# Page harei 28/11, Diễn đàn Trí thức ranaih umo Việt Nam toàn cầu mbang ka sa ngan haong kadha "Patagok pren khang trí thức ranaih umo Việt Nam dalam kỉ nguyên 4.0" hu peih tabiak di bal Đà Nẵng ngan haong bruk hu mbaok di 200 trí thức ranaih umo Việt daok ngak bruk, bac megru di 21 negar angaok dunya. Brei panuac di van peih mbaok, Phaok Thủ tướng thường trực Trương Hòa Bình pok meyaom kapul trí thức ranaih umo Việt Nam daok di negar langiu yaom lac bac megru, diuk rai dalam labik meriak gauk glaong, dalam dom điều kiện karei di gauk, min jeng brei mboh hu trí tuệ Việt, ilamu Việt. 

# Jeng dalam harei  28/11, di  Hà Nội, Mintri ilamu Thể thao  song Du lịch peih ginum biai ilamu khoa học 10 thun ngak tui hukum pacang caga tong phaoh dalam sang: Bruk ngak song jalan ngak. Hukum pacang caga tong phaoh dalam sang hu ba pandar meng thun 2008, tapa 10 thun peih ngak ba mai rilo siam mekre, tapa bruk salih bahrau meng hatai sahaneng di dom pakat karja song bhap bini ngan song bruk pacang caga tong phaoh dalam sang. Min hu dom urang ndom lac njauk ba tabiak cambaih laih bruk di urang pal akaok jabat, dalam hukum pacang caga tong phaoh dalam sang. Jang yau pabak dom bruk di yaok bruk tong phaoh dalam sang ngak jalan piah mboh, piah thau saong langyah.

# Melam 27/11, giải Futsal HDBank Cúp Quốc gia kayua Liên đoàn Bóng đá Việt Nam pambuak haong Rayo sap ndom Việt Nam, pagam haong angan je HDBank hu tamat blaoh. Đương kim vô địch Thái Sơn Nam khik hu ngôi vô địch piah mek 100 triệu đồng, daok Sanna Khánh Hòa yaom lac oh hu taong yaom glaong min hu tame tapak tal trận chung kết piah meblah mek ngôi vị Á quân hu 60 triệu đồng, đội dang ka 3 mek hu 30 triệu đồng nan lac Hải Phương Nam – Đại học Gia Định. Di mbang pakacah ini, đội po sang THH Green Quảng Ninh mbang akaok meti hu mbaok kham merat pakacah saong dang ka 5 chung cuộc. Lễ Bế mạc Giải Futsal HDBank Cúp Quốc gia 2018 nan nyu tamat di sang pakacah đa năng tỉnh Quảng Ninh.

# TP.HCM bahrau tabiak mbaok  26 sruh radeih  buýt sambo cam gam song asar kadha  Kayua ban raya siam mekre ngan song urang kamei song uranaih. Asar kadha ni hu tauk pagam suai lavik di abih radeih  buýt 53 di ban raya  Ni lac jalan nao meng pasak ban raya tal ĐH Quốc gia ban raya .HCM, pabak ka jiak  400.000 urang dalam sa bilan  rilo meng lac anek saih sinh viên. Ong Hà Lê Ân, Phó Giám đốc Pasak khik ramik jalan mbak công cộng TPHCM brei thau: Pasak padang  ngak 50 sang cang radeih buýt sambo cam brei mboh bruk sinya jhul pakhang bruk padeih abih dom bruk tong phaoh urang kamei, song uranaih angaok jalan mbak nao mai. Bruk tabiak mbaok radeih buýt sambo  cam song peih pakak dom boh sang cang sambo cam hu maknak pachreih ba bhap bini nao radeih buýt, patrun bruk gar jalan .

# Di tỉnh Đồng Nai, 800 baoh sang urang ngak hu urang daok ngak bruk di dom doanh nghiệp dalam Tập đoàn Quốc tế Pouchen hu mbaok tame dalam Harei pataom sang urang ngak thun 2018. Ini lac bruk ngak hu Tập đoàn Pouchen peih ngak yaok thun piah ba bui sambai ka urang ngak, sangka tal urang ngak saong manuac urang dalam sang urang ngak. Tapa nan, nyu kak kajap jang urang ngak haong doanh nghiệp. Di harei pataom, dom doanh nghiệp hu pok brei  700 pok pandap ka dom baoh sang urang ngak, pok brei 50 pok jien back a anek di urang ngak bac da-a naih jioy saong alin brei 100 pok pandap ka dom baoh sang kathaot di huyện Vĩnh Cửu.

Patui di ni dom khau tin dunya:

# Cảnh sát Campuchia hu cap khik labaih  200 urang  Trung Quốc njauk  cáo buộc pasoh menuac urang di Trung Quốc tapa  mạng Internet. Hu  36 urang kamei dalam  235 urang  Trung Quốc njauk chap khik daok di  3 palei karei kdi gauk di tỉnh Takeo, gah merong ban ine Phnom Penh. Bruk chap kreik hu peih ngak hadei di rilo bilan pasang iek song duah thau. Dom  nghi phạm hu ba tal Phnom Penh piah  thẩm vấn song njauk trục xuất nao Trung Quốc. Dom mbang pasot  trực tuyến kayua rilo  băng nyaom Trung Quốc peih ngak meng dom negar langiu pamaong tame TQ bhian rah tabiak di dom  bhum Đông Nam Á, gaok mai daok hu di  Kenya song  Tây Ban Nha.

 # Harei 28/11, dom urang điều tra In-đô-nê-sia hum bang taom gaok haong baoh sang dom urang njauk bala dalam bruk laik kapal haok di Hãng kapal haok Lai-ần E (Lion Air) bilan dahlau, ngak brei 189 urang metai. Sruh kapal haok Bô-ing (Boeing) 737-MAX 8 pajeng 189 urang par dalam negar harei 29/10 lahik liên lạc haong đài kiểm soát không lưu tok 13 minit hadei di tuk par tagok. Dom dữ liệu brei mboh sruh kapal haok laik trun tasik meng labik glaong labaih 1 ribau mét, ngak ka taong abih 189 tuai  nao angaok sruh kapal haok nan gam haong phi hành đoàn metai abih.

# 10 adat agama meng kan di  Nhật hu  nhân cách hóa dalam  mặt nạ song khan aow dân gian hu ba tame angan  inem krung ilamu Phi vật thể di UNESCO). Dom adat ni hu asar meng  văn học meng kan Nhật Bản dalam nan dom po yang meng lot karei  hu patrun dunya piah ngak brei bhap bini hu haniem phol song  dalam harei anak tal hu siam mekre. Thun bahrau song dom bilan bahrau dalam thun. Dom adat ni hu pataom veik meng   10 harei pataom ilamu  di  8 puk palei di Nhật Bản./.