Di danak dak, Kapol urang ngak bruk hu alin brei 250 paok pandap, yaom 1 trieu 300 ribau đồng sa paok ka urang đoàn, urang ngak hu raidiuk kan kandah dalam tỉnh Dak Lak. Langiu di nan, muk Bùi Thị Minh Hoài haong kapol urang jakar jeng hu alin 200 paok pandap, yaok paol yaom 1 trieu 200 ribau dong ka dom baoh sang kathaot di huyen Cư Kuin, tỉnh Đắk Lắk.

Di xã Thường Phước 1, huyện Hồng Ngự, tỉnh Đồng Tháp, harei kabroi, Kapul urang kumei tỉnh Đồng Tháp pambuak haong Bộ Chỉ huy Bộ đội Biên phòng peih ngak Danak dak “Xuân tapen negar - Tết anit ranam” thun 2024. Di Danak dak hu jao alin 300 paok pandap ka rahra, đoàn viên, urang dalam kapul gaok kan kandah pak ini. Ủy ban MT negar Việt Nam tỉnh Đồng Tháp jao alin 20 baoh sang Jumpataom ka sang urang kumei dalam kapul lac sang kathaot, sang jaik kathaot, sang biak kan kandah ka sang danaok. Abih tih phun jien hu jak ba peih ngak dom bruk an sinh xã hội dalam Danak dak lac jaik 1 ty 400 trieu đồng.

Pabak darak binguk Tet ka bhap bini Bình Dương saong dom bhum palei jiak tapphia, urang ngak nong khu pho Tân Ba, phường Thái Hòa, TP.Tân Uyên, tỉnh Bình Dương salih bruk pala njam patam tapa pala bingu pablei ka darak pasa Tet di taneh praong  jaik  10 ha. Dalam nan, bingu cúc, vạn thọ, mào gà hu rilo janih. Piah bingu chroh nerang njauk tuk Tet, urang ngak nong di Tân Ba tui iek langik tasik, kuhria harei melam trun pajaih, iek glang njauk lagaih. Thun ini, langik siam lagaih nan ye  bhap bini di palei bingu Tân Ba sahanang hatai, chreih chrai tuk bingu chroh nerang mekre. Urak ini, dom urang blei daok di TPHCM, Đồng Nai, Bình Dương hu caik jien takai, cang harei cakak bingu ba nao pablei.

Piah ka rahra halei jeng hu mbang Tết, tỉnh Kon Tum brei buh tabiak meng kadung jien karja labaih 8 tỷ đồng daong ka jaik 16.800 baoh sang lac sang kathaot saong jaik sia kathaot. Tui nan, yaom daong ka yaok baoh sang kathaot lac 600 ribau đồng saong sang jaik kathaot lac 300 ribau đồng. Langiu di nan, Liên đoàn Lao động tỉnh Kon Tum jeng hu jao 2.700 paok pandap, yaok paok  yaom 500 ribau đồng ka đoàn viên, urang ngak gaok kan kandah. Dalam dom harei ini di tỉnh Kon Tum, rilo bruk sangka Tết ka rahra, abih di nyu nan lac bhum atah biyah, bhum tapen negar hu rilo mikva bangsa takik jeng daok hu dom pakat kanja, kapul nyaom, jabat kham marat peih ngak.

Harei kabroi, harei pataom Tet Viet nasak Girai 2024 kayua Sang ilamu Dam dara TPHCM peih ngak ngan haong rilo bruk meng ini tal harei 5 bingun Tet Nguyen dan. Ini lac thun ka 17  harei pataom Tet Viet  hu peih ngak ngan haong yaok rituh got mai kanyik katam hadah gam haong dom labik pablei pandap Phố ông đồ rah tui jalan Phạm Ngọc Thạch - Nguyễn Thị Minh Khai (Quận 1).  Ngan haong  kadha “ TPCHM – Ban raya dahlak anit ranam”,  langiu jaln phun mai kanjik, Ban ong đồ daok hu labik nghe thuat bak sambo mau harei tet, hu labik padang ngak veik bruk tuk ahar bánh chưng, dom thaot binguk ndung bak ilamu harei Tet, bruk ngak pahala…

Melam kabroi, di ban ine Vientiane, Lào hu peih mbaok Nyaom biai Du lịch ASEAN (ATF) 2024 ngan haong asal kadha “Du lịch chất lượng saong hu trách nhiệm – khik tani tanat harei hadei ka ASEAN’. Hu mbaok tame bruk ini hu Phó Thủ tướng Lào Kikeo Khaykhamphithoun; Akaok Mintri Du lịch dom taneh ia dalam ASEAN haong dom taneh ia pambuak bruk, tapa nan hu ginum biai, taong yaom bruk peih ngak dom bruk brei ngak dahlau dalam Jalan ngak gah Du lịch ASEAN 2016 - 2025, dom bruk brei ngak dahlau dalam tukvak 2023 - 2024 kayua 4 Ủy ban Du lịch ASEAN peih ngak.

Jabat Năng lượng dunya harei kabroi birau brei thau harak pathau khan dalam nan kuhria mboh dahlau lac điện hạt  nhân meda mek hu glong abih di thun 2025 saong rik tame labaih 10% bruk pandar điện di abih dunya dut saong tanut 9,2% yau urak ini. Jabat Năng lượng dunya khan lac bruk dom sang mac điện hạt nhân tame ngak bruk  pablei salih di rilo taneh ia, dalam nan hu Trung Quốc, Ấn Độ, Hàn Quốc, dom taneh ia chau Au, abih di nyu lac Pháp, gam haong bruk ngak gilac veik  di dom sang mac  điện hạt nhân di Nhật Bản dalam thun ini lac bruk ba tal patagok tui kuhria mboh dahlau.

Dom urang jakar ngak praong di Cộng hòa Séc harei kabroi brei thau lac, sa sruh radaih apui nduac di jalan nduac samar  ginuh tame sa sruh radaih pajeng pandap di gah timun negar ini ngak ka sa urang metai saong takik di nyu 19 urang karei njauk rambuac. Bala rahtabiak tuk sa sruh radaih apui nduac samar nao gah ban ine Praha ginuh tame sa sruh radaih pajeng pandap di canah pak jaik ban sit Bohumin. Cảnh sát brei thau lac hu  60 urang nao di mangaok radaih pui di tukvak rahtabiak bala. Urak ini ka oh thau cambaih makna ba tal bala. Urang jakar brei thau lac daok pasang iek  piah duah thau makna ba tal bala./.