Kein laba meng bac bruk raong glang, pala drak.

Maong tapol limo khang kadang, praong samal, saai Đạo Hùng Chung di xã Bắc Sơn, huyện Thuận Bắc, tỉnh Ninh Thuận kuhria dalam akaok, hadei di tuk bac bruk raong glang, mesriay jien blei 10 yau limo palimek, tapa sa bilan padai tra meda pablei, tui yaom darak pasal urak ini meda laba hu 150 trieu dong. Tuk nan bruk kathaot hu tabiak truh. Bruk bui sambai meng saai Chung daok pambak tapa dom urang nong karei.

Mikva urang nong daok di xã Phước Chiến khan lac, hu bac bruk, thau alamu barau ka ngak nong, pandar tame ngak mboh kein laba yau nan ye biak chreih bui.

- Saai Đạo Thị Nhung daok di xã Bắc Sơn, huyện Thuận Bắc, tỉnh Ninh Thuận barau mek jien tame hu 80 trieu dong meng bruk pablei limo palimek. Saai lac: dahlau thiah raong limo, pabe njauk raong palao, lingik oh siam ye athur labuh ruak, lavang lavaih saong metai hamiet. Meng tuk bac bruk blaoh thau hu langik pandiak pasang iek yau habal, lingik hajan brei mbang  hagaiyt, tuk athur raong alah mbang pasang iek yau habal...Pagap ye piah hu kein laba glaong, urang raong glang njauk thau bruk tiêu hóa kaya mbang hijao di nyu. Brei ka limo mbang, ginup hareik that saong dom janih baoh kraoh. Meyah kurang hareik that meda salih sa kg hareik thu samu 4 tal 5 kg hareik that. Atau 1 kg hareik ủ chua, sa kg pông ủ ure, 1 kg baoh kraoh samu 2 kg hareik that. Kayua thau ky thuat, limo, pabe sang saai praong yau yuk, buh jien tal halei laba tal nan.

Rilo sang bhapbini daok di xã Bắc phong, huyen Thuan Bac hadei di tuk bac bruk blaoh saong hu tacei pato pandar mo hinh“ 1 njauk, 5 trun“ jeng hu yam tabiak truh kathaot. Ông Đạo Tấn Phúc brei thau, dahlau thiah, bhapnini Cam drei tok thau prai padai min, oh thau bruk ủ asar yau nan ye padai bhian gaok ruak, tuk gaok ruak jeng oh thau pasang iek yau nan ye ngak rilo jeng daok kathaot, hu tuk njauk mbang bo bo. Hadei di tuk bac ky thuat pala padai drei thau cambaih mo hinh 1 njauk 5 trun nan lac pandar pajaih xác nhận asal cambaih laaih, daok 5 trun hu trun pajaih drak, trun takik khak, takik pandar jru khik caga phun pala saong  takik lihik tuk yuak. Langiu di bruk ngak tui siam jalan ngak ini, ye dom ky thuat karei jeng gheih, randap. Meng di nan, sang ông Phúc daok dalam palei haong drei thau bruk ngak taneh, drak asar habal ka padai khang, pametai anek ruak habal ka oh jhak tal padai.

 -Barau ini, huyen Thuan Bac hu pambuak bruk saong sang bac Cao đẳng nghề Ninh Thuận saong dom abik pato bruk karei gam pato di tan bac gam trun puk palei tacei pato tapak di mblang hamu. Jalan ngak ini pachreih hu rilo urang ngak takre bac dom bruk ye: ilamu pala tangei, padai lai tui mo hinh 1 njauk 5 trun; raong limo, pabui, pabe, pabo; ilamu pak yot, jhik pet. Hadei meng bac bruk bloh, dom urang bac ngak hu samal, meng di nan pandar alamu ky thuat tame ngak mbang, ba mai kein laba glaong jang rilo mbang. Rilo mo hinh kinh te hu peih ngak siam, hu jak jeng. Yau ye bruk pak yot di xã Phước Chiến; bruk raong pabui jhuk, pabe limo palimeik di xã Bắc Sơn; mo hinh 1 njauk 5 trun di xã Bắc Phong. Mikva urang nong meyah hu mbaok tame dom tan bac ngak nong ye hu thau rilo ilamu ky thuat raong glang, pala drak piah hu nang suat glaong, chat luong pandap hu khik kajap.

PTV 2: Kadha urang ngak hamu caong thau harei ini tal ini likau padheih. Kadha kayua rayo sap ndom Viet Nam pambuak bruk saong pasak pachreih nong negar peih ngak.

Thúy Linh