# Harei ini (27/11),  Nyaom biai patiom iek veik 10 thun peih ngak Sarak Trung ương 7 khóa X ka bruk ngak nong, urang nong, palei pala hu peih tabiak di Hà Nội. Nyaom biai hu mbaok labaih 1.000 urang lambaok dalam taneh aia saong dunya, ala bruk tacei ba  di Thủ tướng Nguyễn Xuân Phúc. Hadei di 10 thun peih ngak, rami ramik veik gah ngak nong mek hu rilo siam mekre, an ninh padai brah hu khik kajapt. GDP gah ngak nong thun 2017 mek hu 2,66%, quy mô GDP di gah ngak nong tagok 1,25 mbang dut haong thun 2008; công nghiệp saong dịch vụ di palei pala tagok samar. Kuhria tal bilan 6-2018, dalam negar hu 3.346 xã mek hu chuẩn palei pala bahrau… Urang kathaot trun samar saong ba Việt Nam hu jeng negar pablei brah tabiak negar langiu dang akaok dunya. Thun ini, jien mek tame meng bruk pablei kaya nong tabiak negar langiu di Việt Nam tui kuria hu labaih 40 tỷ USD. Tui kuhria mboh dahlau tal thun 2020 dom chỉ tiêu mek hu saong  meda mek hu nan lac: Paglaong jien mek tame di bhap bani palei pala tagok labaih 2,5 mbang dut haong urak ini. 

# Tòa án bhap bini ban raya .HCM  daok peih xét xử sơ thẩm bị cáo Trần Phương Bình, umo 59 thun, dahlau deih ngak Tổng giám đốc gilang pariak  thương mại cổ phần Đông Á - DongA Bank song 25 urang “cố ý ngak suan hukum di karja ka bruk khik ramik kinh tế ba tal palai pajoa trak”, “kurang trách nhiệm ba tal khat lihik trak” song “lạm dụng tín nhiệm meblah mek drap ar”, ngak khat lihik ka gilang pariak ni 3.608 tỉ đồng. Dalam nan dom đồng phạm, njauk caik hatai hu Phan Văn Anh Vũ, umo 42 thun, ieu lac Vũ "nhôm", Chủ tịch HĐQT Công ty CP xây dựng Bắc Nam 79  song  Nguyễn Hồng Ánh (urang dahlau deih ngak trung tá, pan akaok sa kapul nghiệp vụ Công an ban raya .HCM). Hội đồng xét xử  hu ieu pataom 333 urang, kapul nyaom hu mbaok di  phiên tòa lac dom urang hu quyền lợi song  nghĩa vụ pagam tal, urang ngak kasanh song hu jiak 60 luật sư tut angan tame di phiên tòa.  Tui kuhira , Tòa án ND TPHCM peih xét xử meng harei  (27/11)  tal harei  25/12.

# Jeng Dalam harei 27/11, pak Đà Nẵng, Diễn đàn Trí thức ranaih umo Việt Nam pakat dunya mbang ka sa rah tabiak ngan haong kadha "Patagok pren khang di trí thức ranaih umo Việt Nam dalam jaman bahrau". Diễn đàn hu mbaok 200 trí thức Việt Nam daok ngak bruk di 52 chuyên ngành. Ini lac tuk piah ka dom trí thức ranaih umo urang Việt daok dalam saong langiu negar klah rabha ilamu saong ginum biai ka jalan mong, bruk rik daong di drei ngan haong bruk dak padang saong cakrok patagok taneh aia, jhul pakhang tukvak hội nhập kinh tế prong dalam di Việt Nam dalam khu vực jang yau angaok dunya.

#  Yaom lac hajan daok trun takik min  huyện Bắc Bình- tỉnh Bình Thuận jeng dok dauh ia biak khang. Tui kuhria tuk camereip, hajan ia sua oh ngak metai lihik menuac urang min labaih 300 boh sang dalam  huyện song labaih 3.000 ha taneh ngak nong dauh ia, dalam nan hu jiak 1.700ha padai jiak tasak  di dom  xã . Dom công trình  xã hội pak ni khut tayah kayua hajan ia sua.

 # Hadei di 2 harei samar drah pataom pren tame ngak, tal urak ini, taong abih jalan điện khut klaoh kayua ribuk ka 9  dalam tỉnh Bà Rịa – Vũng Tàu hu paisma veik, bhap bani hu pandar điện veik yau dahlau .Ribuk ka 9 nao tapa, dalam tỉnh ini hu 5 ghang trung thế, 16 ghang hạ thế  jaoh jaleih, 7 máy biến thế khuah, tui kuhria  khat lahik jaik 5 tỷ đồng.

Patui di ni dom khau tin dunya:

# Dom tuk hadei di tuk Quốc hội Ucraina plaik phiếu pachreih tui bruk áp đặt thiết quân luật, Tổng thống Ucraina Pi-ốt Pô-rô-sen-cô harei kabroi  (26/11) brei thau, ong hu áp đặt sắc lệnh ni  dalam negar meng harei  28/11 anak tal. Dalam kadha ndom puac hu rayo papar binguk tapak ong Pô-rô-sen-cô ndom lac, sắc lệnh ni oh trun  quyền công dân jang yau  trì hoãn dom mbang palih ruah hu  ba tabiak di thun anak tal. Ong hu panuac ieu  Quốc hội brei adat ka ong áp đặt thiết quân luật dalam 30 harei  oh lac 60 harei yau panuac ba tabiak tuk camereip  .

# Sa mbang ribuk tuyết ngak kan kandah tal bruk nao mai di rilo mbang di bhum Trung Tây saong Đông Bắc negar Mỹ hadei di tukvak padeih lễ Tạ ơn. Tui kuhria mboh di tuk akaok mereip, labaih 1 ribau 300 mbang pal mai atau meng Mỹ nao njauk brei padeih dalam harei 26/11. Di mblang kapal haok dunya Ô-he (O’Hare) di bal Chicago, labik njauk gaok trak ribuk tuyết, labaih 800 mbang par njauk brei padeih saong tukvak par suai jang. Tuyết di bal Chicago tapal jaik 20cm, tanut glaong di abih kuhria meng thun 1975. Labaih 220 ribau urang oh hu điện pandar di bhum  Trung Tây negar Mỹ saong tui kuhria mboh dahlau, tuyết  daok hu mboh di rilo bang dalam bhum ini. mBang Căng-xát (Kansas) hu tabiak bruk khẩn cấp ka thời tiết.

# Hadei di  7 bilan  par dalam  không gian, kapan thám hiểm In-xai (Insight) di jabat  Hàng không Vũ trụ Mỹ (NASA) hu par trun Sao Hỏa harei  26/11 (tuk vak  Mỹ). Kapan hu payua  tín hiệu siam mekre ka boh taneh dalam nan hu sa thaot binguk ka  mbaok  Sao Hỏa jang yau labik  par trun.  Sao Hỏa hu mong lac labik dar dom kapan  parang iek  par trun oh jeng. Dom jabat  vũ trụ ngak iek bruk  hạ cánh trun  sao Hỏa 44 mbang  min hu  18 mbang  jak , 23 mbang oh jeng,  3 phi vụ tal  quỹ đạo min oh meda gaok haluk./.