Danak dak ini hu Gilang paraik Tái thiết saong cak rok patagok dunya sanya lac pabak paok masaiy lac 230 triệu 740 ribau USD (tukvak masaiy lac 25 thun, 5 thun kaduan veik tukvak biyar saiy). Danak dak piah jak ba phun jien masaiy daong ka Bình Dương buh jien tame padang ngak jamraik pataom mek saong sang mac langyah ia nerak tachrauk, trun manieng bruk tachrauk nerak alam môi trường, pasiam chất lượng ia, khik caga prein yava di rahra, paglaong raidiuk di bhap bini, rik daong patagok kinh tế - xã hội.

Peih ngak Danak dak "Daong urang kumei padang mbang ngui tukvak 2017 - 2025" di Thủ tướng Rajaei (ieu katut lac Danak dak 939), meng rilo jalan pathau khan paglaong ilamu padang mbang ngui, peih tabiak jalan ngak mbang duah jien, bac bruk ngak, daong brei mesraiy phun jien patagok bruk ngak mbang, tal urak ini, kapul urang kamei dalam tỉnh Kiên Giang hu daong padang 12 HTX, 384 kapul pambuak gauk ngak kayua hu urang kamei khik ramik. Gam haong nan, daong palagaih ka dom sang pablei salih, sang ngak pandap lac kumei hu phun jien ngak mbang, hu bruk ngak patagok jien mek tame... Tapa nan hu daong ka jaik 2.800 sang kayua urang kamei ngak po tabiak truh kan kathaot.

Dalam adit puac bilan 10 di TP. Hồ Chí Minh, yaom pablei lẻ dom janih brah tagok khang, dom janih brah tagok tal 3.000đ/kg. Yaom lac prein blei oh tagok, min tanut tagok ini takik - rilo jeng ngak kan kandah tal dom urang pablei brah lẻ saong urang blei brah. Tui Kapul pandap mbang Việt Nam, yaom brah meda daok di tanut glaong, yaom lac bilan yuak padai Đông Xuân daok jaik tal. Bruk caong blei brah di dunya daok tagok glaong, dalam tuk nan, Việt Nam lac sa dalam dom darak pasa pablei tabiak praong di dunya. Bruk ini hu dui yaom brah pablei tabiak negar langiu gam brah pablei lẻ tagok glaong dalam tukvak jaik di ini.

Huyện Tri Tôn, tỉnh An Giang hu 8 xã, ban sit peih tal pato bac piah palahik bruk oh thau akhar haroh di Danak dak bruk ngak negar patagok KTXH bhum urang bangsa takik saong bhum ceik vaktu 2021 - 2025. Dom tal bac nan rilo meng lac urang praong thun tui bac. Bruk hu Sở Pato Megru ba tabiak lac yaok xã ieu pataom hu 35 urang tame bac, UBND huyện Tri Tôn jao bruk ka xã Ô Lâm brei hu 50 urang bac. Tapa sa tukvak jak ba, dalam xã Ô Lâm hu 114 urang tut angan tame bac. 

Sở Ilamo, Thể thao saong Du lịch tỉnh Vĩnh Long bahrau peih Harei pataom sap daoh dam dara Kinh - Lo - Khmer thun 2023. Hu mbaok tame harei pataom hu labaih 40 dam dara di 3 bangsa mai meng 7 huyện, ban sit di dalam tinh Vinh Long. Dom kapul hu mbaok di harei pataom hu ba mai labaih 20 kadha daoh sa urang, daoh 2 urang, daoh kapul nyaom, brei mboh hatai anit ranam haong Ndang, Wa Ho saong dom ilamo siam gheih meng kan di bangsa: Kinh, Hoa, Khmer. Harei pataom piah sa tangin haong gauk khik ramik, patagok dom yaom glaong ilamo di dam dara 3 bangsa, rik tame pabak, paglaong prein khang di talei jumpataom gauk di dalam bangsa.

Trung Quốc bahrau cuh hu vệ tinh ngak bản đồ Thiên Hội 5,  meng Pasak cuh vệ tinh Thái Nguyên di tỉnh Sơn Tây, gah barak Trung Quốc. Vệ tinh Thiên Hội 5 hu cuh meng phiên bản bahrau di tên lửa đẩy Trường Chinh 6. Thiên Hội 5 hu tame dalam quỹ đạo hu ba tabiak blaoh. Vệ tinh ini hu pandar piah ngak bản đồ địa lý, pasang iek taneh riya, ngak iek gah ilamu khoa học saong rilo bruk karei. Bruk cuh vệ tinh ini lac bruk praong mbang ka 494 hu ngak haong janih tên lửa Trường Chinh. 

Cục Khik caga Liên bang Mỹ (Fed) sa mbang tra brei khik tamo tanut jien laba sarak dalam tanut meng 5,25 - 5,5%. Bruk ngak ini hu peih tabiak dalam tuk gah kinh tế saong darak pasa urang ngak daok brei mboh prein khang biak njauk iek glaong, daok lạm phát jeng daok glaong jang tanut ba tabiak. Akaok Cục Khik piah Liên bang Jerome Powell brei thau lac, bruk ngak kinh tế Mỹ hu peih praong khang kadang saong yam tapa dom caong maong dahlau di nan. Min, dom jabat chức năng jeng njauk ngak bruk abih drei piah ba lạm phát mai gilac haong jalan ba tabiak.

Nhật Bản brei kreik pabah mbang 8.580 sang bac di karja, dalam tuk menuac sia dak harei dak taha nao. Dom puk palei di Nhật Bản njauk duah jalan ngak pasiam dom sang bac ini piah pandar ka dom bruk karei, plaih palai pajoa saong patrun patakik bruk yah klaak dom labik ini. Nhật Bản lac taneh ia hu menuac sia taha dang ka 2 di dunya hadei di Monaco. Dom uraniah umo mala 15 thun di Nhật Bản tok hu 11,5% dom menuac sia dalam taneh ia, hu labik, menuac sia trun 20% dalam vaktu 2009 - 2023, dom uranaih trun labaih 30% saong dom sang bac jeng trun, meng 22 sang bac trun daok 7 sang bac./.