Pathau mikva urang ngak nong: Thủ tướng Rajaei bahrau tabiak Nghị định 35/2015/NĐ-CP ka khik ramik, pandar taneh ngak padai haong sarak daong puk palei ngak padai piah khik caga, cakrok taneh ngak padai dalam taneh ia. Palei hu daong 1 triệu đồng/sa hecta yaok thun ngan saong taneh ngak padai ia saong 500.000 đồng sa ha yaok thun ngak saong tane ngak padai karei.

Tui nan, iek tui taneh ngak padai, Kadung jien karja brei daong dahlau  bruk ngak padai ka dom tỉnh, (dalam nan hu jien đầu tư saong jien chi thường xuyên) tapa định mức phân bổ Kadung jiern Karja hu pakat hu thẩm quyền quyết định tui Hukum kadung jien karja.

Lingiu yaom daong meng Kadung jien Karja tui quy định urak ini, tỉnh ngak padai daok hu Kadung jien Karja daong 1 triệu đồng sa ha yaok thun ngan saong taneh  ngak padai ia, daong 500.000 đồng sa ha yaok thun ngan saong taneh ngak padai karei, oh kuhria taneh puh hu peih praong eng oh tui quy hoạch pandar taneh taneh ngak padai. Taneh ngak padai hu daong, hu kuhria tui số liệu thống kê taneh riya di dom tỉnh, ban di Trung ương kayua Mintri Tài nguyên saong Môi trường ba tabiak di thun dahlau thun phân bổ kadung jien karja. Ngan saong taneh bilau, taneh pasiam piah ngak padai, Kadung jien karja daong 10 triệu đồng sa ha taneh ngak padai, oh kuhria taneh ngak padai puh meng taneh oh ka pandar atau taneh pasiam meng taneh klaak saoh. Meyah hu rilo quy định karei di gauk, ye ngak tui jalan yaok mblang taneh tok hu daong 1 mbang, yaom daong kayua UB bhap bini pakat  tỉnh quyết định.

Kadung jien Karja daong 5 triệu đồng sa ha taneh ngak padai ia hu pasiam meng taneh ngak padai ia sa vụ atau taneh pala phun karei tui quy hoạch pandar taneh ngak padai.

Nghị định jeng tacei tabiak cambaih laih ka phun jien saong jalan daong. Tui nan, ngan saong dom tỉnh taduan pabak meng kadung jien Trung ương saong tỉnh Quảng Ngãi hu daong taong abih kinh phí; ngan saong dom tỉnh điều tiết dom yaom jien mek tame hu parabha mai kadung jien trung ương ala 50% hu daong 50% kinh phí; dom tỉnh daok veik pandar kadung jien tỉnh piah peih ngak.

Nghị định 35/2015/NĐ-CP hu salih ka Nghị định 42/2012/NĐ-CP harei 11/5/2012 ka khik ramik saong pandar taneh ngak padai saong hu ba tabiak ngak tui meng harei 1/7/2015./.