1 # Hadei di dua harei ngak bruk samar drah, nghiêm túc, dân chủ saong trách nhiệm, Nyaom biai mbang ka 9 Ban Chấp hành Trung ương Đảng khoá XII hu peih talaih di biar harei kabroi ( 26/12), salah blaoh taong abih asal kadha danak dak ba tabiak. Di nyaom biai, Ban Chấp hành Trung ương hu kỷ luật ong Tất Thành Cang tui jalan cakak abih chức Ủy viên Trung ương Đảng khóa XII, phó bí thư thường trực Thành ủy, ủy viên Ban Thường vụ Thành ủy TP.HCM vaktu 2015 - 2020, kayua hu dom khuyết điểm, vi phạm biak trak. 

Yau nan, meng akaok nhiệm kỳ khóa XII tak ini, dalam vaktu oh ka bak 3 thun, labaih 60 urang jakar dalam diện Trung ương khik iek njauk thi hành kỷ luật – bruk ini oh ka mboh meng nan mai. Dalam tuk pok panuac peih talaih Nyaom biai, Tổng Bí thư, Akaok negar ndom cambaih: “Yaok urang drei njauk kanar hadar dalam glo akaok di drei lac, kein laba di taneh aia palei negar, di bangsa, di bhap bani, di  Đảng nan lac glaong di abih; saong danh dự nan lac kadha thiêng liêng prong glaong di abih ngan haong yaok urang manuac, dahlau abih nan lac ngan haong yaok urang jakar, yaok urang đảng."

         2# Bair harei 26/12, rah tabiak bruk tableik cano angaok vịnh Nha Trang, tỉnh Khánh Hòa ngak ka dua urang metai mblung ia, dalam nan hu sa urang tuai taneh ia lingiu, sa anek kamal 20 bilan njauk ba tame sang iek ruak cấp cứu. Bruk ini rah tabiak jaik pulao Trí Nguyên, vịnh Nha Trang. Cano cao tốc pajeng tuai du lịch taneh ia lingiu nao ravang mein vịnh gaok tableik. Tuk gaok bala angaok cano hu 23 urang, dom ghe gilai jaik nan peih bruk daong min tok daong hu 21 urang. Urak ini oh ka thau cambaih makna di bala, dom gah chức năng jeng daok duah thau.

3 # jeng dalam harei nan, di bal raya HCM, dalam tuk daok padang ngak công trình tòa văn phòng sang 12 tầng angaok jalan Ung Văn Khiêm, quận Bình Thạnh, cần cẩu vật liệu pak ini nyu klaoh cáp ngak ka sa urang njauk rambuis. Ini lac dự án kayua Công ty CP Đầu tư Bắc & Lynh ngak po đầu tư.

4# Thượng tá Hoàng Văn Nam, aakaok Đồn biên phòng Vĩnh Nguơn, Bộ đội Biên phòng tỉnh An Giang brei thau, dalam dom harei tapa, libik ini hu duah mboh, chap mek 3 mbang pajeng ba pandap lậu di libik biên giới. Mbang barau abih rah tabiak melam 25/12, tổ ngak bruk duah mboh sa radaih ô tô tải hu biển kiểm soát 67C-081.63 pajeng 100 kadung saradang, janih 50kg/sa kadung, nhãn mác angaok kadung meng akhar Thái Lan. Di tukvak pasang iek, urang peih radaih oh ba tabiak hu hóa đơn, chứng từ brei thau asal dom kadung saradang nan. Tổ ngak bruk hu peih bruk ba menuac, radaih saong pandap mai Đồn biên phòng Vĩnh Nguơn piah pasang iek ngak cambaih bruk.

5 # Di Pasak papar sap negar, 58 Quán Sứ, Hà Nội hu rah tabiak bruk jao giải thưởng “Vô lăng ameh”. Ini lac bruk ngak kayua Ủy ban An toàn giao thông pakat negar, Rayo sap ndom Việt Nam (VOV), Báo Giao thông, rayo papar binguk Kỹ thuật số VTC pambuak gauk peih ngak, piah pok meyaom dom doanh nghiệp pajeng ba saong urang peih radaih hu dom bruk ngak siam gheih, ý thức saong nhân văn dalam tukvak ngak bruk, njauk haong tiêu chí trách nhiệm xã hội saong bak hatai anit ranam.  Giải thưởng vô lăng ameh nan lac bruk ngak hu makna praong dalam bruk pathau khan, dak padang ilamo angaok jalan mbak nao mai. Giải thưởng thun ini hu pok jao ka 20  doanh nghiệp saong 43 menuac urang hu bruk ngak siam, nduk bak tính nhân văn saong trách nhiệm xã hội glaong.

Khaw tin dunya

6# Harei 26/12/2018  lac bak 14 thun hadei di mbang bala đại sóng thần Ấn Độ Dương, ngak ka labaih 225 rabau urang metai, dalam nan In -đô –nê- xia lac taneh ia gaok khat lihik trak abih. Barau di abih, melam 22/12 barau blaoh, sóng thần taong tame eo tasik Su -dan di In- đô -nê -xia, ngak brei rilo menuac metai saong khut khat rilo drap ar. Dalam tuk nan dom chuyên gia kakei riyak praong jeng meda rah tabiak di harei 27 bilan 12. 

7 # Dom urang lambaok Hội đồng Lập pháp quốc gia - Quốc hội Thái Lan (NLA) hu buh phiếu ngan haong tỷ lệ áp đảo brei tapa dự luật hợp pháp hóa bruk pandar cần sa brei ka bruk iek ruak.  Dự luật ini brei adat khik piah sa lượng cần sa atau hala krathom dalam giới hạn brei adat piah iek dom janih ruak tui đơn di bác sĩ, sơ cứu atau cấp cứu. bruk khik piah cần sa brei ka dom bruk karei meda njauk  phat guk tal 5 thun saong phạt jien 100.000 baht. Khik piah tapa 10kg cần sa meda hu mong yau hu hatai saneng pablei salih suan adat hukum meda  phạt guk meng 1-15 thun saong phạt jien meng 100.000 tal 1 triệu baht. Dự luật meda hu pok tagok patao mboh tangin brei adat dahlau di tuk peih ngak.

8#Gilang pariak negar Czech jaik si tabiak mbaok đồng xu ameh hu yaom 100 triệu koruna (4,4 triệu USD), hu ngak tabiak di  Sở đúc jien di Jablonec nad Nisou. Bhapbini meda maong mboh đồng xu ameh trak 130kg, đường kính 53,5cm, kapan 4,7cm meng harei 1-2 tal 28-4-2019 di Imperial Stables di lâu đài Prague. Ini lac đồng xu praong abih hu ngak tabiak meng phương pháp đúc nén, bo meng sa blah ameh nguyên khối. Praong jang đồng ameh di Czech urak ini lac đồng jien di  Australia (praong abih dunya) hu ngak tabiak thun 2011, ngan saong đường kính 78cm, trak labaih 1 tấn .