Khan ao tui mot, oh siam ka pren yava 

     Pandap cuk dalam ngak mekre rup pabhap

   Dom thun jaik di ini, dom hãng thời trang đồ lót hu ba tabiak pablei dom bộ đồ lót ngak brei  thon gọn rup pabhap urang limek béo phì. Min mboh lac, bruk papaok rup piah hu eo, paglaong tathau meda ngak brei pandik tathau, hu tuk brah tathau atau ngak brei tao bon… Kayua dom đồ lót nan hu ngak meng khan bai kapan piah kateik limek labaih di dom labik hu limek rilo yau : pha,  taok, tian…. Nan oh ka ndom tal dom pandap pandar loxo piah pok labik chảy xệ tagok. Hadei di sa tukvak pandar dom janih pandap ini, nyu ngak pandik rup pabhap saong dom rak than kinh. Chức năng dom labik ini jeng ye hệ thống tiêu hóa livik harei nyu yếu nao…Kayua yau nan ye, meyah rup limek rilo, njauk takik cuk dom do lot ini. Meyah cuk, brei ruah dom noi y papaok di labik limek saong oh cuk tapa 12 tuk yaok harei piah rup hu laneng lahơi,  darah nduac samu, siam.

Capha jeans katil papaok :

Cuk capha jeans katil papaok ngak brei rup mekre iek, min, kayua capha katil nyu ngak ka dom labik mbuan si brah, katal. Dom jalan jhik di capha jean praong saong kapan meda ngak ka talang taok njauk kateik khang, ngak brei kan kandah tuk nao ruak tian. Njauk cuk dom janih capha co giãn, jhik meng cotton. Capha cuk brei laneng lahơi. Tuk blei capha,  njauk cuk iek nyu kan daok halei oh. Meyah mboh katil, brei ruah size praong jang atau kiểu karei. Dom janih capha ống suôn, ống tapak jeng meda salih ka capha jean ôm bo oh huac kurang mekre.

Takhaok glaong

          Takhaok glaong nyu ngak brei rup ayut mboh limin lamuac mekre iek tuk yam takai kabak. Min nyu oh siam ka pren yava di urang pandar, kayua tuk cuk nyu, abih trọng lượng rup di ayut tuh trun takai, suai lavik nyu kateik tagok rak darah, ngak pandik talang, katal laka dom plah takai, meda ngak brei takai kong vẹo, dang oh tapak, ba tal kong talang. Kayua yau nan ye, livik livik meng cuk takhoak glaong di dom bruk praong. Takhaok  glaong siam di abih meng 5 tal 7 cm, đế jhui haluak lô saong jhui biar trun gah akaok takai rilo piah trọng lượng rup drei hu parabha samu gauk di gah kreih plak takai. Meda ruah janih takhaok vil akaok atau hở akaok piah rak darah mbuan nduac nao mai. Langiu di nan, njauk ruak janih “đế xuồng” atau gót glaong oh dốc rilo, khang kajap. Talei takhaok jeng brei kajap piah khik tani tanat ka plak takai, tuk yam oh mbleing mblang.

          Parik tangi  praong

Mố cuk parik praong, hu bingu la nyu ngak ka ayut mekre jang tuk cuk nao tasik, nao me-in. Min nyu meda ngak ka tangi ayut dui trun, mbuan klaoh tangi meyah tavak tame sa pandap hagait nan atau gaok uranaih bleik katung dui parik. Meyah biak takre mốt ini, njauk ruah dom janih parik hanjul hu ngak meng kayau huan, katak, kalik atau candiah kim loai lipih salih ka patau atau ban trak. Parik jhui atah, njauk cuk parik gul, vil, pak meta.… 

Kadung bak praong

Dom urang glaong, praong takre bak kadung praong piah tạo dáng hài hòa, min nyu ngak oh siam ka pren yava. Tapan nan, nyu ngak brei pandik sa gah kayua ayut bak pandap trak di bra. Langiu di nan, dom labik karei di rup pabhap jeng meda pambak tal, meda ngak brei khang talang takoi, talang kuk bra, ba tal pandik akaok. Ayut njauk ruah kadung hanjul, hu ngak meng tanyiak khan bai, ni long, kalik biak…. Njauk ruah kadung bak hu tangin pan praong.

Thúy Linh