1# Tui Đề án daong sang daok ka urang sang kan kathaot, tỉnh Ninh Thuận hu 1.463 baoh sang kathaot hu mesraiy jien daong ngak sang bahrau, pasiam veik sang klak. Meng thun 2016 tal bilan 12/2018, dalam tỉnh hu 752 baoh sang kathaot hu daong brei mesraiy yaom jien abih tih 22 tỷ 319 triệu đồng. Dalam nan, 711 baoh sang oh hu jien piah bayar veik, ye hu daong padang ngak sang bahrau, pasiam veik sang klak saong yaom jien abih tih tui kuhria lac jaik 28 tỷ đồng. sarak daong sang daok ka urang kathaot tui Quyết định di Thủ tướng Rajaei hu daong palagaih ka rilo sang kathaot di Ninh Thuận hu sang daok tani tanat, meng nan cakrok bruk ngak mbang, pala drak, yam tagok tabiak truh kan kathaot, rik daong peih ngak hu siam danak dak bruk ngak negar ka patruh eik patrun kathaot, padang ngak palei pala bahrau dalam tỉnh.

2# Tỉnh Đồng Nai hu ieu pataom jaik 150  tỷ đồng peih ngak danakdak patrun kathaot, rilo meng dom kadung jien karja tỉnh saong jak ba meng bhapbini gam saong jien xã hội hóa. Dom paok jien daong drah samal, siam ini hu rik daong patrun patakik dom sang kathaot dalam tỉnh. Ngan saong rilo bruk kham merat, jalan ngak siam daong urang kathaot yam tagok, dalam klau thun (2015-2018), Đồng Nai trun hu 13.500 sang kathaot saong jaik 3.000 sang jaik si kathaot.

 3 # Pambuak tal bruk mehit lac hu tal 31% urang Trung Quốc blei sang di ban raya Hồ Chí Minh, harei 27/12, Công ty CBRE Việt Nam, gah brei thau ka số liệu ini, hu khan brei thau cambaih saong ndom lac: Urang Trung Quốc blei sang rilo tok lac tui số liệu kuhria mboh tapa sàn giao dịch di CBRE saong lac blei di hạng sang, hạng cao cấp. Kayua yau nan ye, bruk ini tok lac piah tham khảo, oh lambaok hu ka abih darak pasar. 

4# Hadei di lô baoh vú sữa akaok mereip pablei tapa darak pasal Mỹ hu jak jeng, janih baoh kayau di tỉnh Tiền Giang daok định vị saong hu Tùy viên ngak nong pakat glaong - Tổng lãnh sự quán Mỹ di Việt Nam pasang iek, brei mã vùng peih praong taneh pala vú sữa nguyên liệu meng 43 ha akaok mereip tagok labaih 70 ha. Dalam mbang brei mã vùng peih praong taneh pala vú sữa nguyên liệu mbang ini hu labaih  200 sang bhapbini di 3 huyện Cái Bè, Cai Lậy saong Châu Thành pataom tame pambuak bruk saong dom doanh nghiệp pala vú sữa hu  chuẩn an toàn hacih saat pandap mbang piah pablei tapa Mỹ.

   5# Melam 29-12, di Sang daoh ban raya, Nhà hát Giao hưởng - Nhạc - Vũ kịch TPHCM peih danak dak parang me-in dom tác phẩm âm nhạc vak ka nhạc kịch Dế mèn phiêu lưu ký. Nhạc kịch hu ngak tui asal kadha di tiểu thuyết angan nan di nhà văn Tô Hoài, lac sa tác phẩm văn học biak gheih, hu pren dui pachreih meng dom bruk phiêu lưu kỳ thú dalam hatai sahneng biak gheih. Dự án peih ngak kadha nhạc kịchndung bak asal Việt ini hu nhạc sĩ Vũ Việt Anh saong nhạc trưởng Trần Nhật Minh caong khin meng rilo thun tapa, piah ba tal urang maong iek di ban raya sa tác phẩm nghệ thuật biak gheih.

Khaw tin dunya

6# Bruk kuhria peih praong dom libik định cư di Ixraen di dom bhum taneh meblah mek suan hukum di Palextin daok gaok phản đối khang di rilo taneh ia phương Tây. Ini lac sa dalam dom bruk daok pacang pacang jalan hòa bình Trung Đông dalam rilo thun tapa.

7# Colin O’Brady, sa urang thám hiểm umo 33 thun lac urang Mỹ, lahik abih tih 54 harei piah nao abih jalan atah 1.600km meng Bắc cực tapa Nam cực. Hadei di tuk nao salah chặng cuối atah labaih 124km, urang thám hiểm ini khan angaok mạng xã hội Instagram lac hu jeng menuac camereip di abih dalam sajarah sa drei nao tapa Nam cực bo oh hu bruk daong brei halei. O’Brady hu pandar hệ thống định vị toàn cầu GPS piah thaot veik jalan nao saong brei mboh tapak angaok blah website di drei. 

8# Thun barau 2019 daok mai jaik tal taneh ia Nga praong saong mekre. Klak tapa dom kan kandah, áp lực di dom lệnh trừng phạt kayua Mỹ saong phương Tây, saong biak catang jang di thun 2018, min bruk uan raok thun barau jeng daok mai grauk bhum di taneh ia ini. Di sa mbang họp báo praong puac thun 2018, Tổng thống Nga Vladimir Putin brei thau, GDP di Nga tui kuhria tagok 1,8% thun 2019 saong meda tapa tanut 3% kuhria meng thun 2021./.