Dom thun jaik di ini, mikva urang nông tỉnh Ninh Thuận pala phun kanduik tui jalan phân tán ngan saong taneh jaik 350 ha pataom ralo di dua huyện Thuận Bắc saong Thuận Nam. Ini lac janih phun mbuan pala, lagaih saong lingik pandiak bhang, takik halak palai kaik. Mikva pandar dom jalan tổng hợp pacang cakak rệp sáp angaok phun kandiuk hu kein lagaih brei năng suất, chất lượng glaong, jien mek tame tani tanat.

Sang saai Nguyễn Thành Ngọc daok di palei Bàu Ngứ, xã Phước Dinh, tỉnh Ninh Thuận pala 120 phun kanduik angaok taneh gò jaik 500 m2, mek tame labaih 50 triệu đồng sa thun. Takik thei thau lac janih phun mbang me-in hu daong ka diuk pasang saai hu rai diuk trei sil, raong anek mbang bac tal labik tal dhua. Kỹ thuật hu pandar tame brei năng suất glaong, chất lượng pahe bingi hu darak pasar takre, nan lac saai cakak dhar kanduik piah brei baoh paik dalam bilan mat saong bilan 4 tui saka ia bulan yaok thun.

Saai Nguyễn Như Minh daok di xã Nhị Hà, xã Phước Dinh jeng lac sa dalam dom urang nông nao dahlau dalam bruk pala kanduik sung bilan, pandar hệ thống pruh ia patak patao. Saai Minh brei thau, sang sa-ai pala 6 sào kanduik meng thun 2002 tal urak ini. Mật độ pala lac 120 phun /sào. Hadei di 3 thun iek glang, phun kanduik hu brei baoh. Saai buh tabiak labaih 50 triệu đồng blei mô tơ saong hệ thống pruh ia. Saai jeng ngak tui jalan cakak dhar, tỉa hala, phun kandiuk brei baoh paikh 2 vụ sa thun, năng suất meng 5 tal 6 kg yaok phun. Urak ini, urang mai blei kanduik di bein sang saai yaom meng 18 tal 20 ribau đồng sa kg. Kaoh abih phun jien buh tame ngak, saai Minh daok laba 150 triệu đồng yaok thun. Bein kanduik di saai Nguyễn Như Minh lac labik mai tal di mikva urang nông dom huyện Thuận Bắc, Thuận Nam piah bac megru ilamu.

Ong Lê Quyết Thắng, Phaok akaok UB bhap bini xã Nhị Hà brei thau, urang nông dalam xã Nhị Hà pala 30 ha phun kanduik. Ini lac janih phun mbang baoh hu taneh pala ralo abih urak ini di Nhị Hà hu pala tui jalan thâm canh, cakak dhar brei baoh paik 2 vụ sa thun. Kanduik mbuan pala, takik halak palai kaik, brei jien mek tame glaong jeng janih phun pala patrun kathaot khang kajap di puk palei.

Kadha  “Urang ngak hamu caong thau”  tal ini likau padeih. Kadha ini kayua rayo sap ndom VN pambuak saong pasak pachreih nông pakat negar peih ngak./.