# “Rajaei sinya dong palagaih piah doanh nghiệp, dom auyt ranaih padang mbang ngui hu siam di abih, nan lac panuac di  Thủ tướng rajaei Nguyễn Xuân Phúc di nyaom biai padang mbang ngui hu angan   “Duah jalan halei ka bruk padang mbang ngui sáng tạo Việt Nam” kayua Trung ương kapul dam dara Cộng sản Hồ Chí Minh, Trung ương kapul Liên hiệp dam dara  Việt Nam pambuak gauk peih ngak harei  29/11 di Đà Nẵng. Jeng dalam nyaom biai ni, Thủ tướng joa ka dom mintri, dom gah pagam tal roh duah piah ba tabiak dom sarak  cơ chế tui jalan rajaei peih ngak, ngak jeng hành lang pháp lý, thủ tục hành chính samar drah, mbuan lagaih ka doanh nghiệp, abih di nyu lac  doanh nghiệp sáng tạo padang mbang ngui.

# Mbang par VJ356 di hãng kapal ahaok Vietjet par meng ban raya Hồ Chí Minh nao Buôn Ma Thuột tuk 23 tuk 03 minit harei 29/11/2018 gaok sự cố trak. Tui nan, dua baoh kong anak di kapal ahaok gaok sự cố dalam tuk par trun. Kapal ahaok padeih veik hu siam mekre angaok jalan par trun tagok di mblang par Buôn Ma Thuột. Tổ par hu peih ngak quy trình khẩn nguy saong thaot1 hiểm ka taong abih 207 tuai angaok kapal haok, hu 6 urang gaok chấn thương hu ba tame sang iek ruak Đa khoa Thiện Hạnh piah pasang iek pren yava. Urak ini hu 4 urang tuai hu tabiak sang iek ruak. Page ini (30/11), Cục Hàng không Việt Nam brei thau hu padang tổ ngak bruk piah duah thau makna bruk nan.

# Harei 29/11, Tòa án bhap bini  huyện Bắc Bình, tỉnh Bình Thuận ba tabiak xét xử sơ thẩm 9 urang hu mbaok tame bruk ngak srau kadau trật tự công cộng di  Phan Rí harei 11/6. Tui  cáo trạng, 9 tuk mesup harei  11/6, hu biak rilo menuac dui ba gauk angaok jalan roya 1A, di labik cầu Nam, xã Phan Rí Thành, huyện Bắc Bình. 9 bị cáo dok dalam dom urang nan. Gah công an song karja pak ni hu mek  loa pathau khan , ieu dom urang nan nao sang, min dom  bị cáo oh ngak tui bo dok preo ieu, pacuh pajarak, mek gaiy, bom xăng ngak eng prah tame  cảnh sát cơ động. Hội đồng xét xử tuyên án 9 bị cáo lac ngak "srau kadau  trật tự công cộng". Tui nan, phạt Dương Văn Ngoan 5 thun guk; dom  bị cáo Phan Văn Lành, Nguyễn Thị Hòa jeng njauk  3 thun 6 bilan guk, 6 bị cáo dok veik  njauk 3 thun guk.

 # UB bhapbini tỉnh Đồng Nai barau tabiak bruk brei buh tabiak 12,3 tỷ đồng daong 129 sang urang raong ikan gaok khat lihik labaih 1.500 tấn ikan metai di kraong La Ngà 6 bilan dahlau; dom ikan raong ini hu brei thau lac metai kayua bala di lingik tasik. Paok jien daong hu ba nao tal urang bhapbini gaok khat lihik tapa gilang pariak.

# Lễ hội Festival ilamu  cồng chiêng Tây Nguyên thun  2018 hu peih pakak di melam  ( 30/11) di ban sit Pleiku, tỉnh Gia Lai. Ni lac sa bruk ilamu prong, piah pok meyaom khik ramik song patagok janih ilamu siam gheih di  không gian ilamu  cồng chiêng Tây Nguyên – inem krung ilamu phi vật thể lambaok ka menuac sia. Tapa lễ hội hu rik dong siam lagaih piah taom gaok ndom nyai nao mai ka ilamu, tagok talei jum pataom, duah thau, dong ba gauk di bhap bini dom bangsa  dalam  tỉnh song bhap bini dom bangsa dok duik rai di dom  tỉnh Tây Nguyên.

Khaw tin dunya                                             

# Ba tabiak makna lac gah Nga oh ka langyah salah bruk srau kadau saong Ukraine pambauk tal dom kapal hải quân saong thủy thủ, ông Trump tabiak panuac lac klaak bruk taom gaok tui kuhria hu rah tabiak di gah lingiu nyaom biai G20. Tui báo New York Times, ông Trump brei thau quyết định yah klak angaok tài khoản Twitter tok jaik sa 1 tuk hadei tuk ông jeng daok khan brei ka báo chí thau bruk pataom tame mbang taom gaok ini. Bruk nan tổng thống Mỹ lac bruk barau abih hadei di rilo bilan kham merat rami ramik ka bruk taom gaok di dua urang dang akaok Nga - Mỹ di nyaom biai thượng đỉnh G20.

#Bruk eik lipa kan kathaot song  langvan lavaih di dunya tagok glong di abih dalam  10 thun tapa. Ni lac panuac hu ba tabiak di nyaom biai dunya  kayua Gah padai brah song  ngak nong  LHQ (FAO) song  Viện Raoh duah sarak  ka padai brah dunya  pambuak bruk peih ngak di ban ine  Bangkok, Thái Lan. Tui pathau khan di  FAO,  labaih 820 triệu urang di dunya  dok langvan lavaih. Dalam nan, châu Á - Thái Bình Dương HU  tal  60%.

#Bruk lingik tasik kỳ lạ ngak ka ban Alaska (Mỹ) oh meda maong mboh ia harei ka tal harei 23/1/2019.  Alaska lac sa ban daok di gah Brak taneh ia Mỹ. Meng harei 25/11/2018, ban ini jauk rah tapa bruk "đêm cực" dalam 65 harei. Ini lac tukvak bo ia Harei oh tagok di dom ban dalam vòng tròn cực. Bruk ini kayua baoh taneh mbleng yau nan ye yaok thun bhum cực Bắc – libik atah di abih bức xạ ia Harei oh hu ia Harei meng kreih bilan 11 tal puac bilan 1 thun hadei.