# Harei 17/12, amuk Đặng Thị Kim Liên - akaok Ủy ban MTTQ Việt Nam TP Đà Nẵng brei thau, bruk tavak jien bảo hiểm xã hội (BHXH) daok mbuan ba tal rilo kan kandah ka bal ini. Abih di nyu lac bruk doanh nghiệp meblah mek, suai đóng, tavak jien dom janih bảo hiểm nyu gaok khang kein laba di urang ngak. Kuhria tal puac bilan 10-2018 TP Đà Nẵng hu tal 1.433 doanh nghiệp tavak jien BHXH meng 3 bilan tagok ngan haong yaom jien labaih 180 tỉ đồng. Tui amek Liên, Đà Nẵng njauk hu jalan ngak ka nyu khang piah xử lý bruk tavak jien BHXH dui atah piah khik caga kein laba njauk adat hukum di urang ngak.

 # Lkau urang lin ngak bruk dalam Ban tham mưu di  Đảng ủy quân sự huyện Ia Grai  tỉnh Gia Lai njauk kỷ luật song khai trừ Đảng kayua gam tal bruk main mbia song brei mesraiy mek laba glong. 3 urang jakar njauk  kỷ luật nan lac muk Chẩm Thị Quỳnh Hoa, ong Phạm Văn Hồng song ong Nguyễn Hồng Phi. Urang ngak suan trak di abih njauk tabiak truh Đảng lac muk Hoa. Tui  Ủy ban kiểm tra Huyện ủy Ia Grai, meng harak pathau, jabat ni hu peih bruk duah thau saong mboh lac peih bruk main mbia  tui jalan ghi lô đề.

# Harei 18/12 , kadung jien baoh hatai Việt di rayo papar binguk Việt Nam peih ngak danak dak "Áo ấm tal sang bac" alin brei 1.750 blah áo ấm đồng phục saong 2.000 pok pandap ka dom anek saih di dom huyện Lạc Dương, Bảo Lâm, Lâm Hà, Đơn Dương, Đam Rông, Đạ Huoai, Đạ Teh di tỉnh Lâm Đồng. Dahlau di nan, dalam dua harei 15 saong 16-12-2018, jabat ini jeng hu peih danak dak  khám sàng lọc ruak tim bẩm sinh brei saoh ka uranaih umo ala 16 thun di Sang iek ruak uranaih Lâm Đồng. Dom urang halei njauk ruak, hu rai diuk kan kandah meda hu danak dak daong brei jien piah blac riah
 # Tổng công ty Cảng hàng không Việt Nam - ACV hu ba tame pandar dự án peih prong nhà ga mblang kapan haoh  Phú Quốc  hu  công suất duh ka  2 triệu 600 ribau tal  4 triệu tuai /sa thun. Ong Vũ Thế Phiệt, Tổng giám đốc ACV brei thau, urak ni, tui kuhria yaok harei mblang kapan haoh Phú Quốc duh ka jiak  60 mbang  par trun par tagok ngan song 17 hãng kapan haoh dalam taneh ia saong negar lingiu daok par nao mai mblang kapal haoh ini.

   # Hoa hậu Hoàn vũ Việt Nam H'Hen Niê mbang akaok meti ba Việt Nam tame top 5 di sa dalam dom bruk pakacah urang siam binai prong abih dunya: Miss Universe!  Ini lac bruk oh ka hu urang lambaok halei di Việt Nam mek hu di dom mbang pakacah urang siam binai dunya prong ini. Hoa hậu Hoàn vũ dunya 2018 hu pok brei ka Hoa hậu Hoàn vũ Philippines - Catriona Elisa Gray.

    Patui di ni dom khau tin dunya

          # Tui Hiệp hội pandap  công nghệ pandar  song pathau khan langyah meng  hãng tư vấn The Trade Partnership, Mỹ brei thau, yaom jien ka kak je  nhập khẩu pandap công nghệ meng  Trung Quốc di dom  doanh nghiệp Mỹ hu tagok jang labaih  7 mbang, jeng 1,3 tỷ USD dalam bilan 10. Dut song thun thun bloh, yaom ini  glong jaik sa  tỷ USD, dalam tuk 2 gah kinh tế prong abih di  dunya dok gar dalam sa bruk mesruh gauk gah pablei salih.

  # Ttui báo Japan Times, kuhria meng tuk Mentri pato megru  Nhật Bản peih bruk pasang iek duah thau ka dom bruk ngak suan dalam mbang pakacah palih ruah anek saih sinh viên di bilan 8 hadei di bruk sửa điểm pacah tabiak di đại học Y khoa Tokyo, hu 9 sang bac taduan mek bruk ngak suan di drei. Dalam 9 sang bac ĐH taduan bruk ramik veik điểm pakacah piah klaak meneng anek saih kamei hu đại hoc Juntendo, đại học Showa saong đại học Nihon. Mentri Pato megru Nhật Bản hu ba tangin tame kuhria caga dom quy định piah khik công bằng dalam dom mbang pakacah palih ruah anek saih sinh viên di dom sang bac ka thun bac 2020 saong hadei di nan tuh nao.

   # Sa urang jakar  y tế Ấn Độ harei  15-12 brei thau, hu takik di abih  11 urang metai hadei di tuk mbang brah njom jru mek di sa var lễ di sa baoh kandi Hindu di ban  Mysore, bang Karnataka. Dalam tuk nan hu  29/93 urang tame sang iek ruak dalam tuk njuak jru mek biak trak. Dom urang dok iek ruak kayua taglaoh taoak, aih craoh song suy hô hấp./.