# Harei 26/11, ong Võ Văn Thưởng, Ủy viên intri  Chính trị, Bí thư Trung ương Đảng, Trưởng ban Tuyên giáo Trung ương song dom urang  Quốc hội tỉnh Đồng Nai (đơn vị ka  1) taom gaok  cử tri huyện Vĩnh Cửu. Di var taom gaok, cử tri huyện Vĩnh Cửu hu rilo panuac pambuak tal bruk pacang caga  tham nhũng, xử lý urang jakra ngak suan; dom bruk gah an sinh xã hội, dom tavak tavaiy dalam hukum taneh riya , dom yếu kém njauk pasiam veik di gah pato megru, gah pajeng ba … Nndom nyai song cử tri, ong Võ Văn Thưởng brei thau bruk pacang  tiêu cực, tham nhũng dalam tuk vak tapa hu  Đảng song karja tacei pato ngak catang, khang kajap, mboh tal halei langyah tan, oh hu  vùng cấm:

   Meng akaok  nhiệm kỳ tal ni hu  langyah biak catang. Meng  Ủy viên mintri  Chính trị, Ủy viên Trung ương Đảng, Bí thư Tỉnh ủy, Bộ trưởng, Thứ trưởng… ngak suan jeng njauk xử lý abih. Nyaik bruk trak di gah ala, min hajual di gah angaok. Kol drei xử lý taong abih, meng urang daok ngak bruk tal urang padeih bruk bloh. Oh daok bruk hạ cánh an toàn

# Tui pathau khan di Bộ Tư lệnh Bộ đội Biên phòng saong dom tỉnh ban, khat lihik tuk camereip kayua ribuk ka 9 kuhria tal 6 tuk harei 26/11 lac 1 urang metai, 51 baoh sang jaleih, khut, 46 kapan, gilai saong 99 lồng bè kram, khut; 718 ha padai saong 380 ha njam patam dauk ia, 2 labik jalan radaih pui khut, 1.500m jalan roya dauk ia,; 170 m jalan tỉnh saong 2.663 m ar pacang glut, jaleih, khut, 119 phun kayau jaoh jaleih.. Piah patui bruk pacang hajan ia sua hadei di ribuk, Văn phòng thường trực Ban Chỉ đạo Trung ương ka pacang caga bala meng lingik tasik tacei dom tỉnh, ban ngak njauk tui Công điện di Thủ tướng Chính phủ; Ban chỉ đạo Trung ương ka pacang caga bala meng lingik tasik khik pataom menuac, pandap cứu hộ, cứu nạn; pasang iek dom labik mbuan hu ia sua, glut jaleih haluk, labik taneh dhaong, bhum tapen craoh, tapen kraong, labik dauk dalam tuk hajan khang, gah ala danao praong, caga panduan ba rah ra tabiak truh labik mbuan gaok bala. Pataom iek, taong yaom dom khat lihik saong peih bruk pasiam dom khut khat hadei di ribuk

     
        # Hadei di tuk ribuk ka  9 tuh tame dom  tỉnh Đông Nam Bộ song suy yếu jeng  áp thấp nhiệt đới, mesup 26/11, tỉnh Bình Thuận brei kapan tabiak tasik veik. Akaok đã Ban tacei jalan pacang caga bala meng lingik tasik song duah dong urang njauk bala  tỉnh Bình Thuận hu công điển khẩn  ieu Bộ Chỉ huy Bộ đội Biên phòng tỉnh, Cảng vụ Hàng hải Bình Thuận, UBND dom labik tapen tasik peih bruk ngak tui, brei thau bruk brei kapan tabiak tasik veik. Urag tong ikan hu adat brei tabiak tasik tong chap kaya ikan  veik.

 #  Mesup harei (26/11), di Bình Dương, Ndom biai pambuak bruk kinh tế châu Á- Horasis 2018 hu peih tabiak saong ginum biai kadha “Triển vọng kinh tế”. Mai pataom mbaok, hu Phó Thủ tướng Trịnh Đình Dũng saong dom urang ngak praong pakat glaong, dom giám đốc điều hành doanh nghiệp (CEO) mai meng rilo taneh ia, dom urang pan akaok saong CEO di dom doanh nghiệp dang akaok Việt Nam; dom urang ilamu, urang roh duah dalam saong langiu taneh ia. Tapa nan, dom diễn giả hu khan brei thau dom mbuan lagaih, dom kan kandah di dom taneh ia dalam bruk  patagok bahrau di châu Á saong di dunya. Ngan saong Việt Nam, dom diễn giả mboh lac, katut panak, kinh tế Việt Nam daok hu siam lagaih meng bruk patagok kinh tế saong pablei salih dunya. Min suai livik, bruk pasiam tốc độ patagok di Việt Nam njauk pasiam hu dom bruk gah cơ cấu kinh tế saong patagok pren pacang caga dom rủi ro.

# Di Nghĩa trang Liệt sỹ xã Hải Thượng, huyện Hải Lăng, tỉnh Quảng Trị hu peih bruk padang ngak  Kabik pahadar  urang Amaik  Việt Nam anh hùng xã Hải Thượng. Labik pahadar urang amaik  Việt Nam Anh hùng xã Hải Thượng hu padang ngak di angaok taneh prong labaih  700 m², song yaom jien buh tame ngak tui kuhria jiak  2 tỷ đồng meng kadung jien  xã hội hóa. Tui nan hu padang ngak dom hạng mục lac: Sang kakuh amaik  Việt Nam Anh hùng, tháp chuông, phù điêu, sang vọng cảnh, patau vak angan. Hadei di tuk ngak salah, labik ini lac labik urang jakar, bhap bini xã Hải Thượng ngak kapan kakuh pahadar, parang iek, khik ramik angan je, umo thun, thun menek, thun metai,  thaot binguk di dom amaik  Việt Nam Anh hùng dalam  xã.

Patui di ni dom khau tin dunya:

# Harei 25/11, Nyaom roya mbang ka 38 Đảng Cộng sản Pháp hu pok ong Pha-biêng Rút-xen (Fabien Roussel) ngak Bí thư negar, salih ka ong Pi-e Lô-Răng (Pierre Laurent), urang pan akaok đảng ini dalam 8 thun tapa. Tui kuhria, tuk hu jao brei bruk, ong Pierre Laurent meda ngak Chủ tịch Hội đồng quốc gia, jabat hu maong lac Quốc hội di Đảng Cộng sản Pháp. Brei panuac hadei di tuk hu pok ngak Bí thư toàn quốc, ong Fabien Roussel ndom tal bruk jum pataom di dom urang cộng sản, halan hatian dang tagok dalam dom bruk xã hội urak ini.

#Trung Quốc bahrau brei padeih bruk padang ngak sa baoh tatua kayua nyu ba tal bruk metai lahik di labaih  6.000 drei ikan tầm quý hiếm dok mbuan si lahik abih. Mintri ngak nong Trung Quốc brei thau, danak dak padang ngak tatua  di ban  Kinh Châu, tỉnh Hồ Bắc lih mek suan hukum  sa labik khik ramik thiên nhiên pakat negar. Labaih  oảng 6.000 drei ikan  tầm pak ni metai kayua bruk padang ngak nan ngak brei ia ma-mbeik. Hu thau, ikan  tầm di  Trung Quốc daok mbuan si lahik abih kayua bruk tong chap biak rilo  song nerak labik ia ikan daok.

#Nga bahrau hu panuac ieu Hội đồng Bảo an Liên hiệp quốc peih ginum biai chip ka bruk di tasik Azov tui danak dak di bruk khik ramik hòa bình saong an ninh dunya. Panuac nan hu Nga ba tabiak dalam tuk bruk di tasik Azov daok catang tagok hadei di tuk Nga cap mek 3 baoh kapan hải quân Ukraine. Dom baoh kapan ini njauk cáo buộc lac lih tame bhum tasik. Lingiu di nan, gah biên phòng Nga cuh phao ngak brei 3 urang lin Ukraine bị thương. Hội đồng An ninh Quốc phòng Ukraine hu tabiak chip bruk chiến tranh dalam 60 harei./.