daong ka padai”.

Tiến sỹ Nguyễn Thanh Phương – Phaok akaok Viện ilamu Kỹ thuật ngak nông Duyên Hải Nam Trung Bộ brei thau kein laba dom bruk pala drak pacang cakak pandiak bhang bhum Nam Trung Bộ:

 “Duk saong dahlau daih, duk saong pruh ia meng doa lavik mai lac mikva patrun hu 35000 m3. Ka dua tra kol drei salih tapa phun pala angaok thu di angaok taneh ngak padai piah pacang hu halak halin  vụ ini tapa vụ daih. Saong bruk praong tra tuk salih ye palih ruah dom janih phun takik pandar ia. Phun hu tukvak sinh trưởng panak di abih piah takik khat lahik kayua pandiak bhang saong ka klau tra lac duah dom pajaih tamuh hu dalam pandiak bhang”. 

Pambak praong dom bruk salih janih phun pala athur raong hu jak jeng, pandar dom ilamu kỹ thuật ka pajaih, pacang cakak jit palai kaik taphia di nan kuhria pacang cakak saong langik tasik oh lagaih nan lac bruk njauk ngak dalam tuk ini./.