# Biar harei 27/11, ala bruk tacei ba di Thủ tướng Nguyễn Xuân Phúc, Thường trực raja-ei hu pataom gauk ginum biai ka dự thảo Nghị quyết 01 di Raja-ei ka bruk ngak, jalan ngak piah peih ngak kế hoạch patagok kinh tế xã hội saong kuhria dahlau kadung jien karja thun 2019; pang saong brei panuac ka bruk padang ngak Nghị quyết 19 thun 2019 ka bruk pasiam veik gah pablei salih, paglaong pren meriak gauk negar. Hadei di tuk pang dom panuac khan brei thau, kết luận nyaom biai, Thủ tướng Nguyễn Xuân Phúc brei thau cambaih laih, asal kadha nghị quyết njauk ngak brei cambaih laih dom bruk ngak di dom bộ, ngành, peih ngak catang  Nghị quyết di Trung ương, Quốc hội. Dom chỉ tiêu hu ba tabiak dalam Nghị quyết njauk hu tính phấn đấu glaong jang tui jalan đột phá, khin saneng, khin ngak, salih bahrau sáng tạo. Ngan haong dự thảo Nghị quyết 19, Thủ tướng quán triệt, njauk samar patabiak meng di akaok thun, gam  tukvak haong Nghị quyết 01, tui jalan pasiam veik khang kajap gah đầu tư kinh doanh, paglaong pren meriak gauk.

 # Harei kabroi   (27/11), Akaok  Quốc hội Nguyễn Thị Kim Ngân song dom urang  di  Đơn vị ka 1, Kapul Urang  Quốc hội ban  Cần Thơ taom gaok cử tri di phường Lê Bình, quận Cái Răng, ban  Cần Thơ. Di var taom gaok cử tri, dom panuac ba tabiak hu pagam tal taneh riya, bruk đền bù oh ka njauk hatai,  quy hoạch treo; harak gar gah taneh riya dok rilo tavak tavaiy ; bruk salih bahrau pato pakai … Akaok  Quốc hội Nguyễn Thị Kim Ngân hu taduan mek panuac song javap jalei dom cử tri biak siam. Dok rilo panuac karei kapul urang  Quốc hội ban  Cần Thơ  hu payua tal dom jabat  chức năng.

# Harei ini (28/11), Harei pataomi ilamo jih dalah Việt Nam mbang ka sa peih tabiak di bal sit Gia Nghĩa, tỉnh Đắk Nông ngan haong dom bruk ngak yau: parang iek jih dalah saong pandap mbang menyum, Ginum biai ilamo jih dalah Việt Nam, Lễ hội jalan phố saong angui cuk khan ao ngak meng jih dalah. Tapa nan piah pok glaong iek prong saong khik ramik ilamo  di dom bangsa. Jeng dalam tukvak ini meda rah tabiak Nyaom biai xúc tiến đầu tư tame tỉnh Đắk Nông, ralo kapul nyaom kinh tế meda hu mboh tangin pambuak bruk ngak mbang jaik 100 ribau tỷ đồng. Tui kuhria lễ hội rah tabiak tal harei 30/12/2018.

 # Tỉnh Ninh Thuận hu 58 inem krung  hu ngak  hồ sơ xếp hạng di dom pakat. Dalam nan hu  2 di inem krung pakat negar  , 2 inem krung ilamu  phi vật thể cấp pakat negar  song  12 inem krung pakat negar. Piah peih ngak hu siam bruk khik ramik song patagok dom yaom glong inem krung ilamu,   Sở ilamu , Thể thao song Du lịch Ninh Thuận dok pataom tame padang ngak  Đề án khik ramik pasiam veik  song pacang bruk patrun dom inem krung tỉnh tuk vak meng ni tal thun 2025 song yaom jien abih tih tui kuhria  jiak  25 tỷ đồng. Gam song nan, Gah ilamu jhul pakhang bruk roh duah pasang iek, pasiam veik song yaih khan dom inem krung ilamu siam gheih di dom bangsa dok dalam   tỉnh, pagam inem krung song dom  danh lam thắng cảnh song dom huyen dok jiak tapen  piah pabak tuai du lịch mai rivang main, duah thau dom inem krung ilamu

# Tukvak 19h15, harei 27/11, pui khuah di mblang khik radaih jaik canah 3 Phước Đồng, xã Phước Đồng, TP Nha Trang, tỉnh  Khánh Hòa. Taduanhu panuac khan, gah chức năng hu mbaok chip pak nan saong ba 10 sruh radaih padam khuah gam haong labaih 100 urang lin mai padam khuah. Tal 22 tuk, padam hu pui. Tui panuac khan tuk akaok mereip, oh hu urang halei metai lahik. Urak ini jabat chức năng jeng daok peih bruk pasang iek, duah thau ka makna bat al bruk khuah ini. 

Patui di ni dom khau tin dunya:

# Mesup harei ni, sa mbang pauth rah tabiak di  công ty hóa chất Thịnh Hoa di ban  Trương Gia Khẩu, tỉnh Hà Bắc, Trung Quốc, ngak ka  22 urang metai song rilo urang karei njauk rambuac . Jiak  40 sruh radeih pajeng pandap song 12 sruh radeih sit dom janih njauk khut trak  . Urak ni gah  chức năng dok dong iek glang dom urang gaok bala  , xử lý pak di labik piah nyaih  bruk nerak alam  môi trường song pasang iek makna di bruk nan . Công ty hóa chất Thịnh Hoa lac sa dalam dom doanh nghiệp ngak  hóa chất dang akaok di  Trung Quốc song pandap di nyu nan lac nhựa nhiệt dẻo song dom janih hóa chất phụ gia công nghiệp karei karei./. .

# Jeng dalam harei 28/11, tame vòng 11 mbang ginum biai sron mbon ka Xiri kayua Nga, Iran saong Thổ Nhĩ Kỳ peih ngak di Astana (Kazakhstan). Dom gah meda pataom tame ginum biai ka bruk dak padang Ủy ban Hiến pháp Xiry. Tui danak dak ba tabiak, dom thành viên di ủy ban ini meda kayua Raja-ei Xiry, gah cagar veik saong Liên hợp quốc palih ruah. Vòng ginum biai mbang ini rah tabiak dalam  dua harei 28  saong 29/11.

# Ginum biai dunya di  Kapul pambuak bruk song patagok  kinh tế (OECD) hu angan “ Harei hadei khang kajap song haniem phol” dok rah tabiak di ban In-chơn di Hàn Quốc. HU mbaok labaih  3.200 urang mai meng  102 negar di dunya. Dom negar hu ginum biai piah duah tabiak jalan ngak, sarak dong patagok khang kajap song harei hadei khang kadang, haniem phol ka tong abih bhap bini.Bruk ginum biai hu dui atah tal harei  29/11./.