#Harei ni (29/11), Harei pataom ilamu padang mbang ngui salih bahrau hadah krah pakat negar -Techfest Vietnam 2018 hu rah tabiak di ban  Đà Nẵng. Ni lac bruk hu peih ngak yaok thun kayua mintri  Khoa học song Công nghệ dang tabiak, pambuak bruk song dom mintri, dom gah, dom kapul nyaom chính trị – xã hội. Harei patom ilamu hu peih ngak meng ni tal harei    1/12 anak tal hu angan : “padang mbang ngui hadah krah – pambuak pagam dunya”. Labaih 200 mô hình padang mbang ngui naih gheih dalam negar song dom  mô hình dunya hu mbaok  di harei pataom ilamu. Harei pataom ilamu piah pabak khau tin ka jalan công nghệ siam gheih yau trí thông minh nhân tạo, công nghệ… Langiu di nan, pak ni dok hu mbaok di karja, lambaok dom mintri, dom mban, dom gah ba tal dom khau tin ka sarak.

# UB bhapbini ban raya HCM barau hu quyết định brei ramik veik yaom jien học phí ka anek saih pakat trung học cơ sở di dom sang bac công lập di ban raya tui hatai caong khin di dua Sở jien padai, Sở pato megru ban raya HCM. Tui nan dua Sở hu panuac brei trun jien học phí THCS di nhóm 1 meng 100.000 đồng daok 60.000 đồng/sa bilan sa anek saih ka anek saih dom quận: 1, 2, 3, 4, 5, 6, 7, 8, 9, 10, 11, 12, Tân Bình, Phú Nhuận, Gò Vấp, Bình Tân, Tân Phú, Thủ Đức, Bình Thạnh). Di nhóm 2 meng 85.000 đồng trun daok 30.000 đồng/sa bilan sa anek saih ka anek saih dom huyện: Bình Chánh, Hóc Môn, Củ Chi, Cần Giờ, Nhà Bè). Yaom ramik veik ini hu ba tagok HĐ bhapbini ban raya HCM brei tapa di mbang nyaom bilan 12 tal saong meda ba tame ngak tui di bilan 1 thun 2019.

# Hadei di  ribuk ka  9, di dom darak meng kan  song dom  siêu thị, cửa hàng tiện ích di ban raya HCM rah tabiak bruk kurang njam patam, yaom njam patam tagok hasit meng  5 tal  8 ngàn đồng/kg. Di darak pasa  Phước Bình, quận Thủ Đức, pasa Bà Chiểu, quận Bình Thạnh song darak  Lê Thánh Tôn, Quận 5... njam patam hu parang pablei biak takik .   

# Tui bruk pasang iek di Sở Công Thương tỉnh Trà Vinh, meng dom phun jien di Dự án Patagok doanh nghiệp sit saong mbiah gam saong kadung jien karja tỉnh, phun jien pachreih công negar, 4 thun tapa tỉnh pataom tame ramik pasiam saong patagok ngak mbang ka 3 palei ngak tiểu thủ công nghiệp mengkan di bhapbini Khmer di huyện Trà Cú ngan saong paok jien jaik 10 tỷ đồng. Meng di nan, dom palei ngak peih praong ngak mbang, ba brei bruk ngak ka rilo urang ngak di libik ngan saong hu jien mek tame tani tanat.

# Tui panuac khan meng Liên đoàn chaoh blong  Việt Nam (VFF), bruk pablei vé online mbang dit bán kết lượt về di kapul chaoh blong  Việt Nam song kapul chaoh blong  Philippines di AFF Suzuki Cup 2018 tui kuhria hu peih pablei veik  meng 10htuk harei ni  (29/11). Meng melam kabroi tal urak ni, di angaok blah web pablei  vé chính thức hu tabiak panuac lac: "Dar phol  Quý khách hu pandar  dịch vụ đặt vé online. Urak ni hệ thống likau padeih piah pabak ka bruk  pasang iek". Dahlau di nan, tuk cổng pablei  vé peih di tukvak 10htuk mesup harei  28/11, biak rilo urang hâm mộ Việt Nam biak duh hatai kayua oh meda  truy cập tame blah  web pablei vé chính thức atau blah  web khan lac  hệ thống dok gar song  giao dịch di khách hàng karei oh ka salah bloh.

Khaw tin dunya

   # Campuchia mek hu jalan patagok kinh tế glaong aboh dalam dom thun jaik ini ngan saong jaik 7,1% dalam thun 2018. Tui pathau khan barau aboh ka bruk ngak mbang kinh tế Campuchia di gilang pariak dunya ( World Bank) harei 28/11/ 2018 brei thau, jalan patagok di kinh tế Campuchia kuhria hu 7,1% dalam thun ini. Ini lac jalan patagok kinh tế glaong abih di Campuchia dalam dom thun jaik ini kayua tanut blei pandap dalam taneh ia saong pablei tabiak taneh ia lingiu tagok.

          # Dalam sa panuac brei thau bahrau ini, Jabat khik ramik  cà phê di negar  U-gan-đa (Uganda), di  bhum Đông Phi brei thaugah pablei tabiak negar langiu  cà phê prong abih di  châu Phi ni  meda tagok rilo jang 19% café pablei tabiak negar lingiu kayua sản lượng tagaok song langik tasik siam lagaih. Giám đốc điều hành di jabat patagok  Cà phê Uganda, Emmanuel Iyamulemye brei thau  abih tih sản lượng cà phê dalam vụ mùa meng bilan  10 thun ni  tal bilan  9/2019 tui kuhria tagok labaih  5,8 triệu bao janih 60 kg dut song tui kuhria akaok meti lac  tanut so 5,1 triệu bao. Ong Emmanuel ndom lac  Uganda hu ba  phun pajaih brei ka urang nong dalam 4 thun tapa song urak ni rilo phun daok brei  sản lượng. 

# Harei 28/11, yaok rabau urang bhapbini di bang Queensland, Đông Bắc Australia tadun hu lệnh njauk nao plaih chip kayua khuah glai mbuan si pambak praong. Urak ini dalam bang ini daok labaih 130 mblang khuah praong, sit. Kapul daong padam khuah daok kham merat padam apui. Min, bruk padam apui daok gaok rilo kan kandah kayua lingik pandiak. Dom bang tabhia jeng hu ba dom kapul nyaom padam khuah daong karja bang Queensland. Takik abih 34 sang bac njauk kareik bambang. Urak ini gah chức năng jeng oh ka kuhria hu dom bruk khat lihik./.