Bier harei kabroi, Ủy viên Mintri Chính trị, Phó akaok Thường trực Quốc hội Trần Thanh Mẫn dang dakaok mbang ngak bruk haong Thường trực Hội đồng Bangsa brei panuac ka danak dak “roh duah, peih ngak samu gauk sarak bangsa, hukum tui dom sarak di Ndang saong Hiến pháp thun 2013”. Tal urak ini, Mban padang ngak hu pataom mek, pasang iek roh duah 905 harak gar hu asal kadha pambuak tal; brei thau 358 harak gar daok pandar. Tuk camriep brei thau lac, dalam 61 hukum hu brei adat ka mikva bangsa takik, hu 23 hukum njauk hu pasang iek, pasiam veik, pabak tame saong 22 hukum Rajaei njauk patui veik roh duah, ba tame ngak tantu cambaih laih. Di mbang ginum biai, dom urang QH hu brei panuac cambaih laih ka angan danak dak, dom labik njauk pasiam veik, dom tavak tavaiy dalam dom adat urak ini di sarak bangsa.

200 urang lambaok ka bhap bini dom bangsa takik daok dalam TP.HCM hu pataom mbaok uan akaok thun bharau thun sak ine girai 2024, salam uan 94 thun harei padang Đảng (03/02/1930 – 03/02/2024) peih tabiak tuk biar harei kabroi. Thun 2023, ban raya daok caik hatai sangka, ngak biak siam sarak bangsa, bhian duah bruk ngak, pato bruk ngak, daong phun jien, peih ngak sarak patrun kan kathaot dalam bhap bini bangsa takik. Lambaok ka bhap bini urang Cam dalam ban raya, ong Res A Bidine, akaok mban hakim jumaah Mubarak - Phường 2, Quận 8 brei thau: dom thun tapa, mikva urang Cam tuk halei jeng hu bruk sangka daong ba di dom ban, ngành kapul nyaom dom pakat di ban raya, padang ngak sang anit ranam, brei jien bac ka anek saih, daong pabak hatai caong ka anek kamuan urang Cam.

Hadei di tukvak padeih Tet tal urak ini, jaik mabih dom paok thầu di danak dak tatua Rạch Miễu 2 pak tỉnh Bến Tre saong Tiền Giang jeng hu peih ngak gilac ngan haong hatai ngak lac samar drah. Tal urak ini, paok thầu tatua praong katung talei hu ngak salah abih tih dom cọc khoan jaih di dom ghang tatua saong ghang neo, ngak salah bệ 2 trụ tatua. Gam tui di nan, daok peih ngak dầm ngang mala taduan mbaok tatua trụ tháp P19 saong P20. Di paok thầu XL-04 padang ngak jalan saong tatua ba gah Mỹ Tho, tỉnh Tiền Giang, dom po thau hu jak ba labaih 120 urang jakar, kỹ sư saong urang ngak gam haong yaok piluh mac kuac, cẩu khoan nhồi, radaih tải… padang ngak di danak dak.

Thun 2024, tỉnh Cà Mau ba tabiak bruk lac jien mek tame meng pablei pandap tabiak negar langiu hu 1,25 tỷ USD. Piah ngak hu bruk ini, tỉnh pachteih dom doanh nghiệp patagok bruk buh jien tame ngak mbang, ngak tui jalan siam ka alam langik tasik, paglaong chất lượng pandap, pabak bruk pablei tabiak negar langiu, jhul khang bruk pablei tapa negar langiu dom janih pandap bahrau atau mek jien tame meng bruk pablei tabiak negar langiu dom janih pandap OCOP, kaya nong, kaya glai, kaya ikan. Dalam nan, hadang lac janih pablei praong tapa negar langiu di tỉnh, meblah jaik 90% yaom di nyu.

Harei kabroi 21/2, lac harei 12 bingun bilan sa, urang taong mek ikan pak xã Bình Châu, huyện Xuyên Mộc, tỉnh Bà Rịa - Vũng Tàu nao tasik taong mek ikan akaok thun. Tui hatai sahaneng di urang taong mek ikan, harei 12 bingun bilan sa lac harei siam tuk tanuak, urang taong mek ikan caga salau pandap ieu yang, pok tagok po Nam Hải saong dom rai dahlau, payua tame caong maong dom bruk siam makre, caong ka hajan siam hangin lagaih, patuah jamo, ikan hadang bak ghe gilai. Dalam huyện Xuyên Mộc hu 1.161 sruh gilai ikan, rilo meng daok di xã Bình Châu, ngan haong 784 gilai ikan. Thun blaoh, kayua langik tasik oh lagaih, urang nao tasik oh hu kein laba glaong, yaom xang manjek tagok glaong, nan ye bruk taong mek ikan dalam huyen mboh trun dut saong tukvak ini di yaok thun.

Harei kabroi, Quốc hội Campuchia hu peih mbang nyaom oh kuhria dahlau piah mek phiếu tín nhiệm 3 urang bahrau ka rajaei mbang VII.Mengi 120/120 phiếu tín nhiệm, ong Hun Many, Akaok Mintri Chức năng Công hu pok ngak Phó Thủ tướng ka 11 di rajaei Campuchia mbang VII, vaktu 2023 - 2028. Ong Hun Many ndih tapui thun 1982, lac anek likei taluac di Samdech Hun Sen, akaok đảng bhap bini Campuchia daok pan akaok karja, saong lac adei likei di Thủ tướng Hun Manet. Ong urak ini daok pan akaok Hội Liên Hiệp dam dara Campuchia.

Indonesia bahrau ba tabiak adat pandar dom ong praong gah kong nghe njauk ginum biai saong biyar jien asal kadha ka dom jabat báo chí negar ini. Tui adat bahrau hu Tổng thống Indonesia Joko Widodo mbaoh tangin, dom “ong praong” gah kong nghe dunya, hu Google saong Meta meda njauk biyar jien ka dom jabat báo chí Indonesia tuk pandar asal kadha di báo chí di mangaok blah wed di drei. Adat jeng ieu kakei dom blah web gah kong nghe njauk brei ngak dahlau ka dom asal kadha gah khau tin kayua dom jabat báo chí pak ini ngak tabiak, rik tame dom danak dak pato dom urang vak harak mbao saong patakik bruk pambak tabiak dom khau tin ja, oh njauk pak di Indonesia.

Anak bruk jaik peih Olympic bilan Hè 2024 kayua negar Prang dang tabiak peih ngak, 2 urang sahabat haong gauk daok di gah pai taneh ia Prang hu ngak sa bản sao tháp Eiffel glaong 16 mét meng kayau pandar veik piah paglaong hatai sahneng ka khik caga alam langik tasik. Piah ngak hu tháp Eiffel phiên bản meng kayau, urang pandar jaik 825 candaih kayau saong 5.400 ốc vít. Tháp Eiffel meng kayau hu parang iek rah tui jalan roak troy Olympic saong dom labik peih dom mbang pakacah Olympic./.