Padang tagok meng bilan 8/2014, tal urak ni, Kalup kapul “iek glang uranaih pambak tame bhap bini” palei Kniêt, xã Ea Ktur (huyện Cư Kuin) hu jeng bhian randap song dom uranaih bangsa Ê đê. Kalup kapul urak ni hu 45 urang, dalam nan hu 5 urang di kapul iek glang, pato pakai song 40 uranaih, rilo meng lac uranaih dalam dom boh sang kan kandah. Yaok bilan kalup kapul sinh hoạt sa mbang. Langiu di nan, dok du dom mbang sinh hoạt tuk harei dunya uranaih 1/6, tết trung thu…Dalam dom mbang sinh hoạt, dom adei hu tacei pato bruk pacang caga bạo lực dalam sang, nyaik xâm hại, lợi dụng song pacang caga dom bala, gam duah thau ka quyền lợi, bổn phận di uranaih. Lingiu di nan, dom adei dok hu main dom kadha me-in bhap bini, hu mbaok tame tamia kapul nyaom… Adei  H’Sơ Ron Êban, umo 14 thun khan lac:

Băng (tiếng Êđê): Adei bui sambai lô hu mbaok tame kalup kapul khik caga iek glang uranaih. Kalup kapul hu dong ka rilo ayuT gaok kan kandah dalam rai duik, bac megru, pachreih ba dom ayuT klak bac nao bac veik. Kalup Kapul jeng brei tapuk kalam piah bac

Dom bruk ngak di kalup kapul pagam tapak tal rai duik yaok harei di mik va palei  Kniêt,  dak harei dak hu dong ka bhap bini, amaik ame song dom adei uranaih thau cambaih jang ka dom sarak di đảng song karja ngan song uranaih, jang yau trách nhiệm, bruk ngak di boh sang,  quyền lợi, bổn phận di uranaih. Kalup kapul “ Iek glang uranaih pambak tame bhap bini” dok hu dong ka rilo adei hu rai duik kan kandah yam tagok. Yau adei H’La Zem Kbuôr, umo bahrau 11 thun njauk klak bac piah nao ngak mbang pah dong ka amaik ame. Thun bac meng bloh, hu bruk pachreih ba di kapul kapul, adei hu nao bac veik song pakacah tame sang bac THCS bangsa gam bac gam dok huyện Cư Kuin. Tapa nan, H’La Zem hu kalup kapul brei sa sruh radeih juak piah nao bac. Ni lac, bruk pachreih ba biak prong dong ka adei song boh sang kham merat yam tapa kan kandah.

Băng (tiếng Êđê): Adei angan  H’La zem kbuôr. Thun ni adei bac tal 6. Adei bui sambai lô tuk hu bac megru rilo kadha siam lagaih di kalup kapul. Adei thau dhar phor  cei gru anai gru song tong abih adei saai, dom ayuT dong ka adei. 

Hadei di 2 thun padang tagok, kalup kapul  “ iek glang uranaih pambak tame bhap bini” palei Kniêt jak ba hu 16 adei klak bac nao bac veik. Bruk anek saih klak bac di puk palei jeng hu patrun. Uranaih hu bhap bini sangka iek glang rilo jang.

Tapa duah thau bruk uranaih dalam palei, kalup kapul duah mboh song tacei pato, dong dom boh sang nao ngak harak khai sinh ka dom adei, pok panuac likau karja puk palei brei thẻ  BHYT ka 34 adei umo ala 6 thun. KALUP Kapul dok jak ba rik patom hu labaih 2 triệu đồng dong ka 5 adei hu rai duik biak kan kandah, brei 2 sruh radeih juak song pandap panda yau khan aow, harak tapuk ka dom ade. Saai Amí Hoa, phụ trách kalup kapul brei thau:

  Băng (tiếng Êđê): Hulin mboh bui sambai  hu mbaok tame pato di kalup kapul. Hu rilo jalan dong ka dom adei hu bac megru dalam kalup kapul yau main sambai, doh tako, taom gaok song dom adei di palei karei. Pato brei dom adei thau ka quyền di uranaih, bruk ngak di uranaih. Tuk pasang iek thau lac 15 adei oh hu harak khai sinh. Hulin jak ba saong ba amaik ame nao ngak harak khai sinh trễ hạn ka dom adei di Ub xã

Ong Lương Viết Gia – Phó Chủ tịch uỷ ban bhap bini  xã Ea Ktur tong yaom, kalup kapul “ Iek glang uranaih pambak tame bhap bini” hu ba mai bình đẳng song jalan patagok ka uranaih meng rup pabhap tal akaok sahaneng. Amaik ame dom adei  jeng bui sambai anak bruk sangka di bhap bini, meng nan hu trách nhiệm jang dalam bruk iek glang, khik caga dom adei.

  Băng  Tapa bruk ngak di kalup kapul hu tong yaom yaok thun, yaok qúy, yaok bilan mboh ba mai kein laba cambaih laih. Padang hu mblang bein ka dom adei. Meng kalup kapul, dom adei thau hu quyền lợi di drei. Lingiu di nan, pablak tame bruk pato pakai chính trị, đạo đức, jalan diuk rai, thau dom sarak di XH ngan song uranaih.

Meda lac, kalup kapul “ Iek glang uranaih pambak tame bhap bini” di palei Kniêt, xã Ea Ktur, huyện Cư Kuin, tỉnh Dak Lak, patagok hu siam lagaih dong paglaong akaok sahaneng di bhap bini dalam bruk iek glang pato pakai uranaih. Kalup kapul ngak jeng mblang main, “ sa boh sang” ka uranaih di bhum kan kandah, bhum urang bangsa takik./.