# Harei kabroi (16/12), di bal Tam Kỳ, tỉnh Quảng Nam, Phaok akaok negar  Đặng Thị Ngọc Thịnh hu mbaok saong jao 500 sang anit ranam ka dom sang kan kandah gah sang daok di 5 tỉnh bal gah kreh negar nan lac Quảng Nam, Quảng Ngãi, Bình Định, Phú Yên saong Khánh Hòa. Danak dak kayua Văn phòng Akaok negar, Ủy ban bhap bani tỉnh Quảng Nam saong Công ty Cổ phần Đầu tư Kinh doanh địa ốc Hưng Thịnh pambuak gauk peih ngak.  Phaok akaok negar Đặng Thị Ngọc Thịnh pok brei ka dom baoh sang kan kandah di tỉnh Quảng Nam, yaok baoh sang hu 50 triệu đồng. Tapa nan, Phaok akaok negar klah rabha dom kan kandah ngan haong bhap bani dom tỉnh gah kreh negar, caong khin lac meng yaom jien daong brei, dom baoh sang samar drah padang ngak veik sang daok, piah uan raok Tết meng kan di bangsa.

      # Hadei tuk mek hu cúp vô địch AFF Suzuki Cup 2018, Kapol urang dat blong VN taduan hu paok jien thưởng praong meng rilo kapol nyaom saong daonh nghiep. Kuhria tal biar harei 16/12, kapol dat blaong VN saong ong Park Hang Seo taduan hu labaihg 25 tỷ đồng. Paok jien nan daok hu tagaok jang  dalm dom harei anak tal. Hadei tuk taduan hu 100 ribau USD jien thưởng di cty Trường Hải, HLV Park Hang Seo lac alin kadung jien piah patagok bruk dat blong uranaih Viet Nam.

  # Harei  16/12,di bhum tasik   atah di  đông nam đảo Trần (Quảng Ninh) 4 hải lý, nao gah pai  jalan phân định 11 hải lý, kapan cảnh sát tasik 6002 di  hải đội 111, hải đoàn 11 Bộ tư lệnh Bhum  Cảnh sát tasik 1 hu pasang iek song cap khik  7 kapan pandap di  Trung Quốc dok pajeng jiak  500 tấn pandap khik liar. Tui harak gar  di dom  thuyền trưởng ba tabiak, pandap panda angaok kapan nan lac rilaow kubau khik liar. Min tapa pasang iek  mboh pandap nan lac tung pruac anek athur, rilo meng lac tung, pruac limo, takai menuk hu papaok dalam dom thung baar vak haraoh Trung Quốc.

   # Cục Cảnh sát giao thông (Mentri Công an) brei thau, dalam dua harei 15/12 saong 16/12, dalam negar rah tabiak 19 mbang bala angaok jalan mbak nao mai ngak ka 14 urang metai saong njauk rambuis 10 urang. Tui jabat ini, hadei di mbang caoh chung kết  di đội tuyển Việt Nam saong đội tuyển Malaysia, bhap bani tuh tabiak jalan diễu hành uan tabuan ka jayak nan ye radaih nao mai angaok jalan biak rilo, abih di nyu lac di Hà Nội saong TP.HCM.

# Mesup harei  17/12, H'Hen Niê pakacah song  93 thí sinh mai meng dom negar song bhum lãnh thổ di Chung kết Hoa hậu Hoàn vũ 2018 di  Impact Arena, Bangkok, Thái Lan. Ni lac mbang camereip  Việt Nam tame  Top 10 dalam sajarah dak rai  Miss Universe. Thun 2008, tuk mbang pakacah hu peih di  Việt Nam, Thuỳ Lâm hu angan dalam Top 15.

Patui di ni dom khau tin dunya:

# Yaok ribau urang Việt harei 15/12 hu pataom gauk di ban  Westminster di  Quận Cam (bang California, Mỹ) piah phản đối bruk di rajaei  Donald Trump daok khin trục xuất dom urang Việt tal Mỹ dahlaiu di thun 1995. Tui đài ABC, bruk hu mbaok di dom urang nan brei mboh dom huac kandah ka bruk  Washington meda diễn giải veik sa  thỏa thuận nhập cư thun 2008 di  Mỹ song  Việt Nam dak harei dak prong. Thỏa thuận ni piah langyah bruk di dom urang asal Việt tal Mỹ dahlau di tuk 2 negar  bình thường hóa quan hệ thun 1995. Bruk  diễn giải veik jeng hu makna lac hu urang njauk trục xuất, tui  ABC.  

# Hu takik abih 40 urang njauk rambuis dalam mbang patuh prong di sa nhà hàng pak bal Sapporo, pasak hành chính di tỉnh Hokkaido, Nhật Bản. apui khuah prong di tukvak 8 tuk 30 minit saong ngak glut jaleih taong abih nhà hàng 2 tal ini, dom  tòa sang jaik taphia nan jeng megei tui. Dalam dom urang njauk rambuis, sa urang njauk trak, mbuan metai. Lực lượng daong duah jeng daok kham merat  duah  iek daok hu thei gar dalam mbuk tuh jaleih nan halei oh, yau nan min, bruk daong duah urang njauk bala daok ralo kan kandah kayua apui oh ka padam abih. Urak ini cảnh sát daok pacang khik hiện trường piah pasang duah thau ka makna di nyu.

  #Harei  16/12, Hải quan Campuchia brei thau  hu peih bruk chap mek  3,5 tấn bala limen  di pambah lamnge tasik  ban ine  Phnom Penh. Dom bala limen  hu duah mboh dalam sa container pandap panda  song hu kanduah ala  sa tal patau cẩm thạch. Dom bala limen nan hu pajeng meng  Mozambique song hu klaak veik di  pambah lamnge Phnom Penh meng thun bloh. Urak ni oh ka thau cambaih po di pandap panda ni Dalam 5 thun tapa, Campuchia hu rilo mbang chap khik  take limen biak prong. Thun bloh, negar ni chap mek hu jiak  1 tấn bala  limen hu kanduah dalam sa  container song hu pajeng meng  Mozambique./.