Mai rivang, tadhau ayuh Tet saong alin pandap ka urang hu buh prein yawa ngak bruk daong taneh ia, baoh sang dalam sarak karja, baoh sang kathaot, urang ngak kong huyen Trà Ôn, tỉnh Vĩnh Long dalam page ini, Akok negar Võ Văn Thưởng caong khin  Đảng bộ, karja saong bhap bini dalam huyen tuk halei jeng jum pataom, patagok ilamu meng kan mai di bhum palei, peih ngak siam dom bruk cak rok patagok kinh te- xa hoi, khik caga quoc phong an ninh, tani tanat raidiuk xa hoi, ba huyen cak rok patagok khang kajpa jang. Tapa nan, Akok negar  caong khin dom jabat chuc nang  patui bruk sangka  peih ngak siam danak dak daong tani tanat xa hoi, daong ka bhap bini, abih di nyu lac ngan haong bhap bini bangsa Khmer hu raidiuk dak harei dak siam jang.

Mesup ini Phó Thủ tướng Trần Lưu Quang haong kapul ngak bruk hu mai ravang, tadhau ayuh Tết Nguyên đán thun sak inegirai 2024 sang sarak karja, urang kan kathaot, urang ngak saong urang jakar, urang lin Công an tỉnh Trà Vinh. Di pak ini, kapul hu alin hadiah 200 pok pandap Tết di UBTWMT negar VN brei ka 200 sang kan kathaot, brei 200 pok pandap Tết di Tổng Liên đoàn Lao động Việt Nam ka urang ngak.

Kapol nyaom urang raong glang Đồng Nai birau hu harak pok tagok Thủ tướng Rajaei, Akok Mentri Ngak nong saong Patagok palei ka bruk  pabui  blei dauk tame tuk Tet Nguyen dan 2024. Tui Kapol nyaom urang raong glang Đồng Nai, dalam dom adit  meng harei 1 tal 15-1, kuhria rah tapa yaok melam  hu meng 6 -7 ribau drei pabui meng Campuchia ba dauk tame Việt Nam tapa dom pabah mbang di dom tỉnh Đông Nam bộ saong bhum taphia negar Tây Nam. Dom taphon pabui ba dauk tame tagok rilo saong yaom pablei lap jang pabui dalam negar ba tal bruk raong glang dalam taneh ia gaok rilo kan kandah.

TP. Hồ Chí Minh oh ka mek jien vỉa hè meng bilan 1 ini yau tui kuhria, kayua daok tavak dom adat gah mek pandar, bruk ngak harak brei adat pandar. Tui karja ban raya, jalan, takai jalan lac drap ar di hạ tầng giao thông, min jalan mek pandar oh ka hu ba tabiak dalam Hukum khik iek, mek pandar drap ar karja saong Sarak 33 di Rajaei. Kayua yau nan ye, UBND TP Hồ Chí Minh hu pok panuac ieu Mintri jalan mbak – Pajeng ba saong Mintri Jien padai samar hu tacei pato ka jalan mek pandar, padang danak dak tuk mek jien pandar takai jalan mbaok jalan.

Duah pataom Ameh hla Châu Thành, Trà Vinh birau hu taduan angan Drap ar negar. Ini lac drap ar ka dua hu Thu tuong Rajaei brei taduan angan ka tỉnh Trà Vinh hadei  “Rup tau Linga - Yoni”. Duah pataom Ameh hla Châu Thành hu duah mboh dalam mbang  roh duah mboh di thun 2014 di inem krung  Baha Lò Gạch, puk Ba Se A, xã Lương Hòa, huyện Châu Thành. Urak ini, inem krung di Ilamu Óc Eo - tukvak hadei, nan lac abap VII mbiah tal abap IX hadei cong nguyen.

Cục Yaok pataom negar Trung Quốc bahrau ba tabiak rilo harak gar prong brei thau ka bruk kinh tế Trung Quốc thun 2023. Dalam nan patagok abih tih pandap dalam taneh ia (GDP) dalam thun hu 5,2% duk haong tukvak ini thun 2022, glaong jang bruk ba tabiak meng akaok thun. Bruk ini brei mboh lac kinh tế Trung Quốc daok siam veik saong cakrok khang kajap. Urak ini nyaom kapul hu jien mek tame mbiah hu labaih 400 triệu menuac saong meda hu 800 triệu menuac dalam 10 thun tal, bruk ini hu makna biak praong dalam bruk patagok abih tih dom caong khin di dunya. 

Di mbang ndem biai kinh te dunya daok peih tabiak di Thụy Sĩ, dom urang ilamu kinh te kuhria mboh dahlau lac, bruk lạm phát glong saong lahik bruk ngak meda ba tal chau Au kadun trun dut saong dom taneh ia kinh te praong karei dalam thun 2024. Tui Hãng Kiểm toán KPMG, sa dalam 4 hãng kiểm toán dang kaok dunya, tagok di dunya meda hu 2,2% dalam thun ini min chau Au meda dang anak bruk suai patagok jang, nan kayua bruk lạm phát di thun 2024 di chau Au daok glong ralo saong biak suai. Urang lahik bruk ngak glong jang dut saong dom bhum taneh karei di dunya.

Hajan praong dom harei tapa angaok pulao Mindanao, gah meraong Philippines ba tal ia dauk, jaleih taneh biak khang, ngak brei yaok pluh sang lahik sang danaok saong hu dom menuac metai, lahik. Urak ini hu takik di abih lac 68 labik dauk dalam ia. Tỉnh Davao del Norte daok hu caik dalam bruk bala meng langik tasik. Ia dauk, jaleih taneh ngak brei 187.000 menuac di jaik 45.000 sang gaok kan kandah, lahik sang danaok./.