Dom kadha brei thau lac viêm bàng quang:

Mboh harao tuk me-ik

• Bhian khin nao me-ik.

• Pandik dui atah angaok talang brok, abih di nyu nan lac hadei tuk nao me-ik.

• Ia me-ik mbau, hu darah atau hu laneh.

Meyah viêm bàng quang daok tagok khang, ba tal pandik ka-ing, pandiak atau yuh li-an. Kadha ini brei thau lac thận nhiễm trùng,drei samar nao tal bác sĩ, meyah caik livik nyu ngak khut thận.

Nhiễm trùng bàng quang bhian kayua vi khuẩn E.coli . Vi khuẩn ini daok dalam tung, nyu oh ngak khut tung min nyu ngak brei ruak tuk tame niệu đạo. Bruk ini rah tabiak tuk diuk pasang ndih daok haong gauk atau tuk nao ruak tian drei uak meng gah likuk tabiak gah anak.

Hu urang nhiễm trùng bàng quang kayua vi khuẩn dalam âm đạo nao tame niệu đạo jaik nan.

Bruk njauk ngak tuk mboh hu yau nan

Tuk drei mboh yau bahrau nhiễm, piah patrun nyu, drei meda ngak yau ini:

• Menyum meteh lít ia, yaok 20 minit menyum sa mbang tra mbiah tal tuk drei me-ik hu rilo ia me-ik.

• Menyum sa thìa cà phê Citravescent (blei di tiệm jru) atau sa thìa canh bicarbonate of soda dalam ia yaok tuk gam gam dalam 3 tuk camereip, saong 3 mbang sa harei hadei di nan.

• Menyum aspirine atau paracetamol meyah mboh pandik cambaoh.

• Caik sa klaok ia di ka-ing saong sa klaok karei di kreh dua gah takai. Menei ia pandiak atau metham khan điện tuk nao ndih.

Meyah mboh yau drei viêm bàng quang, njauk nao bác sĩ. Bhian di nyu bác sĩ meda brei jru kháng sinh saong pandar padeih padei. Triệu chứng nan meda lihik nao hadei di dom harei iek ruak, min kadha praong nan lac drei brei menyum ginup abih sa mbang jru kháng sinh tui toa di bác sĩ, kayua nyu meda daok dalam tuk njom ruak. Meyah menyum kháng sinh mboh oh siam, njauk nao bác sĩ veik piah hu brei sa janih kháng sinh karei, saong duah thau dom makna karei yau pasang iek khung chậu piah thau lac âm đạo siam atau chụp Xquang jalan me-ik.

Dom ruak njom mbak tapa jalan tình dục (STDs) jeng bhian lac makna ba tal nhiễm trùng niệu đạo, drei njauk caik hatai tal bruk ndih daok haong diuk pasang tuk drei ruak viêm bàng quang.

Dom makna karei di viêm bàng quang hu sỏi thận, bruk patagok bất thường di thang me-ik.

Dom urang kumei ruak me-ik saradang bhian mbuan njauk viêm bàng quang.

Meyah drei mboh yau khin viêm bàng quang,drei ngak yau ini:

• Rao labik me-ik saong gilaong tok haong xà bông nhẹ, oh pandar xà bông, atau ia xịt pahe rilo.

• Ngui capha meng vải cotton, jhui ngui capha jean kayua nyu katin saong jhui ngui capha dalam catang lô.

• Nao me-ik dalam 10 minit hadei di tuk diuk pasang ndih daok haong gauk.

• Menyum rilo ia, sa lít meteh tal 2 yaok harei – piah ngak mbrang ia me-ik.

• Jhui menyum alak. Kayua alak nyu nyu ngak brei ia tabiak lingiu rup pabhap, ngak ka ia me-ik me-mbeik saong hu axít, ruak mbuan rah tabiak.

• Mbang huak siam.