Kadha di urang anek bangsa Jrai

        Nao tal Quân đoàn 3, sa dalam dom quân đoàn daok di bhum taneh bhong ba-zan Tây Nguyên, meyah tangi sua ka sa kreih camin urang lin ye angan Rơ Lan Nhin, Trung đội trưởng Trung đội 2, Đại đội 8, Tiểu đoàn 5, Trung đoàn 24, Sư đoàn 10 hu ndom tal rilo di abih. Dalam palei D, xã Gào, di ban sit Pleiku, tỉnh Gia Lai, meda lac sang Rơ Lan Nhin daok dalam rambah rambup di abih. Amaik ame Rơ Lan Nhin menek hu 4 urang anek, min tuk Rơ Lan Nhin hu 4 thun ye amaik ame ruak blaoh metai .

Yaom lac xã jaik ban sit, min amaik ame lihik nao, adei saai Rơ Lan Nhin kan kandah rambah rambup lô.

        Dom harei akaok mereip, hu mikva puk paga daong, harei ini akaok bei, harei paguh nding padai nan ye daok hu klaih mbang. Min mikva puk paga di palei D ini jeng kan kathaot, urang oh daong miat hu, nan ye 4 adei saai Rơ Lan Nhin njauk nao duah bruk ngak raong gauk. Harei ini ngak hamu, harei thiah ngak puh, gam nao ngak pah. Mboh adei saai Rơ Lan Nhin rambah rambeip, yaom lac sang kathaot min ông amuk ngoại di Rơ Lan Nhin ba dom taco mai daok saong gauk. Harei njam, harei bu, 6 urang ini kham merat raong gauk tapa harei bilan.

        Hu sa bruk njauk biai nan lac , daok dalam kan kandah, min oh ka tuk halei Rơ Lan Nhin sahaneng tal bruk klak bac. Blaoh 12 thun bac jeng tapa, sahaneg lac bruk bac di drei tal nan lac ginup ye hu mbang khám tuyển nghĩa vụ quân sự. Oh kanda  hagait, Rơ Lan Nhin vak harak likau tame saong jeng urang lin tuk umo 18 thun biak ranaih. Đại đội 2, Tiểu đoàn 1, Trung đoàn 48, Sư đoàn 320, Quân đoàn 3 lac labik Rơ Lan Nhin daok ngak bruk akaok mereip. Hadei di jaik 3 thun nghĩa vụ, mboh trình độ di Rơ Lan Nhin saong bruk tari tarieng di saai dalam dom harei bilan pasram, nan ye saai hu đơn vị khik veik saong brei nao bac.

       Ndom ka kreih camin yam tapa kan kandah di trung úy Rơ Lan Nhin, ông Nguyễn Xuân Lai, Chính ủy Sư đoàn khan lac : dalam dom urang jakar urang lin di Sư đoàn di bhum taneh ba-zan Tây Nguyên ini biak rilo urang hu sang kan kandah. Min, yau Rơ Lan Nhin saong hatai kham merat yam tapa kan kandah di urang lin ini lac takik urang ngak hu. Kol dahlak jeng ye đơn vị trực thuộc tuk halei jeng mek nan ngak kreih camin ka dom urang lin bac megru. Ndom biai saong kol dahlak, Rơ Lan Nhin lac : dahlak bhian tranh thủ tuk melam piah puac tài liệu, giáo án saong pasram bài giảng dahlau si pato pasram ka bộ đội. Abih di nyu nan lac, dahlak bhian ngak “diễn đàn nội bộ” piah pang dom urang lin brei panuac ka asal kadha, bruk pato pasram, phong cách chỉ huy. Tapa nan mboh lac, dom panuac di urang lin nyu daong ka dahlak hu rilo almu piah diukrai, piah ngak bruk, piah kham merat. Bloh meng tình cảm, bruk klah rabha di urang lin hu daong ka dahlak jia tame raidiuk di drei.

       Meng bhian salih barau jalan pato pasram, thau ndom dom kadha bộ đội daok caong, yau nan ye brukpato pasram di trung đội kayua Rơ Lan Nhin chỉ huy tuk halei jeng mek hu thành tích biak praong. Meng thun 2011 tal ini, Rơ Lan Nhin hu chỉ huy dom pakat pok meyaom; Đảng ủy Trung đoàn 24 alin harak meyaom kayua ngak siam bruk bac megru saong ngak tui jalan hadah siam mekre di Wa Ho./. 

 Thúy Linh