Trung tá La Ngọc Dương, Chính trị viên Đồn Biên phòng (ĐBP) Thu Lũm, Bộ Chỉ huy Bộ đội Biên phòng (BĐBP) Lai Châu hadar veik : mo hinh “ khang brah anit ranam “ di Thu Lũm mai meng hatai sahneng di thượng tá Nguyễn Tiến Ngọc, dahlau thiah ngak akaok Đồn BP Thu Lũm.

Kak kajap saong bhum taphia negar meng yaok pluh thun, thượng tá Ngọc tuk halei jeng sahaneng ngak habal piah daong bhapbini dom bangsa labik drei đóng quân hu mbang, hu cuk, hu bac megru. Dalam sa mbang trun ngak bruk di bản Coòng Khà, xã Thu Lũm, huyện Mường Tè thun 2009, thượng tá Ngọc taom gaok sang di dua anek saih Sừng Xố Xá saong Mạ Mộ Hà. Thau ka bruk kan kandah di dua adei, yaok harei  nao yaok pluh cây số piah tal sang bac, thượng tá Ngọc hu ginum saong pakat ủy, karja palei, sang bac blaoh pathau tagok Bộ Chỉ huy BĐBP Lai Châu daong sang dua adei meng bruk daong 50kg brah saong  500.000 đồng/sa adei. Hu sa tukvak, mboh jalan daong ini oh lagaih, chỉ huy đồn brei ba dua adei mai raong di ĐBP Thu Lũm piah mbuan si pasang iek bruk daok dang, mbang menyum, bac da-a. Meng di nan, hatai sahneng ka mô hình “khang brah anit ranam” hu tamuh tabiak dalam yaok urang jakar, urang lin ĐBP Thu Lũm.

 “Thun 2010, “khang brah anit ranam” akaok mereip tabiak mbaok di Là Si - bản di bhapbini La Hủ huyện Mường Tè. Ngan saong “định mức” 5 - 7kg brah sa anek saih sa bilan, hu kaoh tabiak meng jien bilan di urang jakar, urang lin ĐBP Thu Lũm, “khang brah anit ranam” hu daong pabak var mbang ka yaok pluh anek saih kathaot pachreih bac di bản Là Si. Ini lac sa jalan ngak siam tui bruk jak ba “bac megru saong ngak tui jalan hadah trah, siam mekre di Hồ Chí Minh” saong danakdak “ daong adei yam takai nao bac” kayua Bộ Tư lệnh BĐBP ba tabiak dalam lực lượng” - trung tá La Ngọc Dương brei thau yau nan.

Tiêu chí piah hu mek raong, đỡ đầu tui danakdak “ daong  adei yam takai nao bac” lac dom anek saih meng tan bac 6 tal tan bac 9 daok dalam labik ĐBP Thu Lũm khik iek. Bac salah danakdak THCS, ĐBP meda ba dom anek saih tagok bac tan bac THPT kayua sang bac hu chế độ bac bán trú ka anek saih dom bangsa takik. Adei Sùng Xố Xá hu  ĐBP Thu Lũm raong tal tamat tan bac 9 ye ba tagok bac sang bac THPT Thu Lũm, urak ini Xá hu bac tagok tan bac 12 di sang bac bangsa gam daok gam bac gah xã Ka Lăng; hu tuk adei hu mai ravang urang jakar, urang lin dalam ĐBP. Urak ini, đồn daok raong dua anek saih bangsa Hà Nhì lac Mạ Mộ Hà, bac tan bac 9 saong adei Lò Xé Giá, bac tan bac 6. Dua adei ini yaok harei nao bac, jala saong melam mai mein saong dom cei, dom saai di ĐBP. Oh njauk lac quân nhân min jalan ndom puac daok dang di dua adei yau dom urang lin.

Trung tá Trần Nguyên Kỷ, akaok Đồn BP Thu Lũm khan lac : akaok mereip, khang brah anit ranam di ĐBP Thu Lũm piah daong anek kamuan di dom bangsa Mảng, Cống, La Hủ hu hasit padai brah piah mbang, khik caga pren yava piah bac megru siam. Hadei ini, pakat uy, chỉ huy đồn maong mboh ini lac mô hình siam, bruk ngak siam yau nan ye hu pok panuac tagok BĐBP Lai Châu khik ramik. Langiu raong mbang, pato bac, yaok adei anek saih hu đồn mek raong hu daong 3 bộ ao capha sa thun bac, Tết mai dom adei jeng hu pandap di đồn.

Urak ini, mô hình “khang brah anit ranam saong daong adei yam takai nao bac hu Bộ Chỉ huy BĐBP Lai Châu pok meyaom saong peih praong tabiak abih labik biên giới di tỉnh, hu daong dom anek saih kathaot pachreih bac hu nao bac, daong paglaong dom caong khin ka dom adei sit./.