Bilan palao ikan siam di abih lac bilan  3, bilan 4 yaok thun. Njauk nao blei ikan pajaih di dom labik prong hu angan je livik thun. Pajeng ba ikan pajaih tuk langik li-an, bingi.

  Caga danao palao ikan: Ngan haong danao bahrau palao mbang akaok mereip, njauk salih aia dom mbang ka nyu abih aia njaom lakhur, buh sa tal gluh tapal 10 – 15cm. Proi 10 – 15kg cur tapung  dalam 100m2 danao, srau haong gluh blaoh pambu thu ka nyu pacah ra-ai, hadei di nan ba aia tame ka nyu dauk, akaok mereip meng 8 tấc tal 1m,  sa bilan hadei ba aia tame dauk meng 1,2 – 1,5m. Buh halok khak tame ngak jeng sambo màu ka aia, lượng khak (kuhria ka 100m2 mbaok aia) palih ruah sa dalam dua janih khak hadei ini:

Khak van ro 30 – 40kg atau khak tamo 15 – 20kg. Hadei di tuk buh tame hu 15 – 20 harei ngan haong khak van ro saong 30 – 40 harei ngan haong khak tamo mboh aia dalam danao hu sambo màu hijao kanduh ritak atau sambo màu mari loãng, màu jhung patei nan lac tuk dom janih vi sinh vật ngak pandap mbang ka ikan hu blaoh dalam danao aia, meda palao ikan pajaih tame hu.

Ngan haong danao klak, taoh aia tabiak ka nyu thu, mek abih ikan daok kandong dalam danao, beik veik takai ar, mbraong ba aia tame, mbraong tathuak aia tabiak. Caoh lam dom lubang meyaih hu, kuac klak meneng dom tal gluh tok caik veik tal gluh kapan jaik 20cm. Buh halok khak saong cur tapung ka danao yau ndom di angaok.

Khử trùng pacang caga ruak ka ikan pajaih: Piah tah klak dom janih ruak angaok rup ikan dahlau di tuk palao meng sa dalam dom jalan ngak hadei ini: Menei ka ikan dalam ia sa-ra nồng độ 2- 3% dalam tukvak meng 5 – 10 minit atau pandar jru tím nồng độ 0,001- 0,002% (1gam jru tím lai dalam 50- 100 lít aia hacih) menei dalam 10 -20 minit atau dung dịch CuSO4 nồng độ 0,5 – 0,7 gam/m3 aia dalam 20 -30 minit.

Mật độ palao ikan laghaih: Meyaih palao biak tapal ye aia kurang oxy ikan oh prong hu. Iek tui jalan raong, palao ikan dalam danao aia oh nduac (palao sa janih atau pagam ralo janih) 1 drei/m2 mbaok aia. Ikan chép 0,2 drei/m2, trắm jhuk 15 m2/ sa drei. Raong pagam dalam danao aia nduac meng 3 – 5 drei/m2.

Jalan palao ikan pajaih: Tukvak palao ikan siam di abih lac bilan  3, bilan 4 yaok thun. Njauk blei ikan pajaih di dom labik prong hu angan je dalam ralo thun. Pajeng ba ikan pajaih dalam tuk langik li-an, bingi. Tuk palao ikan pajaih, akaok mereip mikva njauk tram kadung nilon buh ikan tame dalam aia danao si raong meng 15-20 minit, ngak yau nan piah caik ka nhiệt độ dalam kadung nilon samu nhiệt độ môi dalam ia raong, ngak brei ikan randaP haong labik diuk bahrau, plaih bruk stress ngak ka ikan sốc ba tal metai.

Hadei di nan peih sa akaok kadung, brei ka aia nduac từ từ tame, caik ka ikan caloi tabiak, tuk ikan caloi tabiak hu meteh 2/3 dom drei ikan dalam kadung meng tuh ikan tabiak abih.

Meyah hu điều kiện, njauk vang halăm njun meta sit dalam sa kieng danao, palao ikan pajaih tame nan, mong iek ka nyu tani tanat meng 20-30 harei, ngak ka ikan pajaih patagok pren khang, ngak randap haong labik daok bahrau, nan ka ikan meng diuk hu rilo./.