# Meng harei  3/12, urang  Việt Nam ndik tapui tabiak  atau hu  hộ khẩu di  Hà Nội, Đà Nẵng song .tpHCM hu  Hàn Quốc brei  thị thực 5 thun  song hu  nhập cảnh rilo mbang tame negar ni. Bruk nan hu Phó tổng Lãnh sự quán Hàn Quốc di TP.HCM ba tabiak hadei di tuk mai rivang song taom gaok dom jabat báo chí. Langiu di nan , ngan song dom negar ASEAN, dalam nan hu Việt Nam, Mintri  Ngoại giao Hàn Quốc hu sarak peih prong  brei  visa nhập cảnh rilo mbang , yaok mbang  30 harei, tuk vak  10 thun ka dom urang hu bruk ngak  chuyên môn yau : Giáo sư, bác sĩ, luật sư, dom urang hu bac bloh cử nhân 4 thun di  Hàn Quốc atau bac  thạc sĩ, tiến sĩ di negar langiu …

#Công an huyện Quảng Ninh, tỉnh Quảng Bình  harei  26/11 tabiak harak  khởi tố vụ án "tong phaoh urang karei" tui paka 140 Bộ Luật hình sự piah pasang iek bruk  anai  Nguyễn Thị Phương Thủy, gru pato sang bac  THCS Duy Ninh (xã Duy Ninh, huyện Quảng Ninh), pandar tong abih anek saih dalam tal bac pah tame mbaok sa anek saih  231 mbang.   Dahlau deih, tuk dok pato di sang bac  THCS Hải Ninh, anai Thủy jeng hu  "pato pakai khang tangin " ngak ka amaik ame di anek saih biak pandik hatai song bahrau salih mai ngak bruk di sang bac  THCS Duy Ninh hu dom bilan ye rah tabiak bruk  nan 

# Kayua ribuk ka 9, yaok pluh boh sang rong hadang hùm, rong ikan di  vịnh Vĩnh Hy, xã Vĩnh Hải, huyện Ninh Hải, tỉnh Ninh Thuận dok  having akaok kayua khat lihik biak trak.  Xã Vĩnh Hải  hu  84 bè song  200 lồng, dalam nan hu  80 lồng ikan, 120 lồng hadang di  61 boh sang njauk khat lihik tui kuhria labaih 12 tỷ đồng. Makna hadang hùm, ikan metai lac kayua gaok ia sua tuh mai. 

# Mesup  27/11, Jalan roya  27C meng Nha Trang nao Đà Lạt, labik tapa đèo Khánh Lê hu brei radaih peih nao mai veik. Dahlau di nan, kayua  ribuk ka  9 hu hajan prong, jalan roya 27C labik tapa đèo  Khánh Lê njauk glut jaleih trak .Ong Tạ Thanh Tình, Akaok Chi cục khik ramik jalan mbak  III, Tổng Cục jalan mbak  Việt Nam hu panuac kakei dom radeih nao tapa đèo  Khánh Lê brei peih lavơi; peih di kreik jalan , jhui peih jiak  taluy dương di dom labik cảnh báo hu patau laik, haluk glut. Takik nao mai meng  17 tuk tal  5 tuk mesup harei hadei di dom labik hu ia kakua, meta mong oh cambaih .

# Tui pathau khan samar tuk mesup  27/11 di  mBan tacei jalan pacang caga bala meng langik tasik song dong duah urang gaok bala ban raya  HCM, dalam mbang ribuk ka  9 meng bloh, ban raya hu sa urang metai song 2 urang njauk rambuac hajual kayua phun kayau jaleih njauk tuk dok peih radeih angaok jalan. Dalam ribuk, ban raya HCM jaleih 6 boh sang tuan, khut song par tabung 14 boh sang, jaleih labaih  220 phun kayua hajao song 1 gheng gom, khut  2 sruh radeih  ô tô, 2 sruh radeih  patuh song palai pajoa  55 ha bein paaok. Hajan ngak ka labaih  100 jalan dauh dalam meng  10 cm tal  70 cm, kan kandah tal bruk nao mai ngak mbang di bhpa bini. Ban raya daok pasiam veik dom khut tayah meng hajan ia sua hadei di ribuk. 

#Hadei di ribuk ka 9, bruk pabak njam patam ka ban  raya HCM daok trun takik kayua bhum pala njam di dom huyện Hóc Môn, Củ Chi njauk khut khat . Min yaom njam patam song thực phẩm urak ni di  siêu thị song dom drak pasa meng kan jeng dok tani tanat.  . 

Patui di ni dom khau tin dunya:

# Harei 26/11, Liên hợp quốc brei thau  9,2 triệu đôla Mỹ dong  y tế song  dinh dưỡng ka  Vênêzuêla, negar dok laik tame  bruk iek lipa song jit ruak daok tagok  . Ni lac mbang akaok meti Liên hợp quốc caik sa kadung jien khẩn cấp brei tapak ka karja Tổng thống Vênêzuêla Ni-cô-lát Ma-đu-rô (Nicolas Maduro). Kadung jien ni hu dong ka dom bruk pabak  dinh dưỡng  ka uranaih umo ala 5 thun, urang kamei metain, dom urang amaik dok brei anek mun song daong y tế chip ka dom urang mbuan njauk ruak kik di abih.

# Mintri  Y tế Bu-run-đi brei thau dalam bilan  12 tal, negar ni hu klauk jru ka labaih  7 triệu urang, samau  77% tong abih rahra piah pacang caga  ruak viêm màng não. Akaok mintri  Y tế Nơ-di-cu-ma-na (Thaddee Ndikumana) hu panuac ieu tong abih dom pakat karja, gah an ninh tame dong piak  khik kajap  bruk klauk jru dalam negar ka urang hu umo meng 1 thun tal 30 thun.

# Dom Tiểu vương quốc Arab Thống nhất (UAE) hu ân xá ka nghiên cứu sinh urang Anh, Matthew Hedges – sa urang jiak di ni njauk  kết án guk chung thân ka thoi gián điệp. Saai Hedges sẽ hu adat tabiak truh negar ni hadei di tuk ngak salah bloh dom harak gar . Matthew Hedges, umo 31 thun, lac  nghiên cứu sinh urang negar Anh. Saai ni njauk chap di  Dubai harei  5/5 saong cáo buộc lac ngak gián điệp. Harei  21/11, sa  tòa án di UAE kết án Hedges guk  chung thân, min bruk ni gaok phản đối khang song rajaei  Anh lac meda ngak catang bruk ini./.