Ba khaol dahlak nao rivang dom sang bahrau glaong rilo tal daok jaik gauk di labik tái định cư Ka Tăng, ong Pả Dừa, Akaok palei Ka Tăng, brei thau, dahlau diah thei jeng huac mai daok, mai ngak mbang ala takai ceik ini. Urak ini, mikva dalam palei mai daok di labik bahrau ini, hu karja daong saong meng kham merat di bhap bani, sang halei jeng hu padang ngak khang kajap, puk palei siam gheih oh karei hagiat di bal raya!

      Ong Pả Dừa khan lac urak ini mikva pataom tame ngak kinh tế bein, glai, tabiak truh hu kan kathaot eik lipa nan ye thei jeng bui sambai: “Mai ini hu Đảng saong Karja ngak jalan, điện, balai y tế, blaoh sang danaok siam mekre. Mikva ralo meng pala patei, pala bei kayau, pala glai, rai diuk siam jang dahlau”.

       Dahlau diah, bhap bani palei KaTăng daok rah tui labik tapen negar Cửa khẩu quốc tế Lao Bảo. Thun 2013, kayua daok dalam Dự án quy hoạch, dak padang saong patagok Khu Kinh tế Thương mại Lao Bảo nan ye mikva njauk panduan nao daok di labik tái định cư ala takai ceik Ka Tăng.

UB bhap bani bal sit Lao Bảo brei ka mikva palih ruah taneh piah padang ngak sang, palih ruah labik daok tui hatai caong khin di mikva, but pajaih. Palei tái định cư Ka Tăng hu 3 janih sang hu padang ngak, IEK tui manuac urang dalam sang hu hadom bo parabha phun jien daong brei.

       Ong Lê Bá Hùng, Phaok akaok UB bhap bani bal sit Lao Bảo brei thau, Khu tái định cư Ka Tăng hu padang ngak angaok taneh PRAONG labaih 25 ha haong YAOM jien labaih 50 tỷ đồng: “Meng tuk mikva tổ 4 Ka Tăng mai labik daok bahrau ye rai diuk di mikva dak harei dak tani tanat, bruk ngak mbang pala drak di mikva hu mbuan laghaih jang. Abih di nyu NAN LAC, lingiu bruk patagok kinh tế, mikva Ka Tăng daok hu mbaok haong bhap bani bal sit Lao Bảo piah khik caga an ninh tapen negar taneh aia”.

      Khu tái định cư Ka Tăng hu mong yau kiểu mẫu di tỉnh Quảng Trị kayua nyu daok di labik siam, laghaih, kết cấu hạ tầng hu ngak siam, grap tanat ka bruk cakrok patagok kinh tế, bac da-a saong bruk ngak mbang ngak huak di bhap bani. Daok jaik bhum tapen negar Việt-Lào, palei Ka Tăng kết nghĩa haong palei Đen Sa Vẳn di negar ayut Lào. Bhap bani dua palei bhian TAOM GAOK gauk, khik ramik talei rohim,  BA gauk khik iek an ninh tapen negar saong khik ramik gang jameng chủ quyền biên giới di dua negar./.