# Harei ini 31/10, Quốc hội daok peih bruk sua tangi saong javap jaleiy di dom urang Quốc hội. Peih mbaok ka mbang sua tangi harei ini, javap jaleiy panuac sua tangi di urang QH ka sarak kak je, Akaok mentri Jien padai Đinh Tiến Dũng brei thau: abih tih jien je daok tavak jeng daok prong, kuhria tal puac 9/2018 jien je daok tavak lac 82.961 tỷ đồng, dalam jien je tavak oh mek veik hu meblah 42,1% angaok taong abih yaom jien je tavak. Sa asal kadha karei jeng daok hu cử tri sangka nan lac bruk javap jaleiy di akaok Mentri pato megru Phùng Xuân Nhạ ka Dự thảo Thông tư patabiak Quy chế học sinh sinh viên bac cao đẳng sư phạm saong trung cấp sư phạm ka asal kadha "bán dâm 4 mbang ye njauk brei padeih bac". Hadei di mbang javap jaleiy di akaok mentri Phùng Xuân Nhạ, akaok Quốc hội hu phê bình akaok mentri GD-ĐT ka bruk OH samar pasiam veik quy chế ini, jeng yau ba tabiak mek ralo panuac brei thau tuk daok ralo kadha oh ka lagaih.

      Mbang sua tangi akaok meti (30/10) hu rah tabiak dalam siam mekre ngan haong asal kadha sua tangi saong javap jaleiy panuac sua tangi pambuak pagam tal bruk peih ngak 6 Sarak di Quốc hội ka bruk pasang iek chuyên đề saong sua tangi meng akaok nhiệm kỳ tal abih mbang nyaom ka 4. Dom mbang sua tangi saong javap jaleiy panuac sua tangi hu Rayo sap ndom VN papar sap tapak, pachreih ralo cử tri dalam negar sangka, tui iek.

# Beir harei kabroi  30/10, Phó Thủ tướng Vương Đình Huệ pal akaok nyaom biai song urang jarka , dom gah song urang pal akaok 4 tỉnh Tuyên Quang, Hòa Bình, Sơn La song  Điện Biên ka bruk pandar kadung jien khấu hao drap ar meng kadung karja brei ka bruk  bồi thường, di dân tái định cư thủy điện Sơn La, Tuyên Quang. Brei panuac tamat nyaom biai, Phó Thủ tướng Vương Đình Huệ tacei tabiak bruk njauk ngak song makna an sinh xã hội prong glong di dom danak dak. Phó Thủ tướng pandar Mintri  Công Thương pathau tagok Thủ tướng brei pandar  3.600 tỷ đồng dalam nan hu  19.100 tỷ đồng khấu hao drap ar meng kadung jien karja brei ka danak dak  bồi thường di dân, tái định cư di sang máy thủy điện Sơn La, Tuyên Quang, piah dong ka dom danak dak  bồi thường di dân, patagok kinh tế - xã hội bhum  tái định cư di  4 tỉnh nan . 

# Di tỉnh Tây Ninh, dalam 10 bilan tapa, gah Cảnh sát giao thông tỉnh Tây Ninh hu taong phạt labaih 10.670 urang hu nồng độ cồn tapa tanut quy định tuk ndik radaih nao mai angaok jalan. Abih tih yaom jien taong phạt labaih 23 tỷ đồng. Tukvak meng ini tal puac thun, bruk nao mai angaok jalan mbak tui kuhria mboh dahlau meda hu ralo jang kayua tukvak padeih lễ, tết, yau nan ye gah Cảnh sát giao thông meda peih ngak catang jang bruk pasang iek, xử lý ngan haong urang ndik radaih hu menyum alak mbia. Menyum alak mbia blaoh ndik radaih nan lac makna ba tal dom mbang bla angaok jalan mbak. 

# Tỉnh Ninh Thuận hu  27 xã, labaih  180 ribau urang lac bhap bini bangsa takik saong  dok di  bhum ceik, dalam nan hu 14 xã dok dalam  angan  xã biak kan kandah. Piah patagok kinh tế tong abih gah di labik bhum ceik, UBND tỉnh Ninh Thuận njauk hatai ka bruk buh jien tabiak ngak 14/26 danak dak  điện ia harei di dom  xã bhum ceik  dok di huyện Bác Ái, Ninh Sơn, Thuận Nam song Ninh Phước, saong yaom phun jien abih tih jiak 20 ribau tỷ đồng. Taphia di nan, tỉnh Ninh Thuận jeng brei dom danak dak  công nghiệp chế biến tame pandar, dong patagok kadung jien karja song ba bruk ngak ka urang ngak palei pala.

# Tukvak 2 tuk 45 minit harei (31/10), sa mbang khuah prong dalam quán bar DI Công ty trách nhiệm hữu hạn Hỏa Tinh, daok di labik 212 - 214 jalan Lý Thái Tổ, phường 1, quận 10, bal raya Hồ Chí Minh. Ralo urang klaak nduac tabiak gah langiu tuk mong mboh quán bar njauk apui khuah. Cảnh sát PCCC di Công an Thành phố Hồ Chí Minh hu ba radaih padam khuah gam haong labaih 100 urang lin padam pui mai tal labik khuah piah daong. Labaih 30 minit hadei pui hu padam. Mbang khuah ini oh ngak metai manuac min apui mbang abih gah dalam quán bar. 

Hadei di ni dom khau tin dunya:

# Harei ni  (31/10), lễ hội hóa trang Ha-lâu-uyn (Halloween)  rah tabiak di rilo labik di dunya. Meyah dahlai deih, lễ hội Ha-lâu-uyn tok rah tabiak di dom negar phương Tây tui agama  công giáo, ye urak ni jeng sa bruk ilamu yaok thun hu bhap bini di dunya cang, mong. Dalam harei rah tabiak  lễ hội, sang halei jeng tual dom  hình nộm phù thủy, menyiu jnuk, boh paloi sambo màu  yau jin khamot; urang duah ka drei dom khan aow ngui cuh habar ka nyu ấn tượng khang di melam hội hóa trang… 

# Bruk daong duah urang njauk bala dalam mbang laik sruh kapar haok di In-đô-nê-xi-a yam tapa harei ngak bruk ka 3. Tui urang lambaok gah y tế In-đô-nê-xi-a, 24 kadung caik urang metai hu duah mboh tal ini jeng oh ka thau lac urang halei ngan hagiat daok pak halei, yaom lac yaok rituh gauk gar di dom urang njauk bala hu nao tal sang iek ruak di bal ine Gia-cát-ta piah duah manuac sang di drei.

# Harei ni, Apple tabiak mbaok  bản cập nhật bahrau abih di  hệ điều hành iOS là iOS12.1. Urang pandar hệ điều hành iOS meda patagok  phiên bản cập nhật ni ngan song rilo tính năng song kein lagaih bahrau di abih./.