Palei Bản Chang, xã Thành Công, huyện Nguyên Bình (tỉnh Cao Bằng) hu 43 boh sang urang bangsa Dao Tiền; ini jeng lac sa dalam dom palei daok khik hu bruk ngak khan ao meng kan di bangsa. Kapul urang jakar xã tuk halei jeng iek praong saong pachreih mikva khik ramik dom ilamu siam mekre meng kan. Sa dalam dom urang kham merat pato veik ilamu ka dom rai rah hadei bruk pứt saong cih dom bingu la ka blah khan ao di urang Dao Tiền nan lac amuk Bàn Thị Chệch, thun ini umo 60 thun, daok di Bản Chang, xã Thành Công.

Lac urang takre dom blah khan ao di bangsa drei meng si,t amuk Chệch hu tui amaik nao bac pứt. Amuk saneng lac: “drei lac urang Dao, brei khik ramik ialmu di bangsa drei”. Hu oh thau hadom urang kamei bangsa Dao tiền palei Bản Chang ini praong tagok, nao tok pasang hu amuk Chệch jhik saong pứt dom blah khan ao bangsa dalam harei likhah. Tanyaik hu nhộm chàm thu, khang min tapa plak tangin amuk Chệch mboh nyu mekre saong limin. Amuk Chệch brei thau: blah khan ao di urang Dao tiền hu pứt bingu la di jih ao, di ka-ing, di takuai ao. Akaok saneng khik ramik saong pambuak haong lingik tasik hu brei mboh cambaih dalam bingu la hu pứt angaok khan ao meng kan, abih di nyu nan lac khan ao kamei.

Dom bingu la dalam khan ao meng kan di urang Dao tiền brei mboh hatai anit ranam lingik tasik, kayau patau binguk phun padai, bingu ia harei. Taphia nan daok hu dom hình athur raong yau: anek sau, anek meuk…. Dom athur jaik saong rai diuk di bhap bini brei mboh rai diuk trei sil, bui sambai, ginup meda. Ilamu in bingu la angaok tanyaik meng sap hani di urang Dao tiền biak gheih. Urang mek but meng krem njuk tame sap hani pandiak sraiy bloh in tagok tanyaik. Tanyaik hadei di tuk nhuộm chàm hu ndaong tagok bingu la sambo patih kayua me-om tagok tal sap hani nan ye oh njom màu chàm. Oh lac eng drei ngak, amuk Chệch daok pato dom dam dara dalam palei jalan pứt saong jhik khan ao piah khik ramik ilamu di bangsa drei. Amuk pan tangin yaok kamuan tacei jalan caik jrum, jalan pứt, jalan cih bingu la meng mbuan nan lac baoh menuk ada bloh tal bingu kan jang yau phun padai, anek cim.

Amuk Bàn Thị Chệch jeng yau taong abih dom urang takre ilamu bangsa jeng caong khin hu khik ramik dom ilamu siam mekre meng kan di bangsa drei./.