# Patui danak dak mbang nyaom, page ini (29/10), dom urang Quốc hội ginum biai ka bruk peih ngak dự toán kadung jien karja thun 2018; dự toán kadung jien karja  saong jalan parabha kadung jien karja trung ương thun 2019 saong kế hoạch jien padai – kadung jien karja negar 3 thun 2019 - 2021; parabha phun jien daok veik saong chi thường xuyên oh ka pandar abih dalam thun 2017. Bruk ngak prong dalam ait ngak bruk ini nan lac Quốc hội peih bruk sua tangin saong javap jaleiy dalam 3 harei gam, peih akaok di harei angar, 30/10; puac adit ini Akaok negar puac harak pathau khan pok panuac caong Quốc hội pasang iek, brei tapa Hiệp định Đối tác Toàn diện saong Tiến bộ xuyên Thái Bình Dương (CPTPP)…

# Mintri ngak nong song patagok palei pala bahrau hu panuac ieu dom tỉnh tapen tasik, tacei jalan ka jabat  chuyên môn tacei ba bhap bini,  doanh nghiệp peih bruk sản xuất, patagok bruk rong pala kaya ikan tasik. Tui nan, pasang iek bruk  sản xuất dom bhum rong jiak takai tasik, salih bahrau ilamu rong song công nghệ ronbg dalam danao  piah lagaih haong biến đổi khí hậu, salih tapa pandap mbang  công nghiệp, khik saat hacih saat pandap mbang, siam mekre sinh học song môi trường di bhum jiak tapen tasik, tapen palao kaoh. Tuk vak anak tal, dom tỉnh brei tagok khang  công nghiệp rong bhum atah tasik, padang gah sản xuất prong, khang kajap, khik hacih saat pandap mbang,chất lượng galong, hu angan je pabak ka darak pasa dalam negar song pablei tabiak negar langiu.

# UB bhap bani bal Nha Trang bahrau duah mboh, taong phat  doanh nghiệp yaom jien 90 triệu đồng, brei padeih ngak bruk 2 bilan kayua pandar urang ngak negar langiu suan adat hukum. Doanh nghiệp ngak suan adat nan lac Công ty TNHH Đầu tư Phong Nguyên, daok di labik ka 2 jalan Tôn Đản, phường Lộc Thọ, bal Nha Trang kayua ong La Khương Dư ngak giám đốc. Dahlau di nan, kapul urang pasang iek liên ngành di bal Nha Trang hu duah mboh di nhà hàng Việt Nam Tứ Xuyên di công ty ini hu 5 urang Trung Quốc daok ngak bruk, dalam nan hu 2 urang oh hu harak brei adat ngak bruk. Langiu di nan, nhà hàng Việt Nam Tứ Xuyên oh hu harak pah labik pablei salih; meyaih khan dom janih pandap panda,... vak akhar sap negar langiu tapa 3/4 khổ akhar sap Việt saong oh caik ala akhar sap Việt.

# Bác sĩ Lương Văn Sinh - phó akaok sang iek ruak quận Tân Phú (TP.HCM) – brei thau , tukvak 20h meteh melam  28/10, hu takik di abih  40 urang njauk jru mek tame sang iek ruak cấp cứu kayua mbang  bánh mì di sa  nhà thờ dI  P.Tân Quý, Q.Tân Phú. Dalam nan hu  38 uranaih, 2 urang prong. Hadei di tuk  sơ cứu camereip , sang iek ruak hu  đba 8 uranaih tapa  dom sang iek ruak nan lac:  Nhi Đồng 1, lime uranaih, sang iek ruak Nhi Đồng 2 sa uranaih  song Nhi Đồng TP 2 uranaih . Tui  bác sĩ Sinh, urak ni urang tame sang iek ruak  cấp cứu oh padeih veik, yau nan ye oh ka thau cambaih hu hadom urang njauk jru mek.

 # Harei kabroi (28/10), Công an quận Bình Thạnh, bal raya HCM brei thau daok cap khik 2 nghi can dalam mbang blah handoh kadung teik dahlau di nan ngak ka sa urang metai. Dua nghi can njauk Công an quận Bình Thạnh cap khik nan lac Trần Thanh Tín umo 15 thun saong Ngô Hoàng Anh umo 18 thun. Harei 25/10, sa-ai Nguyễn Hồng Trúc Vy, 25 thun daok di quận Gò Vấp hu ayut angan  Dung pajeng meng radaih patuh nao angaok tatua Thủ  Thiêm meng gah Quận 2 tapa quận Bình Thạnh. Tuk radaih patuh daok trun dốc tatua ye njauk dua urang dam nduac radaih patuh nao tui meng gah lakuk handoh mek kadung teik. Kayua handoh khang ngak ka 2 urang kamei labuh trun mbaok tatua var drei. Hadei di nan, bhap bani hu mboh saong ba 2 urang nan tame sang iek 115 cấp cứu. kayua njauk rambuais trak nan ye Dung metai, Vy jaoh talang kang, blat khớp tangin saong njauk rambuis ralo labik. Bruk ini daok hu jabat chức  năng pasang iek duah thau cambaih laih.

         Patui di ni dom khau tin dunya:

      # Kalup kapaul  chaoh blong Leicester City brei thau  tỉ phú urang Thái Lan Vichai Srivaddhanaprabha metai dalam mbang laik kapan haoh gah langiu sân vận động di kalup kapul chaoh blong ni  harei  27/10. Sruh kapan haoh njauk pui mbang khang hadei di TUK laik trun  mblang pataok radeih jiak sân vận động King Power hadei di mbang dit blong di  Leicester  song West Ham. Cảnh sát hu mbaok pak nan min kham jan pambah mbang caminoh hu tuk sruh kapan nan nyu patuh biak samar   .

# Thames Water - công ty tư nhân độc quyền pabak aia saong xử lý aia thải di ralo labik di negar Anh yau London, Wiltshire.. brei thau: urak ini công ty ini daok kuhria peih sang mac "pandar veik" aia thải akaok meti di Anh, caik jaik labik Edmonton di đông bắc bal ine London, piah ngak aia  thải jeng aia meda pandar hu. Sang mac ini hu yaom 160 triệu bảng Anh (sa-mu 4,7 ribau tỉ đồng) meda hu pandar dalam dom vaktu "tui brk ba tabiak atau tuk tua riya pandiak bhang biak biai". Công ty daok dalam tukvak ginum biai haong Jabat Môi trường Anh ka tính khả thi ka jalan ngak ini. Công ty Thames Water brei thau raja-ei London meda khat lahik tal 330 triệu bảng Anh yaok harei meyah oh peih ngak dom jalan ngak salih bahrau piah khik kajap bruk panak aia.

# Harei kabroi  (28/10), kapul akaok mereip 278 tuai  Trung Quốc njauk gar veik kayua  ribuk Y-u-tu (Yutu) angaok palao  Xai-pan (Saipan), di palao Bắc Ma-ri-a-na (Mariana) di Mỹ, hu ba mai negar  siam mekre.Hãng kapan haoh Tứ Xuyên brei thau, sa mbang par di hãng pajeng tui tuai nan hu par trun tuk  10 tuk  44 minite (giờ Bắc Kinh) meng Xai-pan song trun mblang kapan haoh  dunya  Phố Đông (Pudong International Airport), Thượng Hải di tukvak  3 tuk 09 minite. Mbang par ka 2 tui kuhria tabiak meng  Thượng Hải di  7 tuk mesup  ni  piah panduan ba tuai Trung Quốc.