Pathau mikva saong taong abih gauk! Kayua habar urang Thái pato  anek oh pandar havei, hatai sahneng ka jalan pato anek di urang Thái yau habar, kol drei pang ong Lường Song Toàn – urang ruah duah ilamu bhap bini langyah brei thau. 

Dalam taom gaok ndom puac yaok harei, urang Thái bhian pandar panuac pandao, panuac pandit piah brei mboh hatung hatai, brei thau caong khin saong piah pato padar anek bhik. Dom panuac pato biak hanjul, giản dị min biak jiak, mbuan tame dalam hatai, ngak ka urang hu pato padar mboh biak thấm thía. Tui ong Lường Song Toàn – sa urang ruah duah ilamu bhap bini, dom panuac ndom, panuac pato di urang Thái oh lac ilamu ndom puac saoh bo daok lac sa jalan pato pakai biak hu kein lagaih “Dahlak mboh panuac pato padar di urang Thái meng kan biak dalam, urang oh puac preo anek lac mugiat ini mugiat daih saong oh mek havei taong anek. Urang ndom lac, meyah pandar gai pandar havei atau puac anek ye vía di anek nyu nduac lahik ye drei oh raong hu, abih di nyu nan lac bruk drei taih akaok uranaih lac bruk oh njauk ngak, tuk taih akaok uranaih ye meng kan njauk ngak vía chip. Meng kan anek bhik oh mbang havei oh puac preo min oh khuat”.

Oh giáo điều, oh kateik greik, yaok panuac pato padar di urang Thái ngan saong anek bhik dak harei dak njom tame. Khin anek bhik jeng menuac brei pato padar miat miat, pato padar meng tuk daok sit tal tuk praong.“Urang pato padar anek bhik meng tuk daok sit dom bruk siam njauk ngak, abih di nyu nan lac dalam tuk huak lisei, dahlau di tuk huak lisei urang bhian ndom dom panuac bóng gió, mbuan pang gam piah huak lisei ka nyu bui, gam piah ka dom anek bac. Bac meng dom panuac ndom di amaik ame.  Jalan pato pakai anek bhik di urang Thái meng kan nyu hanjul oh trak damak, nan ye urak ini ralo urang pato anek meng gai meng havei livik harei nyu oh huac, dom anek nyu mặc cảm ngan saong jalan pato pakai di amaik ame, nyu oh phục, ka dua tra nyu caik veik hatai sahneng trak damak, bac daa oh tal labik tal dhua, tuk halei jeng kuria đối phó, tuk halei jeng huac”.

Min, dalam rai diuk urak ini, dom chuẩn mực ka ilamu ndom puac taom gaok di urang Thái meng kan daok lahik nao. Nan lac sa bruk mboh biak duh hatai.“Dahlak lac yau adat cambat tanarakun ye anek kamuan drei urak ini oh thau, anak meta mboh lac oh hu bruk pato pakai tui yaok baoh sang di urang Thái meng kan. Urak ini anek kamuan oh thau iek praong,  oh hu nề nếp, oh thau angaok thau la yau meng kan, urak ini diuk rai tự do lo. Dahlak mboh brei hu pato pakai meng tuk daok sit ye dom kamuan meng thau hu”./.