# Tui kuhria dalam bilan 11-2018, Mintri Thông tin & truyền thông meda brei adat băng tần 2,6 GHz piah dom doanh nghiệp peih tabiak mạng di động 4G piah khik ka chất lượng siam jang. Tui panuac khan di Tổ chức Open Signal, tốc độ kết nối 4G di VN thun 2018 dak ka 46 dalam abih tih 88 taneh ia hu angan dalam bảng xếp hạng tốc độ 4G di Open Signal.

# Tổ chức pato megru Quacquarelli Symonds (QS) di negar Anh bahrau brei thau bruk xếp hạng 505 sang bac đại học siam abih di châu Á thun 2018-2019. Dalam nan, Việt Nam hu 7 sang bac lac: Đại học Quốc gia Hà Nội dang dhi 124, dom sang bac đại học dang dhi karei karei lac: Quốc gia TP HCM, Bách khoa Hà Nội, Tôn Đức Thắng, Cần Thơ, Huế saong Đà Nẵng. Duk saong bảng xếp hạng mbang dahlau, Đại học Quốc gia Hà Nội tagok 15 tanut saong dang dhi 124 dalam bảng xếp hạng ini, lac labik dang glaong abih kuhria meng dahlau mai dalam3 dom sang bac di Việt Nam.

# Melam ini 28-10, di Nhạc viện TPHCM, kapul tam tấu Boulanger di Đức meda parang me-in pamere urang takre nhạc cổ điển dom kadha biak gheih di dom urang soạn nhạc dane angan di dumnya yau ye: Beethoven, Frank Martin… Meng jalan me-in abih drei, tuk halei jeng duah jalan me-in karei ka yaok kadha, nyu ngak ka yaok mbang parang me-in di kapul tam tấu Boulanger ngak brei kan var hu ngan saong menuac urang takre nhạc thính phòng.

# Harei pataom phim Quốc tế Hà Nội mbang ka 5 rah tabiak di Hà Nội meng harei 27 tal 31-10. Lingiu di bruk ba brei  urang maong mboh abih ka điện ảnh Việt dalam tukvak tapa, mban tổ chức daok hu peih bruk mek phiếu pilih ruah Phim truyện Việt hu takre di abih. Dalam dom phim hu ba tame chiếu mbang ini, hu rilo phim hu biak rilo menuac tame maong iek lac: Adei oh ka tal 18, Anai ba Beigon, Anai kumei mai meng harei kabroi, Sắc đẹp ngàn cân, Anit nao jhui huac, Thun bilan hadah tanyak…

# Phim  “Người bất tử” di đạo diễn Việt kiều Victor Vũ hu ba tabiak chiếu dalam taneh ia harei 26/10. Ini lac phim hu taong yaom lac hấp dẫn, hu ngak biak tani tanat saong ý tưởng phim biak bahrau. Bruk njauk biai nan lac, phim hu quay di rilo tỉnh, ban di Việt Nam, abih di nyu nan lac di Quảng Bình – labik hu angan lac “vương quốc hang động”, rik daong biak rilo ka bruk yaih khan du lịch Quảng Bình jeng ye du lịch Việt Nam.

# Parang iek thời trang mùa Thu Tokyo rah tabiak di Nhật Bản hu maong lac praong abih kuhria meng dahlau mai ngan saong bruk hu mbaok di jaik 1000 doanh nghiệp, mai meng 39 taneh ia, dalam nan hu 9 doanh nghiệp Việt Nam. Taong yaom ka dom pandap thời trang Việt Nam hu mbaok tame parang iek, Giám đốc xuất khẩu di Công ty Xê-giong Cô-lếch-sừn (Sejong Collection), Hàn Quốc,  Uôn He Chê-ong (Won-hae Jeong) brei thau, chất lượng dom pandap di Việt Nam biak siam, samu haong dom hãng di dunya. Tapa parang iek thời trang ini, dom doanh nghiệp Việt Nam jeng caong patagok angan di drei dalam dom darak pasar thời trang bak bruk meriak gauk yau Nhật Bản.

# Thái Lan bahrau tabiak panuac brei kreik pabah mbang oh ka thau mbiah tal tuk halei mblang tasik gheih mekre di bờ vịnh Maya dane angan di taneh ia ini. Gah chức năng mboh lac bruk du lịch nyu ngak jhak tal hệ sinh thái tasik, nan ye labik ini brei hu tukvak pasiam veik meng peih pabah mbang veik. Daok di pulao Koh Phi Phi, gah meraong Thái Lan, vịnh Maya lac sa dalam dom labik hu angan di abih di taneh ia Thai Lan.

# Harei 23/10 dom urang ilamu khoa học Anh saong Bun-ga-ry brei thau, urang bharau duah mboh xác sa baoh kapan kram daok tamo di lingiu tasik Biển Đen di Bun-ga-ry hu meng 2.400 thun dahlau, hu maong lac sruh kapan kram klaak abih di dunya.Tui dom urang khoa học, ini lac sa sruh kapan di lái buôn Hy Lạp, kayua daok di labik dalam 2km ala mbat tasik labik hu nồng độ ô-xi biak biar nan ye meda lac oh hu labik diuk ka dom vi sinh vật saong bruk nan nyu daong khik tamo baoh kapan, dalam nan hu cột buồm saong bánh lái. Bruk dauh mboh baoh kapan hu meng 2.400 thun dahlau meda ngak brei salih karei bruk hu thau di anek menuac ka gah ngak kapan saong jalan nao tasik dahlau daih./.