Pandik ka-ing meda lac bruk tamuh tabiak hadei di sa harei ngak bruk glaih glar atau kayua ngak bruk daok la sa labik, takik hu kabak nao mai, tapa nan mboh pandik di ka-ing atau pandik abih rup pabhap. Min pandik ka-ing meda mai meng dom ruak kik karei karei.

Yau nan pandik ka-ing mai meng ruak hagait

Tuk mboh pandik rup pabhap, pandik trun tal takai, lac kayua pandik thần kinh tọa atau pandik talang raong. Meyah  pandik labik ka-ing jaik talang kadut ong, pandik cambaoh tuk dang tagok atau tuk cakaong pandap trak, rilo tuk mboh pandik trun taok atau trun takai, lac dom kadha di ruak thần kinh tọa. Meyah hu ruak di rễ thần kinh, ye pandik ka-ing bhian pandik jang hadei di tuk ndik radaih juak atau radaih mac di angaok jalan atah. Daok meyah mboh pandik labik tapen ka-ing, jaik talang lasuk, gaok tuk nyu ngak brei rup pandiak, nan lac hu ruak di thận. Njauk sahneng tal ruak sỏi thận, sỏi niệu quản meyah mboh pandik khang meng likuk ka-ing trun cơ quan sinh dục. Piah thau lac pandik ka-ing kayua halei, drei njauk nao tal sang iek ruak piah khám nghiệm thận saong talang ka-ing. Tapa nan, bác sĩ meda brei drei ngak dom xét nghiệm karei yau siêu âm, chụp X-quang, dut iek ia me-ik...

Jalan piah pacang caga ruak pandik ka-ing

Piah plaih pandik ka-ing, dahlau di abih njuak plaih ngak brei catang atau giãn dom nhóm cơ, rak, dây chằng di ka-ing, plaih ngak pandik đĩa đệm, talei thần kinh, saong brei khik khang kajap pren yava, dẻo dai ka dom labik mô limin daong ka talang raong. Tui nan, njauk caik hatai tal dom bruk, dom kadha yau ini:

-Daok njauk tư thế tuk cakaong pandap trak piah plaih pandik ka-ing

- Jhui juak takhaok glaong rilo, ngak brei ka-ing mbleing nao gah anak, ba tal pandik ka-ing, pandik talang raong.

- Khik ka rup tapak, jhui daok sa labik suai livik.

- Plaih daok la livik di sa labik, takik kabak nao mai ngak ka talang khớp ka-ing nyu thu, khang, takik megei nao mai hu.

-Jhui cuk khan ao katil piah ka drah nduac mbuan.