Dah page ini, Tỉnh ủy - UBND tỉnh Sóc Trăng hu peih Nyaom biai Brei thau quy hoạch tỉnh tukvak 2021-2030, pamaong tal thun 2050. Akaok Quốc hội Vương Đình Huệ hu mbaok dalam nyaom biai. Tui quy hoạch, tal thun 2030, Sóc Trăng lac sa dalam dom tinh cak rok patagok mbaih di bhum ĐBSCL. Dalam nan, prein patagok di taong abih dom pandap panda pak ini (GRDP) tui kuhria mek hu 8,5% sa thun; GRDP tui kuhria yaok akaok manuac (yaom urak ini) mek hu labaih 124 triệu đồng… Bruk đô thị hóa mek hu labaih 40 - 45%; hu taong abih 80 xa mek hu tanut chuan palei pala bahrau. Trun dom baoh sang kan kathaot tui kuhria lac meng 2 - 3% sa thun; dalam nan, dom baoh sang kan kathaot lac  mikva bangsa Khmer trun meng 3 - 4% sa thun. Tal thun 2050, Sóc Trăng jeng lac tinh hu kinh te cak rok patagok mbaih di dalam taneh ia, peih ngak tui jalan kanja số, kinh tế số saong xã hội số ngan haong dom bruk ngak kinh tế - xã hội; dom gah ngak tabiak, dịch vụ thông minh ngan haong bruk kinh tế số, kinh tế hijao, kinh tế tuần hoàn.

Pachreih tui Harei salih số pakat negar thun 2023 ngan saong kadha “pandar dữ liệu số piah ngak tabiak yaom glaong”, mesup ini (9/10), UBMTTQ TP.HCM ba tabiak bruk tut angan saong pandar chữ ký số. Taong abih urang jakar, công chức di MTTQ TP.HCM hu tacei pato jalan tut angan saong jalan ngak chữ ký số, pandar chữ ký số angaok harak gar, văn bản. Bruk tut angan saong pandar chữ ký số lac jalan ngak bahrau, daong ka urang dang akaok jabat MTTQ Ban raya duah hu harak gar mbuan lagaih, samar drah, patagok hu glaong di abih, siam lagaih di abih, bruk langyah harak gar hu tagok glaong di abih njauk tui jalan ngak lac “Labik ngak bruk oh hu harak ba-ar”. 

Kuhria tal akaok bilan 10, hu 436 baoh sang rahra di tỉnh Tiền Giang taduan jien biyar giải tỏa di Danak dak Tatua Rạch Miễu 2 haong yaom jien abih tih jaik 642 tỷ đồng. Abih tih yaom jien biyar, daong ba saong tái định cư tui kuhria lac labaih 1.600 tỷ đồng. Urak ini Pasak cak rok patagok Kadung taneh, Sở Tài nguyên saong Môi trường tỉnh Tiền Giang, daok kham merat pambuak haong dom bhum palei dalam tỉnh piah peih bruk jak ba dom baoh sang daok gilac veik samar drah taduan jien biyar, langyah piah samar drah jao mbaok taneh ka dom gah padang ngak.

UBND tỉnh Bến Tre kuhria mboh dahlau lac, ia mbak njaom tame bilan thu thun 2023-2024 meda tal aval jang, dalam jang, dui atah di tanut samu atau glaong jang bilan thu thun 2015- 2016; ia mbak meda njaom aval tame dom baoh kraong meng kreh bilan 11 ni. Nan ye meng urak ini, mikv aurang nong brei caga pacang ia mbak meng bruk kuac raok ribaong khik ia piah pruh ka bein phun mbang baoh. Sở Ngak nong saong Patagok palei pala Bến Tre kakei mikva khik piah ia di dalam bingun, dalam ribaong piah pruh ka phun pala. Di huyện Châu Thành, hu dom sang bhap bini oh ka khik piah ia taba nan ye tuk mek ia di kraong ribaong pruh ka phun pala, hu tuk gaok ia mbak nan ye thu hala.

Tapa pasang iek,Công an tỉnh Đồng Nai hu mboh 736 labik ka oh taong yaom ka bruk pacang khuah padam khuah hu ba tame ngak atau oh ba tabiak harak gar piah pasang iek taong yaom tuk ngak pasiam veik, peih praong, salih jalan pandar sang, danak dak dalam tuk daok ngak, pandar. Bruk njauk mayai nan lac, dalam dom danak dak ini hu gam danak dak lac jabat di dom jabat kanja yau ye Thành ủy, UBND TP. Long Khánh, Kho bạc Kanja ban Long Khánh. Langiu di nan, hu biak rilo sang bac, sang kho, sang xưởng, công ty, sang pablei salih, quan karaoke…

Abih tih hu jaik 5.650 urang hu ba nao labik karei daok piah plaih di hajan praong, ba tal ia dauk ia sua di bhum Bago dalam labik gah meraong Mianma. Tui panuac khan di karja palei, kuhria tal jala harei 8/10, dom menuac hu ba nao nan, hu nao tal 17 labik daong ka urang njauk ia dauk ia sua. Urak ini, dom kapul daong urang gaok bala daok kham merat abih drei piah daong ka bhap bini bhum rabuk ia sua. Mianma meda lac yaok thun hu bruk langik tasik biak kan kandah dalam bilan hangin gió mùa. Thun 2008, rabuk Nargis ngak ka labaih 138.000 menuac metai. 

Tui kanja Taliban, hu takik di nyu 2.445 urang metai saong yaok ribau urang karei njauk rambuac hadei di mbang magei baoh taneh khang rahtabiak di Afghanistan harei 7/10. Langiu di nan hu labaih 9.200 urang karei njauk rambuac, labaih  1.300 baoh sang jaleih tayah. Dom urang metai nan urak ini ka thau lac biak yau nan halei oh, min ini lac tagok biak rilo dut saong harei dahlau di nan, tuk Liên hợp quốc lac hu 320 urang metai. Bruk duah saong daong duah urang njauk bala daok hu peih ngak tuk yaok ratuh rahra tui kuhria daok njauk lam di mala dom sang jaleih nan.

Nga daok brei pajeng khí đốt tự nhiên nao tal Uzbekistan tapa Kazakhstan. Tui panuac di Tổng thống Nga Vladimir Putin, bruk ngak ini ba mai kein laba haong gauk saong piah patagok bruk sron mbon năng lượng dalam bhum. Dalam tuk jaik abih dom jalan khí đốt jeng mai tal Uzbekistan, ye hu dom jalan hu ba nao dom labik gah Đông Bắc Kazakhstan, labik hu jalan tapen negar haong Nga. Tổng thống Putin ndom lac, bruk ini hu daong ka Nga "brei mboh labik dang lac gah pabak khí đốt tự nhiên njauk caik hatai jia", saong lac bruk ngak ini meda peih praong njauk tukvak piah dui pachreih rilo jang urang blei./.